თბილისის მერის და მისი მეუღლის ზაფხულის სტილი (ფოტოები)

2024 წლის ზაფხული სპორტულად დატვირთული აღმოჩნდა ცნობილი ქართველებისთვის - გერმანიაში ევროპის საფეხბურთო ჩემპიონატისა და პარიზის ოლიმპიადის გამო, ბევრი ფიქრი არ დასჭირვებიათ, რომელი ქვეყნები აერჩიათ სამოგზაუროდ.

ზაფხული საინტერესოდ გაატარა თბილისის მერის ოჯახმაც, არეშიძე-კალაძის წყვილი გერმანიას ბიძინა ივანიშვილის უმცროს შვილთან, ცოტნესთან ერთად სტუმრობდა. ოჯახი ევროპული მოგზაურობიდან ხშირად აქვეყნებდა ფოტოებს. თუმცა როგორც ყოველთვის, თაყვანისცემლების ყურადღებას კალაძისა და არეშიძის ჩაცმის სტილი იწვევდა.

მაგალითად, კალაძის სათვალე წითელი ჩარჩოთი, რომელმაც ყველაზე მეტი ყურადღება მიიქცია სოციალურ ქსელში. მომხმარებლები წერდნენ, რომ მართალია, ძალიან უხდება, მაგრამ უმჯობესია საქმე გააკეთოს.

"მშვენიერი ფოტოა კახა, მაგრამ ამ ფოტოების გადაღების ნაცვლად, საქმე გააკეთოთ და მოგვხედოთ ვაშლიჯვარში, აჯობებს და ყველას რომ ეშველება, მე გადაგიღებთ ფოტოებს“, - წერს ერთ-ერთი მომხმარებელი.

დადებითი კომენტარები ძირითადად ოჯახურ ფოტოებს აქვს, თუმცა ბოლო დროს ანუკი შვილების ფოტოების გამოქვეყნებისგან თავს იკავებს. წელს გამონაკლისი აღმოჩნდა.

ანუკი ახლაც ევროპაშია, სოციალურ ქსელში გამოქვეყნებულ ფოტოებზე წერს, რომ სურათებს მეორე ვაჟი, ვაჩე იღებს, რომელსაც ოჯახში "ბიბის" ეძახიან. "ბიბი" ჩემი ფავორიტი ფოტოგრაფია“, - წერს არეშიძე.