მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთი “ჰიპერბგერითი“ რაკეტებით და “კამიკაძე“ დრონებით სამოქალაქო ინფრასტრუქტურას ესხმის თავს, უკრაინაში აცხადებენ, რომ ოკუპანტი პასუხს მიიღებს (ვიდეო)
10:34 / 27-08-2024
უკრაინის საგანგებო სიტუაციების სახელმწიფო სამსახურიის ინფორმაციით, მას შემდეგ, რაც რუსეთმა უკრაინას სხვადასხვა ტიპის რაკეტებით და დრონებით შეუტია, 7 ადამიანი დაიღუპა და დაშავდა - 47.
26 აგვისტოს რუსეთის საჰაერო ფართომასშტაბიანი შეტევა უკრაინის წინააღმდეგ, სრულმასშტაბიანი შეჭრის დაწყებიდან ყველაზე დიდი შეტევა იყო. მასობრივი თავდასხმის დროს, რუსულმა ძალებმა 127 რაკეტა და 109 დრონი გამოიყენეს, რომელთაგან 102 რაკეტა და 99 დრონი უკრაინის საჰაერო თავდაცვამ გაანადგურა.
მსხვერპლი მოჰყვა უკრაინის ქალაქ კრივი-რიჰში მდებარე ერთ-ერთ სასტუმროზე თავდასხმას
ქალაქის თავდაცვის საბჭოს ხელმძღვანელის, ალექსანდრ ვილკულსის ინფორმაციით, არიან დაღუპულები და დაშავებულები.
როგორც მოგვიანებით გახდა ცნობილი, აფეთქებას ემსხვერპლა ორი ადამიანი, ხუთი დაშავდა, ხოლო კიდევ ორი დაკარგულად მიიჩნევა.
“კრივი-რიჰის სასტუმროზე სარაკეტო დარტყმის შედეგად ორი ადამიანი დაიღუპა, ხუთი დაშავდა, მათ შორის საავადმყოფოში მყოფი 43 წლის ქალი მძიმეა მდგომარეობაშია. კიდევ ორი ადამიანის ბედი ჯერჯერობით უცნობია. ისინი, შესაძლოა, ნანგრევების ქვეშ იყვნენ“, - განაცხადა ლისაკმა.
მისივე თქმით, თავდასხმის შედეგად დაზიანდა 6 მაღაზია, 4 მაღალსართულიანი კორპუსი და 8 ავტომობილი.
- მასობრივ შეტევას უკრაინის პრეზიდენტი, ვოლოდიმირ ზელენსკი უკრაინის შეიარაღებული ძალების მთავარსარდალ ალექსანდრე სირსკისთან შეხვედრაზე გამოეხმაურა. მისი თქმით, უკრაინა “პასუხს ამზადებს“.
“დღე დავიწყე ხანგრძლივი საუბრით მთავარსარდალ ალექსანდრ სირსკისთან: ვისაუბრეთ ამ სარაკეტო თავდასხმის მოგერიებაზე, ასევე რუსეთის მიმართ ჩვენს პასუხზე, რომელსაც ვამზადებთ“, - აღნიშნა ზელენსკიმ.
მისი თქმით, ასევე ისაუბრეს F-16 ტიპის გამანადგურებლების გამოყენებაზე და კურსკის ოლქში მიმდინარე ოპერაციაზე.
“ვაგრძელებთ ჩვენს ქმედებებს გარკვეულ ტერიტორიებზე ზუსტად ისე, როგორც ეს უკრაინას სჭირდება. ამ დღეებში გვაქვს მეტი კონტროლი, გაცვლითი ფონდის მორიგი შევსება“, - განაცხადა უკრაინის პრეზიდენტმა.
27 აგვისტოს, გამთენიისას რუსეთმა უკრაინას დრონებით და რაკეტებით ისევ დაარტყა
რუსულმა მხარემ უკრაინის რეგიონებს ღამით ათობით ე.წ. “კამიკაძე“ დრონით შეუტია, დილით კი ქვეყნის ტერიტორიაზე ბალისტიკური და “ჰიპერბგერითი“ რაკეტები გაუშვეს.
იყო ცნობები ხმელნიცკის ოლქში აფეთქებების შესახებ, ასევე ცნობილია, რომ კრივი-რიჰს ბალისტიკური რაკეტით დაარტყეს, დასავლეთ რეგიონებს კი - ჰიპერბგერითი “კინჟალის“ რაკეტებით.
ზაპოროჟიეს საოლქო-სამხედრო ადმინისტრაციის ხელმძღვანელის, ივან ფედეროვის განცხადებით, მტერმა ოლქზე დრონების გამოყენებით შვიდი თავდასხმა განახორციელა, რის შედეგადაც დაიღუპა ერთი და დაშავდა ორი ადამიანი.
აფეთქების ტალღამ და ნამსხვრევებმა კერძო სახლები დააზიანა.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
