მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქარელში, 28 წლის ბიჭის სასტიკ მკვლელობაში ბრალდებულმა ერთ-ერთმა ძმამ დუმილი დაარღვია - “ქირქილით გამომიყვანა მდგომარეობიდან, გავიხსენე შარშანდელი ამბებიც“
11:13 / 04-09-2024
რამდენიმე დღის წინ, უმძიმესი დანაშაული მოხდა ქარელის მუნიციპალიტეტის სოფელ ზღუდერში, სადაც 28 წლის ნიკა ღვინიაშვილი სასტიკად მოკლეს - ახალგაზრდა, სკამზე დააბეს, ხელები შეუკრეს და გაგუდეს.
პოლიციამ განზრახ მკვლელობის ფაქტი ცხელ კვალზე გახსნა - დაკავებულია 2 პირი - 56 და 65 წლის ძმები, მედოშვილები.
- მკვლელობაში ბრალდებულებმა დუმილი სასამართლოს დარბაზში დაარღვიეს
ერთ-ერთი ძმის თქმით, მას განზრახ მკვლელობა მიზნად არ ჰქონია დასახული. ბრალდებულმა დღის ქრონოლოგია გაიხსენა და როგორც აღნიშნა, 28 წლის ბიჭი მას აედევნა. ამას მოჰყვა დაპირისპირება და მკვლელობა.
მისი თქმით, მხარეებს ადრეც ჰქონიათ კონფლიქტი. აღნიშნული ინფორმაცია დაკავებულმა გამომძიებლებს თავიდან არ მიაწოდა.
“ქირქილით გამომიყვანა მდგომარეობიდან. ვუხსნიდი- მთვრალი ვარ, შემეშვი მეთქი. ერთი ჭიქა ავიღე ოჯახში, ვთქვი, ავდექი და წამოვედი.
წამოვედი და უკან მომყვებოდა. აშკარად ვუყურებ და მანძლს ამცირებს. 150 მეტრი გავიარე... დაგეგმილი არ მქონდა, თავისდაუნებურად გავიხსენე შარშანდელი ამბებიც,“ - განაცხადა ერთ-ერთმა ბრალდებულმა სასამართლოს დარბაზში. სხდომაზე გადაღებული კადრები “ტელეკომპანია პირველმა“ გაავრცელა.
პროკურორის განცხადებით, მოკლულს და ბრალდებულს წარსულში ჰქონდათ კონფლიქტი და სწორედ ამ კონფლიქტის გაგრძელება იყო აღნიშნული შემთხვევა.
“სიტყვიერ შელაპარაკებას მოჰყვა ფიზიკური შეურაცხყოფის მიყენება და შემდეგ უკვე ეს დანაშაული ჩაიდინა ბრალდებულმა“.
საქმეში არაერთი მოწმეა, რომლებიც ან უშუალოდ შეესწრნენ მოხდარ ფაქტს, ან მომხდარიდან ძალიან მალე მივიდნენ ადგილზე. მათ შორის, ერთ-ერთი არის ბრალდებულის არასწრულწლოვანი შვილი.
შსს-ის მიერ ჩატარებული გამოძიებით დადგინდა, რომ ბრალდებული ძმები, თავიანთი საცხოვრებელი სახლის მიმდებარედ, შურისძიების მოტივით, დაზარალებულს ფიზიკურად გაუსწორდნენ და სხეულის სხვადასხვა ადგილებში დაზიანებები მიაყენეს, შემდეგ კი კისერზე ხელის მოჭერით გაგუდეს.
სამართალდამცველებმა დანაშაულის ჩამდენი პირები 2 სექტემბერს დააკავეს. მათ ბრალდება საქართველოს სისხლის სამართლის კოდექსის 109-ე მუხლის „ი“ ქვეპუნქტით (განზრახი მკვლელობა ჯგუფურად) წარედგინათ, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.
იხილეთ ასევე:
- “ამ დანაშაულს სამი მონაწილე ჰყავს! რატომ მალავენ, ვერ გამიგია - დედაჩემი ემიგრანტია, ირლანდიიდან გაგიჟებული მოდის ქალი“ - სასტიკი დეტალები: რას ჰყვება ქარელში წამებით მოკლული ბიჭის და
- სასტიკი დანაშაულის დეტალები: 28 წლის ბიჭის წამებით მკვლელობისთვის 56 და 65 წლის ძმები დააკავეს - "ხელები შეუკრეს და ისე სცემეს ბავშვი. ყელზე ნათითურები და ჩალურჯებები აქვს"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
