“ჩვენ უნდა დავუწესოთ სანქციები პოლიტიკურ ლიდერებს, მაგრამ არავითარ შემთხვევაში ქართველ ხალხს“ - ჰუგეს მინგარელი
“თუ ჩვენს ძირითად პრინციპებს საქართველოს მთავრობა არღვევს, ყველაფერი უნდა გავაკეთოთ იმისთვის, რომ დავასანქციროთ პოლიტიკური ლიდერები, რომლებიც ამაზე არიან პასუხისმგებლები, მაგრამ არავითარ შემთხვევაში არ უნდა დავუწესოთ სანქციები ქართველ ხალხს“, - ამის შესახებ უკრაინაში ევროკავშირის ყოფილმა ელჩმა, ჰუგეს მინგარელმა თბილისში მიმდინარე ორდღიანი კონფერენციის “გარდამტეხი წელი“ ფარგლებში გამართულ პანელზე განაცხადა.
მისი თქმით, დიდი შეცდომა იქნება ევროკავშირის მხრიდან ქართველი ხალხისთვის უვიზო მიმოსვლის რეჟიმის გაუქმება.
“ეს ნიშნავს, მაგალითად, რომ, ჩემი აზრით, დიდი შეცდომა იქნება ქართველი ხალხისთვის უვიზო მიმოსვლის რეჟიმის გაუქმება“, - აღნიშნა ჰუგეს მინგარელმა.
იხილეთ ასევე:
- “მაპატიეთ, ქართველებო, მაგრამ უნდა ვთქვა: ბიძინა ივანიშვილი და ევროკავშირში გაწევრება შეუთავსებელია“ - რასა იუკნევიჩიანე
- “მიყვარს ეს ქვეყანა, ხალხი, მაგრამ არ მსურს იმის ნახვა, როგორ მიჰყავთ ინდივიდებს ეს ქვეყანა არასწორი მიმართულებით“ - დევიდ კრამერი