ბორჯომის ტყეში, ხანძრის ლოკალიზების სამუშაოებში ვერტმფრენი ერთვება - რა ვითარებაა ადგილზე, სადაც უკვე მეორე დღეა ცეცხლს ებრძვიან
ბორჯომის რეგიონში, კერძოდ, ახალდაბის ტყეში ხანძრის ლოკალიზების სამუშაოებში ვერტმფრენი ერთვება. საგანგებო სიტუაციების მართვის სამსახურის ინფორმაციით, ცეცხლის ლოკალიზების სამუშაოები მთელი ღამის განმავლობაში მიმდინარეობდა და ახლაც გრძელდება.
სახანძრო-სამაშველო ჯგუფები თბილისიდანაც ჩავიდნენ.
არსებული ინფორმაციით, ცეცხლი გუშინ, 3 სექტემბერს, დღის მეორე ნახევარში, დასახლებული პუნქტიდან დაახლოებით 12 კილომეტრში გაჩნდა.
“ტელეკომპანია ბორჯომი“ ადგილიდან კადრებს აქვეყნებს.