ხობის მუნიციპალიტეტში ძმამ ძმა ნამგლით დაჭრა - რა დეტალები ხდება ცნობილი

ხობის მუნიციპალიტეტში ძმამ ძმა დაჭრა. ადგილობრივების ინფორმაციით, დაჭრილია 65 წლამდე ასაკის მამაკაცი. მას ჭრილობები ნამგლით თავისა და სახის არეში აქვს მიყენებული.

შემთხვევას წინ ძმებს შორის ყოფით ნიადაგზე დაწყებული შელაპარაკება უძღოდა.

სასწრაფო-სამედიცინო დახმარების ბრიგადამ დაშავებული კლინიკაში გადაიყვანა. დაჭრილი მამაკაცის მდგომარეობა სტაბილურია.

არსებული ინფორმაციით, მომხდარ შემთხვევაში სავარაუდო დამნაშავე დაკავებულია.

როგორც „ინტერპრესნიუსს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 11 პრიმა 120-ე მუხლით მიმდინარეობს, რაც სხეულის ნაკლებ მძიმე დაზიანებას გულისხმობს.

დაჭრილი მამაკაცი კლინიკაში გადაიყვანეს. რაც შეეხება პირს, რომელმაც ძმას ჭრილობები მიაყენა, სამართალდამცავებმა დააკავეს.

“ინტერპრესნიუსი“ დეტალებს შინაგან საქმეთა სამინისტროში არკვევს.