“ცოტნე ივანიშვილი წლების განმავლობაში ინტენსიურად მეცადინეობს ჭადრაკში საერთაშორისო დიდოსტატის დახმარებით“ - რას წერს ფედერაცია თბილისში მიმდინარე ლიდერთა შეხვედრაზე

“თბილისში, მიმდინარე ქალთა მსოფლიო გრან პრის მერვე ტურის ლიდერთა შეხვედრაში, საპატიო პირველი სვლა ცოტნე ივანიშვილმა გააკეთა“, - საქართველოს ჭადრაკის ფედერაცია ტურის შედეგებს აქვეყნებს და ბიძინა ივანიშვილის ვაჟის, ცოტნე ივანიშვილის შედეგებზე წერს, რამაც საზოგადოების ინტერესი გამოიწვია.

“VIII ტურის შედეგები: ალექსანდრა კოსტენიუკი ½ : ½ მარია მუზიჩუკი; კაშლინსკაია 1 : 0 ლელა ჯავახიშვილი; ანა მუზიჩუკი 1 : 0 სარასადატ ხადემალშარიეჰი; ნანა ძაგნიძე 0 : 1 რამეშბაბუ ვაიშალი; ბიბისარა ასუბაიევა ½ : ½ სტავრულა ცოლაკიდუ.

IX ტურის შეხვედრები: სტავრულა ცოლაკიდუ - ალექსანდრა კოსტენიუკი; რამეშბაბუ ვაიშალი - ბიბისარა; ასუბაიევა სარასადატ ხადემალშარიეჰი - ნანა ძაგნიძე; ლელა ჯავახიშვილი - ანა მუზიჩუკი; მარია მუზიჩუკი - ალინა კაშლინსკაია

საბოლოო სატურნირო მდგომარეობა:

I – II ადგილი - ბიბისარა ასუბაიევა, ალინა კაშლინსკაია - 5 ქულა;

III - V ადგილი - მარია მუზიჩუკი, სტავრულა ცოლაკიდუ, ანა მუზიჩუკი - 4,5 ქულა;

VI ადგილი - ნანა ძაგნიძე - 4 ქულა;

VII - VIII ადგილი - რამეშბაბუ ვაიშალი, ალექსანდრა კოსტენიუკი - 3,5 ქულა;

IX ადგილი - ლელა ჯავახიშვილი - 3 ქულა;

X ადგილი - სარასადატ ხადემალშარიეჰი - 2,5 ქულა“,- აღნიშნულია ინფორმაციაში.

“უმაღლესი კატეგორიის ტურნირებში გავრცელებული პრაქტიკაა პირველი სვლის გაკეთების ტრადიცია.

ცოტნე ივანიშვილი წლების განმავლობაში ინტენსიურად მეცადინეობს ჭადრაკში საერთაშორისო დიდოსტატის დახმარებით და მისი მოქმედი რეიტინგი საერთაშორისო საჭადრაკო პლატფორმაზე ‘chess.com’ არის 2200-მდე,“ - განმარტავს ფედერაცია.