14
მარტიდღის ზოგადი ასტროლოგიური პროგნოზი
ბორჯომის ხეობაში, დაბა ახალდაბას მიმდებარედ, ტყეში გაჩენილი ხანძარი ლიკვიდირებულია. ამის შესახებ ინფორმაციას შინაგან საქმეთა სამინისტროს საგანგებო სიტუაციების მართვის სამსახური ავრცელებს.
მათი ცნობით, ხანძრის ქრობაში 150-მდე მეხანძრე - მაშველი და 4 ვერტმფრენი მონაწილეობდა.
“ცეცხლის ქრობის პროცესში, დღეს დილიდან სასაზღვრო პოლიციის 4 ვერტმფრენი მონაწილეობდა. მეხანძრე-მაშველების მიერ სალოკალიზაციო და სალიკვიდაციო ინტენსიური სამუშაოები მთელი ღამის განმავლობაში უწყვეტ რეჟიმში მიმდინარეობდა. ხანძრის ქრობის პროცესში 150-ზე მეტი მეხანძრე-მაშველი იყო ჩართული.
ხანძრის ადგილზე მეხანძრე-მაშველები რჩებიან და მიმდინარეობს მხრჩოლავი კერების დამუშავება. ადგილზე უსაფრთხოებისა და მონიტორინგის მიზნით, საგანგებო სიტუაციების მართვის სამსახურის წარმომადგენლები მთელი ღამის განმავლობაში დარჩებიან,“- ნათქვამია ინფორმაციაში.
თბილისის საგანგებო სიტუაციების მართვის მთავარი სამმართველოს უფროსის, ლევან მუსელიანის განცხადებით, ცეცხლი დაახლოებით 1 ჰექტარზე იყო გავრცელებული. ის ძირითადად მოდებული იყო ქვედა საფარზე. თუმცა, მეხანძრე-მაშველები მას აკონტროლებდნენ.
აღსანიშნავია, რომ მეხანძრე-მაშველების მიერ სალოკალიზაციო სამუშაოები მთელი ღამის განმავლობაში მიმდინარეობდა. რთული რელიეფის გამო, ხანძრის კერასთან სახანძრო-სამაშველო ტექნიკის შეყვანა ვერ ხერხდებოდა.
იხილეთ ასევე:
