ლონდონში კარნავალზე 11 ადამიანი დაჭრეს, დაკავებული 334 მოქალაქე - რას აცხადებენ სამართალდამცველები მომხდარზე და როგორია ვითარება ამ დროისთვის (ფოტოები)
ლონდონში ნოტინგ ჰილის კარნავალზე, რომელსაც "კარიბის კარნავალსაც“ უწოდებენ, 13 ადამიანი დანით დაჭრეს, დაკავებული 334 პირი. ამის შესახებ BBC წერს.
მედიის ცნობით, ზოგიერთი დაჭრილის მდგომარეობა კრიტიკულად მძიმეა და მათ შორისაა ახალგაზრდა დედა, რომელიც კარნავალზე შვილთან ერთად იმყოფებოდა. დაშავებულია 50 ოფიცერი.
სამართალდამცველთა ინფორმაციით, დაკავებულთა უმეტესობას ბრალად ედება ნარკოდანაშაული და იარაღის უკანონოდ ტარება. მათივე განცხადებით კარნავალზე მისული ადამიანების ნაწილი მას იყენებს დანაშაულის, ძალადობის ჩადენის შესაძლებლობად.
ორ დღიანი კარნავალი 1966 წლიდან ტარდება და მასში ყოველწლიურად 2 მილიონი ადამიანი მონაწილეობს. ისტორიულად ის ლონდონში არსებულ კულტურულ მრავალფეროვნებასა და განსხვავებულობას ეძღვნება.