ომის ბოლოს საათების ქრონიკა: უკრაინამ რუსეთის ტერიტორიაზე რადიოკავშირის ცენტრს, აეროპორტსა და საჰაერო ბაზას დაარტყა; რუსეთმა სუმის რეგიონი 113-ჯერ დაბომბა
უკრაინელების მიერ კურსკის მიმართულებით განხორციელებული შეტევა, რომელიც 6 აგვისტოს დაიწყო, გრძელდება.
ამჟამინდელი მონაცემებით, უკრაინა რუსეთში, კურსკის ოლქის ტერიტორიის 1260 კვადრატულ კილომეტრსა და 93 დასახლებულ პუნქტს აკონტროლებს.
რუსეთ- უკრაინის ომში, რომელმაც ნაწილობრივ რუსეთის ტერიტორიაზე, კურსკის რეგიონში გადაინაცვლა, ყოველი დღე გადამწყვეტია.
- 22 აგვისტოს მონაცემებით, უკრაინამ რუსეთის ტერიტორიაზე შეუტია რადიოკავშირის ცენტრს, აეროპორტსა და საჰაერო ბაზას.
ამის შესახებ უკრაინის თავდაცვის სამინისტროს მთავარი სადაზვერვო სამმართველოს ხელმძღვანელმა კირილ ბუდანოვმა განაცხადა.
მისი თქმით, უკრაინამ რუსეთის ტერიტორიაზე დრონების გამოყენებით რამდენიმე ოპერაცია ჩაატარა. რადიოტექნიკური დაზვერვის ცენტრზე თავდასხმის გარდა, დაზვერვის მთავარმა სამმართველომ უპილოტო საფრენი აპარატებით ასევე შეუტია მოსკოვის “ოსტაფიევოს“ აეროპორტს და როსტოვის რეგიონში მდებარე “მილეროვოს“ საჰაერო ბაზას.
“მთლიანობაში გამოყენებული იქნა 50-მდე დრონი“, - დასძინა ბუდანოვმა.
უკრაინის პრეზიდენტის, ვოლოდიმირ ზელენსკის თქმით, ოპერაცია კურსკის ოლქში გრძელდება და უკრაინა იქ გარკვეულ ტერიტორიებს აკონტროლებს.
“ძალიან მნიშვნელოვანია, რომ პარტნიორებმა რეალურად შეასრულონ თავიანთი ვალდებულებები თითოეული პაკეტისთვის, ყველა ჩვენი შეთანხმებისთვის. ეს არის ფუნდამენტური თავდაცვისთვის. ჩვენი ოპერაცია კურსკის ოლქში - ჩვენი საბრძოლო მუშაობა გრძელდება, ნაბიჯები იდგმება. ვაკონტროლებთ გარკვეულ რაიონებს. მადლობა ყველა ჩვენს ბიჭს, ყველა ჩვენს ქვედანაყოფს გაცვლის ფონდის შემდგომი შევსებისთვის“, - აღნიშნა ზელენსკიმ.
მისი თქმით, ჩინოვნიკებთან და უმაღლესი რადას წარმომადგენლებთან გამართა დეტალური, ხანგრძლივი საუბარი თავდაცვის ძალების მხარდაჭერისა და ქვეყანაში ეკონომიკური საქმიანობის შესახებ.
“გარდა ამისა, დღეს განვიხილეთ პარტნიორებთან მუშაობა, რათა მივიღოთ რეალური გადაწყვეტილებები დაპირებული 50 მილიარდი დოლარის გაყინული რუსული აქტივებიდან. უკვე ბევრი პოლიტიკური განცხადება იყო პარტნიორებისგან, ახლაც ბევრს საუბრობენ ამ საკითხზე, მაგრამ ჩვენ გვჭირდება რეალური მექანიზმი. აუცილებელია, რომ აგრესორის აქტივებიდან მიღებული თანხები მუშაობდეს აგრესორის წინააღმდეგ თავდაცვაში რეალური დახმარებისთვის - რათა ეს ყველაფერი უახლოეს თვეებში უკრაინისა და უკრაინელების სასარგებლოდ მუშაობდეს. შესაბამისი დისკუსიები ძალიან დიდი ხანია მიმდინარეობს და საჭიროა გადაწყვეტილებები“, - აღნიშნა ზელენსკიმ.
- “გასული 24 საათის განმავლობაში სუმის რეგიონი 113-ჯერ დაიბომბა“ - იუწყება OVA.
დაფიქსირდა 256 აფეთქება. სუმი, ხოტინი, იუნაკოვსკაია, მიროპოლსკაია, ბელოპოლსკაია, კრასნოპოლსკაია, ველიკოფისარევსკაია, პუტივლსკაია, ნოვოსლობოდსკაია, ბერეზოვსკაია, გლუხოვსკაია, ესმანსკაია, შალიგინსკაია, დრუჟბოვსკაია, სერედინო-ბუდსკაია ცეცხლის ქვეშ მოხვდა.
კრასნოპოლსკაიას თემში, რომელზეც, ხელისუფლების ინფორმაციით, 46 ნაღმი ჩამოვარდა, სამი ადამიანი დაშავდა,“ - იუწყება bbc.
-
რა ხდებოდა რუსეთში
ღამის საათებში, დრონით თავდასხმა მოხდა რუსეთის ვოლგოგრადის ოლქში აეროდრომზე, რის გამოც მასშტაბური ხანძარი გაჩნდა. რუსული “ტელეგრამარხების" ცნობით, სულ მცირე ორი უპილოტო საფრენი აპარატი ჩამოაგდეს.
“ტელეგრამარხი" Baza იუწყება, რომ ერთ-ერთი დრონი აეროდრომიდან რამდენიმე კილომეტრში გაანადგურეს, მეორე დრონის ნამსხვრევები მასთან შორიახლო დავარდა, რის შედეგადაც ის აალდა.
საუბარია “მარინოვკას“ სამხედრო აეროდრომზე, რომელიც მდებარეობს სოფელ ოქტაბრსკში, კალაჩ-ნა-დონიდან დაახლოებით 20 კმ-ში. სოციალური ქსელების მომხმარებლები ვარაუდობენ, რომ თავდასხმის სამიზნე, შესაძლოა, ეს აეროდრომი იყო.
თავდასხმის შემდეგ ვოლგოგრადის აეროპორტში ფრენები შეწყდა. ამის შესახებ RBC აეროპორტის პრესსამსახურზე დაყრდნობით იუწყება.
რუსეთის თავდაცვის სამინისტროს ინფორმაციით კი საჰაერო თავდაცვის ძალებმა რუსეთის ოლქებში 28 უკრაინული დრონი გაანადგურეს.
“გასული ღამის განმავლობაში, კიევის რეჟიმმა რუსეთის ფედერაციის ტერიტორიაზე არსებულ ობიექტებზე უპილოტო საფრენი აპარატების გამოყენებით ტერორისტული თავდასხმა სცადა. მორიგე საჰაერო თავდაცვის სისტემებმა 28 დრონი გაანადგურეს“, - აღნიშნულია სამინისტროს მიერ გავრცელებულ ინფორმაციაში.
უწყების ცნობით, 13 დრონი ვოლგოგრადის ოლქის ტერიტორიაზე ჩამოაგდეს, 7 როსტოვის ოლქის, 4 ბელგოროდის ოლქის თავზე, 2 ვორონეჟის, 1 ბრიანსკის ოლქისა და 1 კურსკის ოლქის ტერიტორიაზე განადგურდა.
იხილეთ ასევე:
- მოსკოვზე დრონებით თავდასხმის ერთ-ერთი ყველაზე დიდი მცდელობა და საჰაერო განგაში კიევში - მორიგი მძიმე ღამე რუსეთ-უკრაინის ომში: რა ხდება კურსკის ოლქში?
- "რუსებისთვის შოკია ის, რომ წვევამდელები უომრად ჩაბარდნენ უკრაინელებს... არ არის გამორიცხული, პუტინმა კა-გე-ბეს მეთოდები გამოიყენოს და უკანდახეულ სამხედროებს ესროლოს" - ექსპერტი