“მოგზავნილი იყო, ამხელა წმინდანს ყველა ებრძვის! დაერია ხალხს, კისრის გამოჭრა უნდოდა მემგონი“ - რას აცხადებს ბერი ნიკოლოზის მრევლი, მის კორპუსში ორი ადამიანის დაჭრის შესახებ (ვიდეო)
ფონიჭალაში, 13 ნომერში მდებარე კორპუსში, ორი ადამიანი დაჭრეს. შემთხვევა 24 აგვისტოს მოხდა. როგორც მოგვიანებით გახდა ცნობილი, ფაქტი იმ კორპუსში მოხდა, სადაც მდუბარე ბერი ნარიმანი ცხოვრობს.
შსს-მ საქმე ცხელ კვალზე გახსნა. უწყების ინფორმაციით, 19 წლის ბიჭმა ორი ადამიანი ცივი იარაღით დაჭრა და ადგილიდან მიიმალა.
“გამოძიებით დადგინდა, რომ ბრალდებულმა მიმდინარე წლის 24 აგვისტოს, თბილისში, ზემო ფონიჭალის დასახლებაში მდებარე ერთ-ერთ კორპუსში ორ პირს - 1997 წელს დაბადებულ დ.შ.- ს და 1972 წელს დაბადებულ მ.ზ. - ს ცივი იარაღის გამოყენებით სხეულზე დაზიანებები მიაყენა და შემთხვევის ადგილიდან მიიმალა. დაშავებულები საავადმყოფოში გადაიყვანეს, სადაც შესაბამისი სამედიცინო დახმარება ჩაუტარდათ.
სამართალდამცველებმა ლ.ტ. მომხდარიდან მალევე, ცხელ კვალზე, ბრალდებულის სახით დააკავეს.
პოლიციამ დანაშაულის ჩადენის იარაღი - დანა ნივთმტკიცებად ამოიღო.
ორი პირის მიმართ ჩადენილი ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის მე-3 ნაწილით მიმდინარეობს“, - ნათქვამია ინფორმაციაში.
მდუმარე ბერი ნიკოლოზის მრევლი, რომლებიც თვითმხილველებიც არიან, “რუსთავი 2“-თან მომხდარის დეტალებს იხსენებენ:
- ვინც ეს საქციელი ჩაიდინა, ნამდვილად მოგზავნილი იყო, რომ ჩაიდინოს უარყოფითი, გააჩაღონ ომი. დაჭრილი ვინც არის, უაღრესად კარგი ადამიანია. ვიღაცამ სპეციალურად გააკეთა, რომ ჩირქი მოსცხონ აქაურობას, რადგან ამხელა წმინდანს ყველა ებრძვის.
- შეიჭრა და დაერია ხალხს, ვინც იქ იყო. 2 ადამიანი მოსაკლავად გაიმეტა, ეს არის სიმართლე. ეს არის მიზანმიმართული ბრძოლა მამაოს კართან. არანაირი მრევლი არ ყოფილა.
- არტერიასთან სულ ცოტა მილიმეტრებით იყო დაშორებული რომ არ გადაჭრა კისერი. კისრის გამოჭრა უნდოდა მემგონი
იხილეთ ასევე: