"ვერასდროს ვიცხოვრებ შენ გარეშე, შენ?" - როგორი იყო ალენ დელონის ბოლო წუთები? მსახიობის შვილი ფანებს უკანასკნელ ფოტოებს უზიარებს

ფრანგული კინოს ლეგენდის ალენ დელონის ქალიშვილმა, 33 წლის ანუშკამ მამის დაკრძალვიდან ორი დღის შემდეგ, "ინსტაგრამზე" მამასთან ერთად გადაღებული ფოტოები გამოაქვეყნა. გოგონამ თაყვანისმცემლებს აჩვენა, როგორ გამოიყურებოდა მსახიობი და სცენარისტი სიკვდილამდე ცოტა ხნით ადრე.

ერთ-ერთ ფოტოზე ალენ ქალიშვილი მკლავზე ეხუტება. მეორე ფოტო კი სავარაუდოდ, დელონის სიცოცხლის ბოლო დღეებშია გადაღებული. სურათზე ჩანს, როგორ უჭერს ხელს ვარსკვლავი ერთადერთ გოგონას.

ანუშკა წერს, რომ განსაკუთრებულად ენატრება მამა და არასოდეს დაივიწყებს მას.

"გულში მეყოლები... მიყვარხარ, იცი, მხოლოდ შენ იცი, რამდენად. ვერასდროს ვიცხოვრებ შენს გარეშე, მე შენ მიყვარხარ და შენ? მამა, მიყვარხარ მამა,“ - წერს ანუშკა.

ლეგენდარულ მსახიობს ქალიშვილის გარდა ორი ვაჟი დარჩა: 59 წლის ენტონი და 30 წლის ალენ-ფაბიენი. ლეგენდარული მსახიობი 88 წლის ასაკში გარდაიცვალა.

გამოსამშვიდობებელი ცერემონია 24 აგვისტოს გაიმართა.

წაიკითხეთ ასევე:

• ლეგენდარული ფრანგი მსახიობი, ალენ დელონი საკუთარი აგარაკის ეზოში დაკრძალეს