“არიიიის! სენ დენიზე საქართველოს ჰიმნი მაინც გაჟღერდება! ჩვენ დაუყოვნებლივ გავასაჩივრეთ ეს გადაწყვეტილება“ - რას წერს უმრავლესობის წევრი სკანდალური ინციდენტის შესახებ
პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, საპარლამენტო უმრავლესობის წევრი რატი იონათამიშვილი პარაოლიმპელ გიგა ოჩხიკიძეს ოქროს მედლის დაბრუნებას და ამასთან, მსოფლი რეკორდის დამყარებას ლოცავს.
“არიიიის! სენ დენიზე საქართველოს ჰიმნი მაინც გაჟღერდება! დავიცავით გიგას უფლებები! კომისიამ საბოლოო ვერდიქტი გამოაცხადა და გიგას ოქროს მედალიც დაუბრუნდა და მსოფლიოს რეკორდიც! გიგა ოჩხიკიძე - უკვე ორგზის ჩემპიონი ხარ!“ - წერს იონათამიშვილი და ემოციურ ფოტოს აქვეყნებს.
დღეს, პარაოლიმპიელმა, ქართველმა პარაძალოსანმა გიგა ოჩხიკიძემ ბირთვის კვრაში მსოფლიო რეკორდი დაამყარა და ამასთან, ოქროს მედლის მფლობელი გახდა. მან ბირთვის კვრაში 9,66 მეტრი დააფიქსირა.
- იმ ფონზე, როდესაც გამარჯვებას მთელი ქვეყანა ზეიმობდა, მოულოდნელად ცნობილი გახდა, რომ კომისიამ ოჩხიკიძეს შედეგები გაუუქმა და ოქრო ჩამოართვეს. ამასთან, ის სამი საპრიზო ადგილიდან არც ერთზე არ ფიგურირებდა.
“როგორც საზოგადოებისთვის არის ცნობილი, გიგა ოჩხიკიძის შედეგები გაასაჩივრეს მოროკოს და ირანის დელეგაციებმა, მას შემდეგ, რაც ოფიციალურად გამოცხადდა გამარჯვებული და ყველა ოფიციალურ გვერდზე გამოქვეყნდა გიგა ოჩხიკიძის შედეგიც და რეკორდიც, ბირთვის კვრის ორგანიზატორება გადაწყვეტილება შეცვალეს.
ჩვენ დაუყოვნებლივ გავასაჩივრეთ ეს გადაწყვეტილება და ახლაც განხილვის პროცესში ვართ. გვქონდა რამდენიმე საათიანი შეხვედრა ორგანიზატორებთან და მსაჯებთანაც, წარვადგინეთ ვიდეო მტკიცებულებებიც, რომ გიგა სწორად ისვრის ბირთვს.
5 სექტემბერს, ჩანიშნულია ჩემი პირადი შეხვედრა საერთაშორისო პარალიმპიური კომიტეტის პრეზიდენტთან ენდრიუ პერსონსთან. დაუშვებელია, რომ პარალიმპიურ თამაშებზე პარა ათლეტები უსამართლოდ იჩაგრებოდნენ და ყველას მიერ აღიარებულ შედეგს იპარავდნენ!
ჩვენ ბოლომდე დავიცავთ ჩვენი საამაყო პარაათლეტის გიგა ოჩხიკიძის უფებებს და ინფორმაციის განახლებისთანავე გაცნობებთ შედეგებს,“ - ასე გამოეხმაურა იონათამიშვილი უსამართლო გადაწყვეტილებას.
გიგა ოჩხიკიძე ქართული პარასპორტის ისტორიაში მეორე პარასპორტსმენი გახდა, ვინც ზაფხულის პარალიმპიურ თამაშებზე ოქროს მედალი მოიპოვა, პირველად პარალიმპიადის გამარჯვებული 2016 წელს, რიოს თამაშებზე პარაძიუდოსტი ზვიად გოგოჭური გახდა
საქართველო პარალიმპიურ თამაშებზე სპორტის ექვს სახეობაში 14 პარაათლეტით ასპარეზობს.
პარიზის 2024 წლის პარალიმპიური თამაშები 28 აგვისტოს საზეიმოდ გაიხსნა – ტურნირი 8 სექტემბერს დასრულდება.
იხილეთ ასევე: