მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
ორშაბათი, მთვარის მეცამეტე დღე დაიწყება 20:04-ზე, მთვარე მშვილდოსანს ესტუმრება 02:05-ზე –
კარგია ჯგუფური მუშაობისთვის, ახალი ინფორმაციის მოსაპოვებლად, ახალი სასწავლო ციკლების დასაყენებლად. საყოფაცხოვრებო ნივთების დაგროვების, შეძენისა და წარმოების დღე. კარგია პურის გამოცხობა. შეიტანეთ კორექტირება ბიზნესში და გააფართოვეთ გავლენის სფეროები. ხელი მოაწერე ხელშეკრულებებს. კარგია თანამშრომლების დაქირავება, საჯარო ღონისძიებების ჩატარება. მიიღეთ ახალი ინფორმაცია, გაიუმჯობესეთ განათლება. იმუშავეთ გუნდში და განიხილეთ აქტუალური საკითხები კოლეგების ან თანამოაზრეების გარემოცვაში. აქტიური ორგანოებია: თეძოები, ვენები, საჯდომის ნერვი. ფაფა, ბოსტნეული და ხილი შეუცვლელია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ისრაელი, აშშ-ის წინადადებას მძევლების გათავისუფლების შესახებ, დათანხმდა - ჰამასი ნეთანიაჰუს დაბრკოლებების ხელოვნურად შექმნაში ადანაშაულებს: მოლაპარაკებების დეტალები
19:42 / 19-08-2024
“ისრაელი მძევლების გათავისუფლების შესახებ აშშ-ის წინადადებას მხარს უჭერს“, - ამის შესახებ განცხადებას ისრაელის პრემიერ-მინისტრის ოფისი ავრცელებს.
ისრაელის პრემიერ-მინისტრის, ბენიამინ ნეთანიაჰუს ოფისის ცნობით, აშშ-ის სახელმწიფო მდივანთან, ენტონი ბლინკენთან შეხვედრა, რომელიც სამ საათს გაგრძელდა, პოზიტიური იყო.
“პრემიერ-მინისტრმა კიდევ ერთხელ დაადასტურა ისრაელის ერთგულება მძევლების გათავისუფლების შესახებ აშშ-ის ამჟამინდელი წინადადების მიმართ, რომელიც ისრაელის უსაფრთხოების საჭიროებებს ითვალისწინებს, რასაც ის კატეგორიულად მოითხოვს“, - ნათქვამია განცხადებაში.
აშშ-ის სახელმწიფო დეპარტამენტის ხელმძღვანელმა ანტონი ბლინკენმა ისრაელს და ჰამასს მოუწოდა, არ ჩაშალონ მოლაპარაკებები, რაც, მისი თქმით, შეიძლება იყოს "ბოლო შესაძლებლობა" ღაზაში ზავის დადებისა და მძევლების გათავისუფლებისთვის.
მანამდე შუამავლები და ამერიკელი ოფიციალური პირები მოლაპარაკებების წარმატებით დასრულებასთან დაკავშირებით ფრთხილ ოპტიმიზმს გამოხატავდნენ. თუმცა, პრესის ცნობებით თუ ვიმსჯელებთ, შედეგი ჯერ კიდევ შორია: ჰამასი და ისრაელი რამდენიმე საკვანძო საკითხზე, არ არიან მზად ორმხრივი დათმობებისთვის.
რამდენიმე დღის წინ შეერთებულმა შტატებმა წამოაყენა წინადადებები, რომლებიც შეერთებული შტატების, ყატარისა და ეგვიპტის მიერ წარმოდგენილი შუამავლების აზრით, მოაგვარებს უთანხმოებას მეომარ მხარეებს შორის.
მოლაპარაკებების პროცესის მიხედვით, საომარი მოქმედებები კონფლიქტის ზონაში ექვსი კვირის განმავლობაში უნდა შეჩერდეს და გათავისუფლდნენ მძევლები და პატიმრები.
აშშ-ს ოფიციალური პირები განახლებული ოპტიმიზმით აცხადებენ, რომ შეთანხმებამ მიაღწია გარკვეულ ნიშნულს. ამერიკელმა, ყატარმა და ეგვიპტელმა შუამავლებმა განაცხადეს, რომ მოლაპარაკებები ცეცხლის შეწყვეტის შესახებ წინ მიიწევს.
თუმცა, თუ ამერიკულ და ისრაელურ პრესაში გავრცელებული ცნობებით ვიმსჯელებთ, მოლაპარაკებები მალე არ დასრულდება.
რაც შეეხება ჰამასის ოზიცის - ის სრულ პასუხისმგებლობას ნეთანიაჰუს აკისრებს. მათი თქმით, სწორედ ისრაელის პრემიერ-მინისტრი უშლის ხელს მოლაპარაკებების წარმოებას.
რადიკალურმა ჯგუფმა გამოაქვეყნა ოფიციალური განცხადება, რომელშიც უარყო მძევლების გათავისუფლებისა და ცეცხლის შეწყვეტის შეთანხმების პირობები და ნეთანიაჰუ მოლაპარაკებებში ახალი დაბრკოლებების შექმნაში დაადანაშაულა.
ჰამასი ითხოვს "ცეცხლის მუდმივ შეწყვეტას და ღაზას სექტორიდან ჯარების ყოვლისმომცველ გაყვანას". მათი თქმით, ნეთანიაჰუს სურს ისრაელის ჯარების დარჩენა რამდენიმე სტრატეგიულ ადგილას: ნეთზარიმის დერეფანში, რაფაჰის გადაკვეთაზე და ფილადელფიის დერეფანში - რომელსაც ისრაელი მნიშვნელოვან წერტილებად მიიჩნევს.
ჰამასი ასევე აცხადებს, რომ ნეთანიაჰუმ ახალი მოთხოვნები წამოაყენა პალესტინელი პატიმრების გათავისუფლებასთან დაკავშირებით.
ჰამასის თავდასხმის შედეგად აყვანილი 251 მძევლიდან, 111 ჯერ კიდევ ღაზაში იმყოფება, მათ შორის 39 დაღუპულია. ნოემბერში ერთკვირიანი ზავის დროს 100-ზე მეტი ადამიანი გაათავისუფლეს.
იხილეთ ასევე:
- ირანმა ისრაელს პირობები წაუყენა - რა შემთხვევაში განახორციელებს ქვეყანა პირდაპირ თავდასხმას: სამმა მაღალჩინოსანმა დეტალები გათქვა
- ირანის მორიგი მუქარა - "სიონისტებს ეს შეცდომა ძვირად დაუჯდებათ - ისინი იმ მდგომარეობაში არ არიან, რომ ირანის წინააღმდეგ ომი დაიწყონ"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
