იაპონიას ბოლო ათწლეულის განმავლობაში ერთ-ერთი უძლიერესი ტაიფუნი დაატყდა თავს - 5 მილიონამდე ადამიანი ევაკუირებულია, ქვეყანამ განგაშის უმაღლესი დონე გამოაცხადა (ფოტო/ვიდეო)
იაპონიას ბოლო ათწლეულების განმავლობაში ერთ-ერთი ყველაზე ძლიერი ტაიფუნი დაატყდა თავს. ქვეყანამ უმაღლესი დონის გაფრთხილება გამოაცხადა და ხუთ მილიონზე მეტ ადამიანს ევაკუაციისკენ მოუწოდა.
არსებული მონაცემებით, სულ მცირე, ოთხი ადამიანი დაიღუპა და 90-ზე მეტი დაშავდა მას შემდეგ, რაც ტაიფუნმა ქვეყნის სამხრეთ-დასავლეთით, შანშას დასახლებას გადაუარა. ასობით ათასი ადამიანი ელექტროენერგიის გარეშე დარჩა.
ევაკუირებულია კუნძულ კიუშუს ნაწილი. ტაიფუნმა ძლიერი ტროპიკული შტორმი და კოკისპირული წვიმა გამოიწვია, რასაც სატრანსპორტო კოლაფსი მოჰყვა.
ადგილობრივმა უწყებებმა მოსახლეობა მოსალოდნელი მეწყრების, წყალდიდობის და ფართომასშტაბიანი ზიანის შესახებ გააფრთხილა.
განადგურებულია ინფრასტრუქტურა, გრიგალმა ხეები ფესვებიანად ამოგლიჯა. მსხვილმა ავტომობილების მწარმოებლებმა, როგორიცაა Toyota და Nissan, თავიანთი ქარხნები დროებით დახურეს.
ინტერნეტში ვრცელდება ვიდეო, სადაც ჩანს, რომ ტაიფუნის გამო, თვითმფრინავები უსაფრთხო დაშვებას ვერ ახორციელებენ.
რამდენიმე თვითმფრინავს ფუკუოკას აეროპორტში ბილიკზე დაჯდომა გაუჭირდა.