მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ამ დანაშაულს სამი მონაწილე ჰყავს! რატომ მალავენ, ვერ გამიგია - დედაჩემი ემიგრანტია, ირლანდიიდან გაგიჟებული მოდის ქალი“ - სასტიკი დეტალები: რას ჰყვება ქარელში წამებით მოკლული ბიჭის და
21:00 / 02-09-2024
ქარელის მუნიციპალიტეტში შუახნის ასაკს გადაცილებულმა ძმებმა მედოშვილებმა ახალგაზრდა მეზობელი, 27 წლის ნიკა ღვინიაშვილი წამებით მოკლეს. განზრახ მკვლელობის ფაქტზე პოლიციამ 2 პირი დააკავა. ცოტა ხნის წინ ცნობილი გახდა, რომ მკვლელების ოჯახი სოფლიდან გაიხიზნა.
“გამოძიებით დადგინდა, რომ ბრალდებულებმა ქარელის მუნიციპალიტეტში, ურთიერთშელაპარაკების ნიადაგზე, 1996 წელს დაბადებულ ნ.ჯ.-ს განზრახ მკვლელობის მიზნით, თოკით ხელები შეუკრეს და გაგუდეს. სამართალდამცველებმა ბრალდებულები ცხელ კვალზე დააკავეს.
ფაქტზე გამოძიება სისხლის სამართლის კოდექსის 108-ე და 25-108-ე მუხლებით მიმდინარეობს“, - ნათქვამია შსს-ს მიერ გავრცელებულ ინფორმაციაში. დანაშაული 15 წლამდე ვადით თავისუფლების აღკვეთას ითვალისწინებს.
Ambebi.ge მოკლულის დას, მარიამ ღვინიაშვილს ესაუბრა:
“მკვლელობის ნამდვილი მიზეზი არ ვიცით. მეზობელმა დაპატიჟა ჩემი ძმა, სუფრაზე არც დაულევია, ანტიბიოტიკს სვამდა, ნიკა იმ ოჯახში ზრდილობის გულისთვის მივიდა და დიდხანს არც გაჩერებულა. მერე შეკამათებულან, არ ვიცი, რა აკადრეს ჩემს ძმას, ესეც თავმოყვარე ბიჭი იყო და შეურაცხყოფას არავის გაუტარებდა. მედოშვილები ნასვამები ყოფილან. ვის ოჯახშიც იყვნენ, იმ ბიჭს უთქვამს, რომ შეკამათდნენ, მერე ნიკა სახლისკენ წასულა, მკვლელები კი დაედევნენ, ჩაუსაფრდნენ და სასტიკად აწამეს. მკვლელობა მედოშვილების სახლის წინ მომხდარა, წყაროსთან. როგორც ჩანს, ჩემი ძმა გათიშეს, თორემ გაუმკლავდებოდა, წინააღმდეგობას გაუწევდა და ასე არავის მოაკვლევინებდა თავს. მას თავშიც ბლაგვი საგანი ჰქონია ჩარტყმული, მუხლებიც გადაყვლეფილი, ნახოხიალები აქვს, ყელში წაჭერის კვალიც ეტყობა.
- ამ დანაშაულს სამი მონაწილე ჰყავს და ის მესამეც უნდა დაიჭირონ, რატომ მალავენ, ვერ გამიგია. ის ერთ-ერთი ძმის შვილია, 15 თუ 16 წლის ბიჭი. არასრულწლოვანიაო, ჩვენ ეს არ გვაინტერესებს, დედაჩემი ემიგრანტია, ირლანდიიდან გაგიჟებული მოდის ქალი. აუცილებლად, ყველა მიზეზ-გარეშე ეგ ბიჭიც უნდა დაისაჯოს, ის ყველაფერს უყურებდა და არა მარტო - მამაისს პოლიციაში დაკითხვაზე უთქვამს, რომ ბაწარი, რომელიც ყელში წაუჭირა, შვილს მიუწვდია. თუ ჩემი 27 წლის ძმა ასე გაიმეტეს, არც მაგათი 16 წლის შვილი გვადარდებს.
საზიზღარი ხალხია, ერთ სოფელში ვცხოვრობთ და ყველა მეორე მაგათ აძაგებს, მათთან ჩემს ძმას არაფერი ჰქონია საერთო. არ ვიცი, რა მოხდა, იმ ერთ ძმას ძალიან მყრალი ენა ჰქონია. მეორეზე ხმა გამოსულა, გიჟის საბუთი აქვსო. არანაირი გიჟი ის არ არის, ჩვეულებრივი, ნორმალური ადამიანი იყო. მაგათთვის 15 წელი ცოტაა...
ჩემმი ძმაა და ქება არ გამომივიდეს, მაგრამ ზღუდერში იკითხეთ და გეტყვიან, რა სახელი ჰქონდა, მთელი სოფელი ცოდვით იწვის, იმდენი ხალხი მიდი-მოდის, ბევრს არც ვიცნობთ. მე გათხოვილი ვარ და სახლში ბებო და ჩემი 2 ძმა ცხოვრობდა.
ამ საქმეს მოწმეც ჰყავს - ჩემი ძმის ნათლული. ის ბიჭი დაკითხეს და ამბობს, რომ მკვლელობამდე ნიკას მასთან დაურეკავს, წყაროსთან ვარ და ჩამოდიო. კიდევ კარგი, ეს ბიჭი ჩასულა, თორემ შეიძლება ჩემი ძმის გვამიც გადაეგდოთ და ვერ გვეპოვა. მოწმეს მისი დახმარება უნდოდა და არ მიუშვეს. ამ ნათლულს გამოუძახებია სასწრაფოც და საპატრულოც.
ვინც ნახა, ამბობს, ნიკა ხეზე იყო მიბმული, ხის ნაჭერი ჰქონდა ჩარტყმული, ძირს თოკები ეყარაო... ჩემი ძმა ისეთი ადამიანი არ ყოფილა, ვიღაც ისე გაემწარებინა, ასე სასტიკად გასწორებოდნენ. განა რა დააშავა იმ შელაპარაკების დროს, ასე მხეცურად რომ მოკლეს? - არაფერი, ელემენტარულ შელაპარაკებაზე ასე უნდა გაემეტებინათ?
მედოშვილის ოჯახი სოფლიდან გაიქცა (მეორე ძმა აქ არ ცხოვრობდა, სტუმრად იყო), თვითონ გადაწყვიტეს ასე, მათ არავინ ემუქრებოდა, ადგნენ და თავისით გაიქცნენ. ის ბავშვიც უნდა დაისაჯოს, არაფრის დიდებით არ უნდა გამოძვრეს“.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
