ხატია ბუნიათიშვილი ვენეციის კინოფესტივალის წითელ ხალიჩაზე, ანუკი არეშიძის შავი კაბითა და "კარტიეს“ სამკაულებით (ფოტოები)

ხატია ბუნიათიშვილი ვენეციის კინოფესტივალზე, წითელ ხალიჩაზე ანუკი არეშიძის შავი კაბითა და "კარტიეს“ სამკაულებით გამოჩნდა. წლებია, რაც ბუნიათიშვილი ცნობილი საიუველირო ბრენდის ამბასადორია, თუმცა ცნობილი ქართველი დიზაინერის შექმნილი კაბით პირველად წარსდგა ფართო აუდიტორიის წინაშე.

კაბა პიანისტის სტილზეა მორგებული. ცნობილია, რომ ბუნიათიშვილის სასცენო კაბები ყოველთვის გრძელი და დამახასიათებელი ღრმა დეკოლტით გამოირჩევა. შავ კაბას გრძელი შლეიფი ამშვენებს.

ვენეციის კინოფესტივალი გუშინ გაიხსნა და 11 დღის განმავლობაში, კუნძული ლიდო მსოფლიო ვარსკვლავებსა და უახლეს კინონამუშევრებს უმასპინძლებს.

წელს, ფესტივალზე 21 ფილმია წარდგენილი და "ოქროს ლომისთვის" იბრძოლებს ქართველი რეჟისორის, დეა კულუმბეგაშვილის "აპრილი".

კინოფესტივალის გამარჯვებულები 7 სექტემბერსვე გახდება ცნობილი.

წაიკითხეთ ასევე:

• "1990-იან წლებში ჩემს ოჯახს არ ჰქონდა ფული, ზოგჯერ შინ ძალიან ცოტა საჭმელი იყო..." - რას ჰყვება და რა ქონებას ფლობს ხატია ბუნიათიშვილი?