მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ ეთქვა უარი არჩევნებში რეგისტრაციაზე ფრიდონ ინჯიას, შოთა შალელაშვილის და აკაკი ასათიანის პარტიებს? - ცესკო განცხადებას ავრცელებს
09:50 / 29-08-2024
ცენტრალური საარჩევნო კომისია განმარტავს, რატომ ეთქვა უარი არჩევნებში რეგისტრაციაზე დეპუტატ ფრიდონ ინჯიას პარტიას “ევროპელ სოციალისტებს“, ასევე შოთა შალელაშვილის პარტიას “თაობები საქართველოსთვის“ და “ტრადიციონალისტთა კავშირს“.
როგორც ცესკო-ს იურიდიული დეპარტამენტის უფროსმა, გიორგი სანტურიანმა “ინტერპრესნიუსს“ განუცხადა, პარტიების ნაწილმა ადმინისტრაციაში დასარეგისტრირებლად საჭირო 25 ათასი ამომრჩევლის ხელმოწერა არ წარადგინა, შოთა შალელაშვილის პარტიის მიერ წარმოდგენილი სიები კი არაზუსტი აღმოჩნდა.
“საარჩევნო კოდექსის“ მიხედვით, არსებობენ პარტიები, რომლებსაც პარლამენტში მოქმედი დეპუტატი ჰყავთ, შესაბამისად, მათ არ სჭირდებათ მხარდამჭერების ხელმოწერების წარმოდგენა. მაგრამ თუ პოლიტიკურ გაერთიანებას არ ჰყავს თავისი წარმომადგენელი პარლამენტში, რეგისტრაციის გასავლელად მას 25 ათასი მხარდამჭერი ამომრჩევლის ხელმოწერის წარმოდგენა სჭირდება.
ეს სამივე პოლიტიკური გაერთიანება, ისეთი პოლიტიკური გაერთიანებაა, რომელსაც 25 ათასი მხარდამჭერი ამომრჩევლის ხელმოწერის წარმოდგენა ესაჭიროება. მათ შორის, “ევროპელ სოციალისტებსაც“, რადგან დღეს მოქმედი დეპუტატი ფრიდონ ინჯია არ იყო ამ პარტიის წარდგენით არჩეული. მათაც და “ტრადიციონალისტებსაც“ 1-ელ აგვისტომდე ჰქონდათ სიების წარდგენის ვადა, თუმცა არ წარმოადგინეს. რაც შეეხება “თაობები საქართველოსთვის“, აქაც საკითხი შეეხებოდა მხარდამჭერთა ხელმოწერებს. უბრალოდ განსხვავებით “ევროპელი სოციალისტებისგან“, აქ ხელმოწერები წარმოდგენილი იყო ვადაში, თუმცა შემოწმების შედეგად, ხელმოწერების ნაწილი გაბათილდა ისე, რომ საბოლოო ჯამში, 25 ათასი არ დარჩა. შემდეგ გასაჩივრდა სასამართლოში, მაგრამ ვადის გასვლის გამო საკითხი არ განხილულა“, - განაცხადა სანტურიანმა.
ცნობისთვის, ცენტრალურმა საარჩევნო კომისიამ რეგისტრაციაზე უარი 11 პოლიტიკურ პარტიას უთხრა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
