New York Times სა­ქარ­თვე­ლოს ნაკ­რე­ბი­სა და ახლა უკვე "ლი­ვერ­პუ­ლის" მე­კა­რის, გი­ორ­გი მა­მარ­დაშ­ვი­ლის შე­სა­ხებ სტა­ტი­ას აქ­ვეყ­ნებს.

მა­მარ­დაშ­ვილ­ზე ვრცე­ლი რე­პორ­ტა­ჟი გა­მო­ცე­მამ მას შემ­დეგ გა­ა­კე­თა, რაც გი­ორ­გიმ ბრი­ტა­ნულ წამ­ყვან კლუბ “ლი­ვერ­პულ­თან” გა­ა­ფორ­მა კონ­ტრაქ­ტი.

შე­გახ­სე­ნებთ, "ლი­ვერ­პულ­მა" მა­მარ­დაშ­ვი­ლი 30+5 მი­ლი­ონ ევ­როდ შე­ი­ძი­ნა და ამ სე­ზონ­ში იჯა­რით ეს­პა­ნურ "ვა­ლენ­სი­ა­ში" და­ტო­ვა, "ლი­ვერ­პუ­ლის" რი­გებ­ში კი 2025 წლის ზა­ფხულ­ში, სა­მუ­შაო ვი­ზის მი­ღე­ბის შემ­დეგ გა­და­ვა.

ეს ქარ­თუ­ლი ფეხ­ბურ­თის ის­ტო­რი­ა­ში ყვე­ლა­ზე ძვი­რა­დღი­რე­ბუ­ლი ტრანსფე­რია.

New York Times-ის სტა­ტი­ას უც­ვლე­ლად გთა­ვა­ზობთ:

"გი­ორ­გი მა­მარ­დაშ­ვილს სახე მო­ღუ­შუ­ლი ჰქონ­და...

2021 წელი იდგა, მა­მარ­დაშ­ვილს “ვა­ლენ­სი­ა­ში” მხო­ლოდ ექ­ვსი მატ­ჩი ჰქონ­და ჩა­ტა­რე­ბუ­ლი, თუმ­ცა ეს ქარ­თვე­ლი ფეხ­ბურ­თე­ლის­თვის, ევ­რო­პის ტოპ ლი­გებ­ში თა­მა­შის თვალ­საზ­რი­სით, დიდი წარ­მა­ტე­ბა იყო...

მე­კა­რე, რო­მელ­საც “ლი­ვერ­პუ­ლი” გრძელ­ვა­დი­ან პერ­სპექ­ტი­ვა­ში პირ­ველ ნომ­რად ხე­დავს, დღეს უკვე მსოფ­ლი­ო­ში ერთ-ერთი სა­უ­კე­თე­სოა, თუმ­ცა 3 წლის წინ, სე­ვი­ლი­ა­ში მატ­ჩი დრა­მა­ტუ­ლად მიმ­დი­ნა­რე­ობ­და - პირ­ველ 21 წუთ­ში სამი გო­ლის გაშ­ვე­ბა და შეც­დო­მა, რო­მელ­საც სო­ცი­ა­ლურ მე­დი­ა­ში და­უს­რუ­ლებ­ლად ატ­რი­ა­ლებ­დნენ, ნად­ვი­ლად არ იყო ის და­სა­წყი­სი, რომ­ლის იმე­დიც მა­მარ­დაშ­ვილს ჰქონ­და.

იმ სა­ღა­მოს თა­ნა­გუნ­დე­ლებ­თან ერ­თად, თვითმფრი­ნა­ვით ხან­მოკ­ლე მგზავ­რო­ბი­სას, მა­მარ­დაშ­ვილს თავი ჰქონ­და დახ­რი­ლი და ხმას არ იღებ­და. გი­ორ­გის აე­რო­პორ­ტი­დან გა­მოს­ვლი­სას, მისი ახ­ლობ­ლე­ბი დის­ტან­ცი­ას იცავ­დნენ. სი­მარ­თლე რომ ვთქვათ, გან­სა­ხილ­ვე­ლიც დი­დად არა­ფე­რი იყო.

მა­შინ 20 წლის მა­მარ­დაშ­ვი­ლი “დი­ნა­მო” თბი­ლი­სი­დან ახა­ლი გა­და­სუ­ლი იყო და პირ­ველ გუნდში სულ ცოტა, ხუთი თვის გან­მავ­ლო­ბა­ში აღარ ათა­მა­შებ­დნენ - რაც ასე­თი კა­ტას­ტრო­ფუ­ლი თა­მა­შის გა­და­სა­ხარ­შად საკ­მა­ოდ დიდი დროა.

თუმ­ცა მა­მარ­დაშ­ვი­ლი უკვე მე­ო­რე დღეს სხვა ადა­მი­ა­ნი იყო.

"ეს მისი გან­სა­კუთ­რე­ბუ­ლი ძა­ლაა", - ამ­ბობს მიხა გა­ბე­ჩა­ვა, მისი მე­გო­ბა­რი და ბელ­გი­უ­რი გუნ­დის, “გენ­ტის” სკა­უ­ტი, რო­მელ­მაც პირ­ვე­ლად მა­მარ­დაშ­ვი­ლი მა­შინ გა­იც­ნო, როცა ის ად­გი­ლობ­რივ სა­ა­გენ­ტო­ში მუ­შა­ობ­და, - "შე­უძ­ლია, ფაქ­ტობ­რი­ვად, და­ი­ვი­წყოს, რომ რა­ღაც ცუდი მოხ­და. მან ზუს­ტად იცის, რო­დის და­ა­ჭი­როს გა­მორ­თვის ღი­ლაკს ხელი და ხე­ლახ­ლა ფო­კუ­სირ­დეს".

ეს პირ­ვე­ლი მნიშ­ვნე­ლო­ვა­ნი წა­რუ­მა­ტებ­ლო­ბა იყო, რო­მე­ლიც მა­მარ­დაშ­ვილ­მა მა­შინ დაძ­ლია, რო­დე­საც ყუ­რა­დღე­ბის ცენ­ტრში იყო მოქ­ცე­უ­ლი. მარ­თა­ლია, სა­ქარ­თვე­ლო­შიც აკ­რი­ტი­კებ­დნენ, მაგ­რამ კრი­ტი­კა არას­დროს ყო­ფი­ლა ისე­თი მწვა­ვე, რო­გორც - ლა ლი­გა­ში, “ვა­ლენ­სი­ა­ში”, სა­დაც ყო­ვე­ლი თა­მა­ში მთელ მსოფ­ლი­ო­ში გა­და­ი­ცე­მა და ვერ­სად და­ი­მა­ლე­ბი.

მა­მარ­დაშ­ვი­ლი იმ კა­ტე­გო­რი­ის სპორ­ტსმე­ნი არ არის, რო­მე­ლიც უკან იხევს. მის­მა ძველ­მა მწვრთნელ­მა, გი­ორ­გი ჭი­აბ­რიშ­ვილ­მა, რო­მელ­მაც გი­ორ­გის 2020 წელს თბი­ლი­სის “ლო­კო­მო­ტივ­ში” არენ­დით თა­მა­შის დროს პირ­ველ გუნდში დე­ბი­უ­ტის შე­საძ­ლებ­ლო­ბა მის­ცა, The Athletic-ს კი­დევ ერთი ის­ტო­რია უამ­ბო, რაც კი­დევ ერთხელ უს­ვამს ხაზს მე­კა­რის გო­ნებ­რივ სიძ­ლი­ე­რეს.

"მისი პირ­ვე­ლი თა­მა­ში ჩემ­თან სა­ში­ნე­ლი იყო", - თქვა მან, - "ბა­თუ­მის “დი­ნა­მომ” ოთხი გოლი გა­ი­ტა­ნა, პირ­ვე­ლი გო­ლი­სას შეც­დო­მა და­უშ­ვა, მაგ­რამ მისი რე­აქ­ცი­ი­დან საკ­მა­რი­სი და­ვი­ნა­ხე, რომ მისი ხა­სი­ა­თის შე­სა­ხებ მეტი გა­მე­გო. შეც­დო­მის შემ­დეგ, და­უ­ყოვ­ნებ­ლივ გა­იქ­ცა ბურ­თის­კენ, რომ რაც შე­იძ­ლე­ბა სწრა­ფად გა­ნე­ახ­ლე­ბი­ნა თა­მა­ში და იმ მო­მენ­ტი­დან ვი­ცო­დი, რომ ის შე­სა­ნიშ­ნა­ვი მე­კა­რე იქ­ნე­ბო­და, ისე­თი, ვის­ზეც დაყ­რდნო­ბას შევ­ძლებ­დი".

ასე­თი თვი­სე­ბე­ბი ფეხ­ბურ­თელს მომ­დევ­ნო წლებ­ში კარ­გად გა­მო­ად­გა და მო­მა­ვალ­შიც ასე უნდა იყოს, რო­დე­საც, ბო­ლოს და ბო­ლოს, “ლი­ვერ­პულ­ში” გა­და­ვა: მა­მარ­დაშ­ვი­ლი მომ­დევ­ნო სე­ზონს “ვა­ლენ­სი­ა­ში” გა­ა­ტა­რებს, 2025 წლი­დან კი ბრი­ტა­ნულ კლუბს შე­უ­რეთ­დე­ბა.

მა­მარ­დაშ­ვი­ლის და­მა­ტე­ბის მცდე­ლო­ბი­სას “ლი­ვერ­პუ­ლის” ამ­ჟა­მინ­დელ პირ­ველ ნო­მერ­თან, ალი­სონ­თან მიმ­დი­ნა­რე­ობ­და კონ­სულ­ტა­ცი­ე­ბი. მო­მა­ვალ სე­ზონ­ში ქარ­თველს მი­ე­ცე­მა შან­სი, სა­წყი­სი პო­ზი­ცი­ის­თვის იბ­რძო­ლოს...

ძლი­ე­რი მენ­ტა­ლი­ტე­ტი, რო­მე­ლიც მისი გან­ვი­თა­რე­ბის პრო­ცეს­ში გა­მო­იკ­ვე­თა, ახლა უკვე მყა­რია. შეც­დო­მებს ზოგ­ჯერ კვლავ უშ­ვებს, მაგ­რამ იშ­ვი­ა­თად და თა­ნაც ახლა უკუს­ვლებს უკეთ უმკლავ­დე­ბა.

იმ ადა­მი­ა­ნებ­თან სა­უბ­რე­ბი­დან გა­მომ­დი­ნა­რე, რომ­ლე­ბიც მას ყვე­ლა­ზე კარ­გად იც­ნო­ბენ, მა­მარ­დაშ­ვი­ლი ფო­კუ­სი­რე­ბუ­ლი, უში­შა­რი და სა­ი­მე­დო პი­როვ­ნე­ბაა - ეს არის ის, რაც, რო­გორც ჩანს, მას და­ნარ­ჩე­ნე­ბის­გან გა­ნას­ხვა­ვებს. სა­ქარ­თვე­ლოს ფეხ­ბურ­თის ფე­დე­რა­ცი­ა­ში მას თა­ო­ბის ტა­ლან­ტად იხ­სე­ნი­ე­ბენ, რო­მელ­საც აქვს ყვე­ლა თვი­სე­ბა, რომ თა­ვის სფე­რო­ში სა­უ­კე­თე­სო გახ­დეს.

დე­ვიდ უები, ეროვ­ნუ­ლი ნაკ­რე­ბის მწვრთნე­ლის ასის­ტენ­ტი, ამ შე­ფა­სე­ბას ეთან­ხმე­ბა.

"ლი­ვერ­პულ­ში" გა­დას­ვლა მას კი­დევ უფრო მეტ წინსვლა­ში და­ეხ­მა­რე­ბა", - აღ­ნიშ­ნავს უები, - "სა­ვა­რა­უ­დოდ, ის მსოფ­ლი­ო­ში სა­უ­კე­თე­სო 3-4 მე­კა­რი­დან ერთ-ერთი გახ­დე­ბა".

"ენ­ფილ­დის" მბრწყი­ნა­ვი გა­ნა­თე­ბა და ტრი­ბუ­ნე­ბი პა­ტა­რა ქარ­თულ ქა­ლაქ ხო­ნი­დან შო­რე­უ­ლი მო­ჩანს - სწო­რედ აქ გა­ი­ზარ­და მა­მარ­დაშ­ვი­ლი.

მა­შინ მისი ოც­ნე­ბა დე­და­ქა­ლაქ­ში გა­დას­ვლა და ქვეყ­ნის უდი­დე­სი გუნ­დის­თვის, თბი­ლი­სის “დი­ნა­მოს­თვის” თა­მა­ში იყო. ის მა­მას­თან, და­ვით­თან ერ­თად, პა­ტა­რა ეზო­ში ვარ­ჯი­შობ­და. გი­ორ­გის მა­მაც პრო­ფე­სი­ო­ნა­ლი მე­კა­რე იყო. არ არ­სე­ბობ­და დი­ა­დი გეგ­მა, ეს, უბ­რა­ლოდ, ფეხ­ბურ­თი იყო.

ცხრა წლის ასაკ­ში “დი­ნა­მო­ში” ად­გი­ლი მო­ი­პო­ვა და პროგ­რე­სი სწო­რედ ამ კლუბ­ში და­ი­წყო, რო­მე­ლიც თა­ნა­მედ­რო­ვედ იყო კე­თილ­მო­წყო­ბი­ლი და თა­ვის სა­უ­კე­თე­სო ახალ­გაზ­რდებს აკა­დე­მი­ა­ში წვრთნი­და, მაგ­რამ წლე­ბის გას­ვლას­თან ერ­თად, უფ­როს­თა გუნდში გა­მო­ჩე­ნის შე­საძ­ლებ­ლო­ბა კვლავ მი­უწ­ვდო­მე­ლი რჩე­ბო­და.

მა­მარ­დაშ­ვი­ლი იჯა­რით დე­და­ქა­ლა­ქის მე­ო­რე, "დი­ნა­მოს" მე­ტო­ქე “ლო­კო­მო­ტივ­ში” გა­და­ვი­და და იქ (ჭი­აბ­რიშ­ვი­ლის ხელ­მძღვა­ნე­ლო­ბით, მწვრთნე­ლის, რო­მე­ლიც სა­ქარ­თვე­ლო­ში, უკა­ნა ხა­ზი­დან თა­მა­ში­სად­მი თა­ვი­სი თავ­და­დე­ბი­თაა ცნო­ბი­ლი) მისი წინსვლაც და­ი­წყო.

ჭი­აბ­რიშ­ვი­ლი აღ­ფრთო­ვა­ნე­ბით სა­უბ­რობს მა­მარ­დაშ­ვილ­ზე, მაგ­რამ თა­ვის შე­ფა­სე­ბა­ში გულ­წრფე­ლია.

"ორი რა­მის გა­კე­თე­ბის თა­ვი­სუფ­ლე­ბა მი­ვე­ცი: ერთი, და­ეშ­ვა შეც­დო­მე­ბი ყო­ველ­გვა­რი ზე­წო­ლის გა­რე­შე, მაგ­რამ ასე­ვე, არას­დროს გა­ეგ­ზავ­ნა ბურ­თი შორს, რა სცე­ნა­რიც არ უნდა ყო­ფი­ლი­ყო".

ეს იყო გა­მოწ­ვე­ვა, რო­მე­ლიც მო­ი­თხოვ­და რო­გორც დროს, ისე - მოთ­მი­ნე­ბას. მა­მარ­დაშ­ვი­ლი ყო­ველ­თვის იყო ცნო­ბი­ლი თა­ვი­სი შრო­მის­მოყ­ვა­რე­ო­ბი­თა და საქ­მი­სად­მი თავ­და­დე­ბით. რო­დე­საც რა­ღაც ცუ­დად მი­დი­ო­და, იმედ­გაც­რუ­ე­ბა ჰქონ­და, მაგ­რამ არას­დროს ანე­ბებ­და პრო­ცესს თავს და თა­ვი­სი თა­მა­შის სხვა ას­პექ­ტებ­ზე გა­ნაგ­რძობ­და მუ­შა­ო­ბას...

"ის ყო­ველ­დღე პროგ­რე­სი­რებ­და და შეც­დო­მე­ბის დაშ­ვე­ბის არ ეში­ნო­და", - ამა­ტებს ჭი­აბ­რიშ­ვი­ლი, - "მალე, მისი თა­ნა­გუნ­დე­ლე­ბის­თვის ვარ­ჯი­შებ­ზე გო­ლის გა­ტა­ნა რთუ­ლი გახ­და, შემ­დეგ კი, რაც უფრო ძლი­ე­რი ხდე­ბო­და მე­ტო­ქე, თა­ვა­დაც მით უფრო აუმ­ჯო­ბე­სებ­და თა­მაშს. რაც ყვე­ლა­ზე მე­ტად მახ­სოვს იყო ის, თუ რო­გორ დავ­მშვიდ­დით ნელ-ნელა, რო­დე­საც გი­ორ­გი იდგა კარ­ში".

მა­მარ­დაშ­ვი­ლის­თვის, რო­მე­ლიც თა­ვი­სი კერ­პის, გერ­მა­ნე­ლი მე­კა­რის, მა­ნუ­ელ ნო­ი­ე­რის კად­რებს შე­ის­წავ­ლი­და, გარ­ღვე­ვა 2020 წლის სექ­ტემ­ბერ­ში მოხ­და, რო­დე­საც “ლო­კო­მო­ტივ­მა” ევ­რო­პის ლი­გის­თვის ითა­მა­შა და მოს­კო­ვის “დი­ნა­მო” და­ა­მარ­ცხა. სა­ქარ­თვე­ლო­ში, რუს მე­ტო­ქეს­თან ნე­ბის­მი­ე­რი თა­მა­ში დიდ ინ­ტე­რესს იწ­ვევს, ასე რომ, ყვე­ლას ყუ­რა­დღე­ბა უკვე გუნ­დზე იყო მი­პყრო­ბი­ლი, ახალ­გაზ­რდა მე­კა­რე კი “ლო­კო­მო­ტი­ვის” 2-1 გა­მარ­ჯვე­ბა­ში გა­მო­ირ­ჩე­ო­და.

რო­დე­საც “ლო­კო­მო­ტივ­მა” ერთი კვი­რის შემ­დეგ ეს­პა­ნეთ­ში, “გრა­ნა­დას” წი­ნა­აღ­მდეგ ითა­მა­შა, მატჩს “ვა­ლენ­სი­ას” წარ­მო­მად­გენ­ლე­ბი აკ­ვირ­დე­ბოდ­ნენ. ეს­პა­ნუ­რი კლუ­ბი უკვე იც­ნობ­და მა­მარ­დაშ­ვი­ლის ნიჭს და ის ცხრა თვის შემ­დეგ გა­და­იყ­ვა­ნეს, თავ­და­პირ­ვე­ლად, აკა­დე­მი­ა­ში იჯა­რით, ვიდ­რე ეს მუდ­მივ გა­რი­გე­ბად იქ­ცე­ო­და.

უც­ნა­უ­რი დამ­თხვე­ვაა, რომ სწო­რედ “ლი­ვერ­პუ­ლის” ყო­ფი­ლი მე­კა­რე­ე­ბის მწვრთნე­ლი, ხოსე ოჩო­ტო­რე­ნა და­ეხ­მა­რა მა­მარ­დაშ­ვილს დე­ბი­უ­ტის­თვის მომ­ზა­დე­ბა­ში, რო­მე­ლიც მა­შინ შედ­გა, როცა 2021-22 სე­ზო­ნის და­სა­წყის­ში გუნ­დის სამი მე­კა­რე იყო და­შა­ვე­ბუ­ლი.

ეს­პა­ნურს აქ­ტი­უ­რად სწავ­ლობ­და, თა­ნა­გუნ­დე­ლებ­თან მორ­ცხვი იყო, რა­მაც სხვა პრობ­ლე­მე­ბი გა­მო­იწ­ვია.

ოჩო­ტო­რე­ნამ, რო­მე­ლიც იერ­ჟი დუ­დეკს წვრთნი­და, როცა “ლი­ვერ­პულ­მა” 2005 წელს ჩემ­პი­ონ­თა ლიგა მო­ი­გო, გი­ორ­გის უბიძ­გა, სხვებ­თან ურ­თი­ერ­თო­ბა და­ემ­ყა­რე­ბი­ნა. ორ­მაგ­მა საწ­ვრთნე­ლო სე­სი­ებ­მა მის ფი­ზი­კურ ტრანსფორ­მა­ცი­ას შე­უ­წყო ხელი (ახლა მისი სი­მაღ­ლე 198 სმ-ია) და გუნდში ად­გი­ლი შე­ი­ნარ­ჩუ­ნა მა­ში­ნაც კი, რო­დე­საც ჰო­ლან­დი­ე­ლი იას­პერ სი­ლე­სე­ნი დაბ­რუნ­და. ოჩო­ტო­რე­ნამ მისი თა­მა­შის ნაკ­ლო­ვა­ნე­ბე­ბი გა­მო­ას­წო­რა და მის გა­მორ­ჩე­ულ ძლი­ერ მხა­რე­ზე - დარ­ტყმე­ბის მო­გე­რი­ე­ბა­ზე იმუ­შა­ვა.

პო­პუ­ლა­რო­ბას­თან გამ­კლა­ვე­ბა თავ­და­პირ­ვე­ლად ცოტა რთუ­ლი იყო. "ვა­ლენ­სი­ა­ში" ყოფ­ნის იმ ად­რე­ულ დღე­ებ­ში ათა­სო­ბით Instagram შე­ტყო­ბი­ნე­ბა მი­ი­ღო და შემ­დეგ მისი სო­ცი­ა­ლუ­რი მე­დი­ის ან­გა­რი­შე­ბი გა­ტე­ხეს. კა­რი­ე­რის და­სა­წყის­ში მად­რი­დის "რე­ალ­თან" შთამ­ბეჭ­და­ვი თა­მა­შის შემ­დეგ, მეს­ტა­ლი­ას გა­რეთ ავ­ტოგ­რა­ფე­ბის და­სა­რი­გებ­ლად სა­ა­თო­ბით გა­ჩერ­და, რაც მისი თა­ნა­გუნ­დე­ლე­ბის გა­სარ­თო­ბი თემა გახ­და.

ბევ­რი რამ იყო გა­და­სა­ხარ­ში წყნა­რი, მოკ­რძა­ლე­ბუ­ლი ახალ­გაზ­რდა კა­ცის­თვის, რო­მე­ლიც, მი­უ­ხე­და­ვად მისი სწრა­ფი აღ­მას­ვლი­სა, თავ­მდა­ბა­ლი დარ­ჩა. მი­წას­თან ახ­ლოს მდგო­მი ხა­სი­ა­თი და­ეხ­მა­რა, წა­რუ­მა­ტებ­ლო­ბას გამ­კლა­ვე­ბო­და, მა­გა­ლი­თად ისეთს, რო­გო­რიც ის დამ­თრგუნ­ვე­ლი და­მარ­ცხე­ბა იყო “სე­ვი­ლი­ას­თან”.

ახლა, სამი წლის შემ­დეგ, მა­მარ­დაშ­ვილს ევ­რო­პის ერთ-ერთ სა­უ­კე­თე­სო ახალ­გაზ­რდა მე­კა­რედ აქვს დამ­კვიდ­რე­ბუ­ლი თავი და თა­ვის ქვე­ყა­ნა­ში, “ნა­პო­ლის” თავ­დამ­სხმელ ხვი­ჩა კვა­რა­ცხე­ლი­ას­თან ერ­თად, კერ­პია. თა­მა­ში ხვი­ჩა­მაც თბი­ლი­სის “დი­ნა­მო­თი” და­ი­წყო.

ხო­ნის კედ­ლის მხატ­ვრო­ბა­ში მისი შთამ­ბეჭ­და­ვი ფი­გუ­რა შეგ­ხვდე­ბათ, რო­მელ­ზეც წე­რია სი­ტყვე­ბი: "დიდი ქარ­თუ­ლი კე­დე­ლი".

სა­ბერ­ძნეთ­თან პე­ნალ­ტე­ბის სე­რი­ით გა­მარ­ჯვე­ბა­ში სწო­რედ მისი მო­გე­რი­ე­ბე­ბი იყო, რა­მაც სა­ქარ­თვე­ლოს ევრო 2024-ზე მო­უ­ტა­ნა ად­გი­ლი. ტურ­ნირ­ზე მის­მა გა­მოს­ვლამ, გან­სა­კუთ­რე­ბით ჩე­ხეთ­თან, 1-1 ფრედ დას­რუ­ლე­ბულ მატჩში, ბა­თუმ­ში კი­დევ გრა­ფი­ტი გა­ა­ჩი­ნა.

"ჩვე­ნი გუნ­დი თავს ძა­ლი­ან უსაფრ­თხოდ გრძნობს, როცა ის დგას კარ­ში, რად­გან იცი­ან, რომ ბურთს და­ი­ჭერს, სი­ტუ­ა­ცი­ას გა­უმკლავ­დე­ბა", - ეუბ­ნე­ბა უები The Athletic-ს, - "მისი შრო­მის­მოყ­ვა­რე­ო­ბა არაჩ­ვე­უ­ლებ­რი­ვია და ასე­თი­ვეა მისი ყუ­რა­დღე­ბა დე­ტა­ლე­ბი­სად­მი. სა­ბერ­ძნეთ­თან პე­ნალ­ტე­ბის სე­რი­ის წინ ისე­თი მო­სამ­ზა­დე­ბე­ლი სა­მუ­შაო ჩა­ა­ტა­რა, უბ­რა­ლოდ, ვი­ცო­დით, რომ ისი­ნი ხუ­თი­ვე პე­ნალტს ვერ გა­ი­ტან­დნენ".

უები ასე­ვე მი­იჩ­ნევს, რომ მა­მარ­დაშ­ვი­ლი წინსვლის­თვის მზად არის:

"მას­თან პი­რის­პირ სა­უბ­რე­ბი მქონ­და, რათა მისი პი­როვ­ნე­ბის შე­სა­ხებ მეტი გა­მე­გო. ის ძა­ლი­ან გა­წო­ნას­წო­რე­ბუ­ლი, მშვი­დია, ასე­ვე ფო­კუ­სი­რე­ბუ­ლია თა­ვის კა­რი­ე­რა­ზე და ძა­ლი­ან ამ­ბი­ცი­უ­რია, იცის, რის მიღ­წე­ვაც სურს... აქამ­დე ყვე­ლა­ფერს ნამ­დვი­ლად მძი­მე გზით მო­აღ­წია. ხვი­ჩა ოქ­როს ბი­ჭია, მაგ­რამ მა­მარ­დაშ­ვი­ლის წარ­მა­ტე­ბაც ახლა მის­გან შორს არ არის..."

2025 წელს პრე­მი­ერ ლიგა გა­ი­გებს, მზად არის თუ არა გი­ორ­გი მა­მარ­დაშ­ვი­ლი შემ­დე­გი ნა­ბი­ჯის გა­და­სად­გმე­ლად." წყა­რო

იხი­ლეთ ასე­ვე:

• სა­ქარ­თვე­ლოს ის­ტო­რი­ა­ში ყვე­ლა­ზე ძვი­რა­დღი­რე­ბუ­ლი ტრანსფე­რი: "კე­თი­ლი იყოს შენი მობ­რძა­ნე­ბა "ენ­ფილ­დზე", გი­ორ­გი" - რას წერს ფეხ­ბურ­თე­ლი და რას წე­რენ ინ­გლი­სე­ლი გულ­შე­მატ­კივ­რე­ბი?