მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვლადიმერ პუტინი დონალდ ტრამპის ეგოთი და კომპლექსებით მანიპულირებდა" - ამონარიდები ტრამპის ყოფილი ადმინისტრაციის ეროვნული უსაფრთხოების ექსმრჩევლის მემუარებიდან
10:47 / 23-08-2024
აშშ-ს ეროვნული უსაფრთხოების ყოფილი მრჩევლის, ჰერბერტ რაიმონდ მაკმასტერის წიგნის თანახმად, ვლადიმერ პუტინი დონალდ ტრამპის “ეგოთი და კომპლექსებით მანიპულირებდა”.
მემუარებში, სახელწოდებით: "ომი საკუთარ თავთან: ჩემი სამსახურებრივი გზა ტრამპის თეთრ სახლში“, მაკმასტერი აღნიშნავს, რომ რუსი ავტოკრატის მხრიდან ერთგვარი მაგნიტური გავლენის გამო, აშშ-ს ყოფილმა პრეზიდენტმა უარი თქვა, მოესმინა საკუთარი თანამშრომლებისგან პუტინის უარყოფითი შეფასებები და საბოლოოდ, მაკმასტერი ამის გამო თანამდებობიდან გაათავისუფლა. The Guardian- ი წიგნიდან ამონარიდებს გვთავაზობს:
"მასთან ერთ წელზე მეტი ხნის მუშაობის შემდეგაც, ვერ ვხვდები, რა ძალა აქვს პუტინს ტრამპზე,“ - წერს მაკმასტერი მემუარებში, რომელიც 457-დღიან დაძაბულ სამუშაოს აღწერს, ანუ პერიოდს, ვიდრე 2018 წლის აპრილში, ტრამპი მას “ტვიტით” არ გაათავისუფლებდა.
როგორც ის იხსენებს, ეს აზრი მაკმასტერმა ცოლს - ქეითს 2018 წლის მარტში, მას შემდეგ გაუზიარა, რაც ცნობილი გახდა, რომ პუტინის აგენტებმა დიდ ბრიტანეთში რუსული დაზვერვის ყოფილი ოფიცერი, სერგეი სკრიპალი და მისი ქალიშვილი მოწამლეს.
როგორც მაკმასტერი აღნიშნავს, მაშინ, როდესაც დასავლეთის სხვა ლიდერები მკვლელობის მცდელობაზე მკაცრ რეაგირებას გეგმავდნენ, ტრამპი თეთრ სახლში მშვიდად ათვალიერებდა New York Post-ის სტატიას სათაურით: "პუტინი ტრამპს აქებს და აშშ-ის პოლიტიკას აკრიტიკებს“.
წიგნის მიხედვით, ტრამპმა სტატიის გვერდზე შავი მარკერით სამადლობელი ჩანაწერი გააკეთა და მაკმასტერს სთხოვა, რომ "ამონაჭერი პუტინამდე მიეტანა".
"დარწმუნებული ვიყავი, რომ პუტინი ამ ამონარიდს ტრამპის დასამცირებლად გამოიყენებდა და თავდასხმის საპასუხოდ თავს ასე დაიცავდა“, - წერს მაკმასტერი.
იგი აღნიშნავს, რომ წერილი თეთრი სახლის სამდივნოს გადასცა, რომელიც ოვალური კაბინეტის კომუნიკაციებზე მუშაობდა.
"მოგვიანებით, როდესაც მტკიცებულებები გროვდებოდა, რომ კრემლმა და, დიდი ალბათობით, თავად პუტინმა ბრძანა სკრიპალის მოწამვლა ნერვული აგენტით, მათ ვუთხარი, რომ ის არ გაეგზავნათ.“
რეალურად, მაკმასტერის თქმით, პუტინის მიერ ტრამპის მიმართ სიმპათია აშშ-ის პრეზიდენტის მანიპულირებისკენ იყო მიმართული, რათა ტრამპსა და მის მრჩევლებს შორის უფსკრული გაჩენილიყო. მაკმასტერი აღნიშნავს, რომ მრჩევლები რუსეთის მიმართ უფრო მკაცრ პოლიტიკას ემხრობოდნენ.
"პუტინი, როგორც კე-გე-ბე-ს ყოფილი აგენტი ტრამპის ეგოსა და კომპლექსებზე კომპლიმენტებით თამაშობდა. ის ტრამპს მოიხსენიებდა, როგორც “ძალიან გამორჩეულ პიროვნებას, უდავოდ ნიჭიერს” და გამოჩნდა, რომ ტრამპი ამ მიდგომის მიმართ დაუცველი იყო, სჯეროდა, რომ მხოლოდ მას შეეძლო პუტინთან კარგი ურთიერთობის დამყარება. ისევე, როგორც მისი წინამორბედები, ჯორჯ ბუში და ბარაკ ობამა, ტრამპიც ზედმეტად თავდაჯერებული იყო კრემლის დიქტატორთან ურთიერთობების გაუმჯობესების შესაძლებლობით. ფაქტი, რომ ვაშინგტონში საგარეო პოლიტიკის ექსპერტთა უმრავლესობა კრემლის მიმართ მკაცრ მიდგომას ემხრობოდა, პრეზიდენტს მხოლოდ საპირისპირო მიდგომისკენ უბიძგებდა“.
მაკმასტერი ამტკიცებს, რომ მთელი თავისი მსახურების განმავლობაში აპოლიტიკური რჩებოდა და მხოლოდ აშშ-ის ინტერესებზე ზრუნავდა, წიგნი კი იმისთვის დაწერა, რომ აეხსნა, რა მოხდა სინამდვილეში.
მისი თქმით, 2018 წლის აპრილში, როდესაც თეთრ სახლში ბოლოჯერ იყო მისული, მასთან ერთაც მისი ოჯახის წევრებიც იყვნენ. ამ დროს ვიცე-პრეზიდენტი, მაიკ პენსი მასთან შევიდა და ოვალურ კაბინეტში შესვლა სთხოვა.
"ტრამპი საკმაოდ დახვეწილდ იქცეოდა, მან ჩემი ოთხი ძმისშვილისა და დისწულისკენ გაიშვირა თითი და უთხრა: “ბიძათქვენი დიდი კაცია, ძალიან მაგარი და ჩემთვის ფანტასტიკური სამუშაო გასწია. დარწმუნდით, რომ ჩემს შესახებ მხოლოდ კარგი რაღაცები დაწეროს", - იხსენებს მაკმასტერი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
