მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უცხოური ძალის ინტერესების გამტარებელ ორგანიზაციათა რეესტრი ამოქმედდა - რამდენმა ორგანიზაციამ გაიარა რეგისტრაცია?
12:05 / 30-08-2024
იუსტიციის მინისტრის მოადგილის ინფორმაციით, უცხოური ძალის ინტერესების გამტარებელთა რეესტრში რეგისტრაცია, ამ დროისთვის, 233-მა ორგანიზაციამ გაიარა.
იუსტიციის მინისტრის პირველი მოადგილის, თამარ ტყეშელაშვილის განცხადებით, უცხოური ძალის ინტერესების გამტარებელ ორგანიზაციათა რეესტრში, ამ დროისთვის, რეგისტრაცია 233-მა ორგანიზაციამ გაიარა.
აღნიშნული ინფორმაცია მან საკონსტიტუციო სასამართლოში გავრცელდა, სადაც “უცხოური გავლენის გამჭვირვალობის შესახებ“ კანონთან დაკავშირებული სარჩელების განხილვა მიმდინარეობს.
მისი თქმით, ქვეყანაში 30 000-მდე ორგანიზაცია არსებობს.
“ამ წუთის მონაცემებით, საჯარო რეესტრის ეროვნული სააგენტოსთვის 233 ორგანიზაციას აქვს მომართული, რეგისტრაციისთვის. კიდევ არის დრო. დღეის მდგომარეობით, 30 000-მდე ორგანიზაციაა ქვეყანაში, თუმცა აქ შედის სახელმწიფო ა(ა)იპი-ები, ფედერაციები და ასე შემდეგ. დასათვლელია ე.წ. მკვდარი ორგანიზაციები, რომლებსაც ბრუნვა არ უფიქსირდებათ. კონსულტაციებთან და დეკლარაციების გაურკვევლობასთან დაკავშირებით, საჯარო რეესტრი ძალიან მოწადინებულია, რომ ხალხს დაეხმაროს. ჩვენი ვალია, მოქალაქეებს მოვუწოდოთ, რომ აღასრულონ კანონი და ამ კანონის შესრულებაში ხელი შევუწყოთ“, - განაცხადა თამარ ტყეშელაშვილმა.
- საჯარო რეესტრის ეროვნული სააგენტოს თავმჯდომარე დავით დევიძე ირწმუნება, რომ უწყება უცხოური ძალის ინტერესების გამტარებელ ორგანიზაციათა რეესტრში მხოლოდ გადამოწმებულ საფინანსო დეკლარაციებს გამოაქვეყნებს და არ გამოქვეყნდება არანაირი პერსონალური მონაცემების შემცველი ისეთი ინფორმაცია, რომლის გასაჯაროება არ შეიძლება.
როგორც დევიძემ საკონსტიტუციო სასამართლოს სხდომაზე განაცხადა, გამოქვეყნებას დაექვემდებარება მხოლოდ ორგანიზაციების საფინანსო დეკლარაციები, სადამფუძნებლო წესდება და ამონაწერი.
"არ შეიძლება გამოვითხოვოთ იმაზე მეტი, რისი მიზანიც კანონს აქვს. კანონის მიზანია ის, რაც არის ფინანსური დეკლარაციის ფორმაში. საჯარო რეესტრში დაცულია თითოეული ჩვენგანის, ვისაც უძრავი ქონება გააჩნია, პერსონალური მონაცემები. წვდომა გვაქვს სამოქალაქო რეესტრის ბაზაზე - ის თუ რა ხდებოდა ამა თუ იმ ოჯახში, დაცულია იუსტიციის სამინისტროში, მაგრამ ყველა მონაცემი ილუქება. საჯარო რეესტრი არის ინსტიტუცია, შემდგარი ორგანიზაცია, რომელიც მხოლოდ კანონმდებლობის ფარგლებში მუშაობს - შეუძლებელია ვინმეს სუბიექტური მოსაზრების ან სურვილის შემთხვევაში რაიმე სახის გადაწყვეტილება იქნას მიღებული. ამას ჩვენი პრაქტიკა აჩვენებს. ჩვენი ავტორიტეტი ჩვენთვის ძალიან ძვირფასია და ამას მოვუფრთხილდებით", - განაცხადა საჯარო რეესტრის ხელმძღვანელმა საკონსტიტუციო სასამართლოს სხდომაზე, სადაც "უცხოური გავლენის გამჭვირვალობის შესახებ" კანონის კონსტიტუციურობაზე მსჯელობენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
