როგორ შეაფასეს ხვიჩა კვარაცხელია და რა განაცხადა მან "ბოლონიასთან" გამარჯვების შემდეგ? - "მინდორზე სრული ენერგიით ვიყავი და ყველაფერს ვეცადე"
სერია A-ს მეორე ტურში "ბოლონიასთან“ მოგებულ მატჩში (3:0) "ნაპოლის“ ქართველმა გარემარბმა ხვიჩა კვარაცხელიამ საგოლე გადაცემა მიითვალა და გოლიც გაიტანა. შედეგად, შეხვედრის საუკეთესო ფეხბურთელად აღიარეს.
"კვარას“ თამაში ანალიტიკურმა საიტებმა ასე შეაფასეს:
whoscored 9.8, sofascore 9.2, flashscore 8.9.
გარდა გოლისა და პასისა, ხვიჩამ 11 ორთაბრძოლა მოიგო, 5 წარმატებული დრიბლინგი ჰქონდა და მუდმივად აქტიურობდა, შედეგად სულ დაძაბულობაში ჰყავდა ბოლონიელთა მცველები.
"კვარამ" გოლი ჟესტით მიუძღვნა ახალშობილ ვაჟს, დამიანეს, რომელიც 21 აგვისტოს დაიბადა.
"ნაპოლის" ახალმა მწვრთნელმა ანტონიო კონტემ ხვიჩაზე საუბრისას განაცახდა: "ის საოცრად ძლიერია. უძლიერესია ერთი ერთზე თამაშისას. ის სხვაა".
როგორც უკვე ვთქვით, ხვიჩამ გოლი და მოგებაც ახალშობილს მიუძღვნა და DAZN-ს განუცხადა:
"ვფქირობ, ყველამ ნახეთ, რომ მინდორზე სრული ენერგიით ვიყავი და ყველაფერს ვეცადე. მოხარული ვარ, რომ გუნდმა ასე ითამაშა და მოვიგეთ. კონტე? ბედნიერი ვარ მასთან ერთად და მინდა, რომ რაც შეიძლება მეტი გავაკეთო გუნდისთვის".
იხილეთ ასევე: