მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენზე თქვენ ნუ ინერვიულებთ, გენც.... ნიანგის ცრემლები თუ გაწვებათ, კაცებზე ან რამე სხვა თემაზე აღვარღვარეთ" - თეა წულუკიანი ანა დოლიძეს პასუხობს
22:23 / 26-08-2024
"სუსტი ქალი არ არსებობს, ამის მაგალითი თქვენც ხართ და ვიღაც წითლიძეც. სახელი არ მახსოვს", - ასე ეხმაურება კულტურის მინისტრი თეა წულუკიანი ოპოზიციონერი პოლიტიკოსის, ანა დოლიძის განცხადებას. როგორც დოლიძემ თქვა, "ქართულ ოცნებას" ძლიერი ქალები ეზიზღება.
- ანა დოლიძის საპასუხო პოსტს თეა წულუკიანი "ფესბუქში" ავრცელებს.
"ანა დოლიძე - "ქართულ ოცნებას ეზიზღება ძლიერი ქალები“.
1. სუსტი ქალი არ არსებობს, ამის მაგალითი თქვენც ხართ და ვიღაც წითლიძეც. სახელი არ მახსოვს.
2. ჩვენზე თქვენ ნუ ინერვიულებთ, გენც.
3. ნიანგის ცრემლები თუ გაწვებათ, კაცებზე ან რამე სხვა თემაზე აღვარღვარეთ.
4. თქვენ პირადად პოლიტიკაში ემბრიონად თუ იყავით მხოლოდ ჩასახული, როცა ბიძინა ივანიშვილი ქალებს ნიშნავდა კანდიდატებად და თანამდებობებზე და შემოჰქონდა კვოტები. მაგრამ ვიღაც წითლიძეების, უმადური და უნიჭო პოლიტიკოსი კორძაიების, ლამაზი თინიკოების, ლუზერი სალომეების (ამჯერად დეპუტატკაზე ვამბობ) და ასეთი საოცრებების მოხილვის მერე, აღარც პოლიტიკაში ქალის მხარდაჭერა მოგინდება ადამიანს (ანუ კაცს) და აღარც კვოტის. ასეა ეს.
კეტავენ გოგოებისთვის პოლიტიკაში გზას ეს უმსგავსოები. კუბოზე გვირგვინი (ვენოკი ჰქვია "იმ" კანონის მიღების მერე!) გამომრჩა: ანა ნაცვლიშვილი... კარგად კივილი სუქსესსფულნესობას როდი ნიშნავს პოლიტიკაში, თორემ სუ ზეწარმატებული იქნებოდა ჩვენი ვარდივით დამჭნარი და კვლავაც ლამაზი დიაცის უბე თაკო ჩარკვიანი.
5. მოკლედ, ნუ შეჭამეთ ტვინი არასწორი მესიჯებით და არასწორი პოლიტიკური ქცევებით და ცოტა ნორმალურები ვინც დარჩით მაქეთ მხარეს ქალები, საქმეს მიხედეთ, რადგან ქართული ოცნების მიერ მოფიქრებული და შემოტანილი კვოტები აღარაა და ეგებ რამდენიმემ მაინც შეჰყოთ ლამაზი ცხვირები საკანონმდებლოში.
6. ისე, როცა ივანიშვილმა ქალების ხელშესაწყობად არაერთი ნაბიჯი გადადგა, სა იყავით მაშინ, რატომ არ თქვით ერთი კეთილი სიტყვა?!
მერე რომ დალაგდით და ჟივჟივებდით ობოლი ბეღურებივით, კვოტები უქმდებაო!!!
7. ვაი იმ კვოტას, ვიღაც წითლიძეს (შეიძლება გვარიც მეშლება) ან კიდევ დამჭნარ და მაინც მშვენიერ თაკოს, ვარდიც რომ ვერ იშოვა, თავი რომ სხვა რამე ეგონოს, რომ შეიყვანს პარლამენტში.
8. მოკლედ, საკუთარ კონსტიტუენსის მიხედეთ, ქალებო. ასე იგებენ არჩევნებს და არა სხვისი პარტიის დელეგატების კრიტიკით", - წერს თეა წულუკიანი.
- ცნობისთვის, ანა დოლიძის განცხადებით, მმართველის პარტიის ქალებისადმი ზიზღი კარგად გამოჩნდა ე.წ. დელეგატების წარდგენით, რომელთა შორის არცერთი ქალი არაა.
"ქალის როლი ქართულ ისტორიაში არის უმნიშვნელოვანესი. ჩვენ ვამაყობთ ქართველი ქალებით. ჩვენი კოალიცია „ძლიერი საქართველო“ არის პროგრესული ძალა და ჩვენთვის მნიშვნელოვანია თანასწორობა. „ქართულ ოცნებას“ ეზიზღება ქალები, „ქართული ოცნება“ ებრძვის ქალებს, „ქართული ოცნება“ ებრძვის ძლიერ ქალებს. ხელისუფლებამ გააუქმა ქალთა კვოტირება, სადაც ევალებოდათ ქალები ჩაესვათ პარტიულ სიებში. მათი ქალებისადმი ზიზღი კარგად გამოჩნდა ე.წ. დელეგატების წარდგენით, რომელთა შორის ქალის ჭაჭანებას ვერ ნახავთ. ჩვენი კოალიცია ყველაფერს გააკეთებს იმისთვის, რომ ქალები ყველგან იყვნენ წარმოდგენილნი“, - აღნიშნავს ანა დოლიძე.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
