მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იტალიის სანაპიროსთან მრავალმილიონიანი იახტა ჩაიძირა - გადარჩენილებს შორის არიან: 1 წლის ჩვილი და გემის მფლობელის ცოლი. ერთ ბავშვს, მფლობელს და კიდევ 4 ადამიანს ეძებენ
17:13 / 19-08-2024
იტალიის სანაპირო დაცვის ინფორმაციით, ძვირადღირებული იახტა Bayesian-ი მოულოდნელად ძლიერ შტორმში მოხვდა და სიცილიის დედაქალაქ პალერმოს მახლობლად ჩაიძირა. შედეგად ერთი ადამიანი დაიღუპა, ექვსი კი დაკარგულად მიიჩნევა.
56-მეტრიანი სიგრძის იახტა დიდ ბრიტანეთშია დარეგისტრირებული და მასზე 22 ადამიანი იმყოფებოდა.
სანაპირო დაცვის სამსახურის ინფორმაციით, დაკარგულები ბრიტანეთის, ამერიკისა და კანადის მოქალაქეები არიან. 15 გადარჩენილს შორის ერთი წლის ბავშვიც არის.
ბოლო დღეებში, რამდენიმეკვირიანი ძლიერი სიცხის შემდეგ, იტალიის არაერთი რეგიონი შტორმმა და კოკისპირულმა წვიმამ მოიცვა, წყალდიდობამ და მეწყრებმა დიდი ზიანი მიაყენეს იტალიის ჩრდილოეთ რაიონებს.
"ქარი ძალიან ძლიერი იყო. მოსალოდნელი იყო ცუდი ამინდი, მაგრამ არა ამ მასშტაბის“, - განუცხადა "როიტერსს" სანაპირო დაცვის წარმომადგენელმა პალერმოში.
გემების თვალთვალის აპლიკაციის Vesselfinder-ის მიხედვით, "ბაიესიანმა" სიცილიური პორტი მილაცო 14 აგვისტოს დატოვა და ბოლოს რადარზე პალერმოს აღმოსავლეთით, კვირას საღამოს გამოჩნდა, ნავიგაციის სტატუსით "ღუზაზე".
გადარჩენილი რვა ადამიანი ადგილობრივ საავადმყოფოებში გადაიყვანეს. ადგილობრივი მედიის ცნობით, ყველა მათგანის მდგომარეობა სტაბილურია.
იახტის კატასტროფის სიახლოვეს მყოფი გემის კაპიტანმა, კარსტენ ბორნერმა "როიტერსს" განუცხადა, რომ როდესაც ქარიშხალი დაიწყო, მან ჩართო ძრავა გემის კონტროლის შესანარჩუნებლად და იახტასთან შეჯახების თავიდან ასაცილებლად.
"ჩვენ მოვახერხეთ გემის ადგილზე შენარჩუნება და ქარიშხლის დასრულების შემდეგ შევამჩნიეთ, რომ იახტა ჩვენს უკან გაქრა“, - განუცხადა ბორნერმა ჟურნალისტებს. კაპიტანმა თქვა, რომ იახტა "წყალზე დაწვა და შემდეგ ჩაიძირა".
მისი თქმით, მისმა ეკიპაჟმა, სანაპირო დაცვის მისვლამდე, რამდენიმე გადარჩენილი იპოვა და წყლიდან ამოიყვანა, მათ შორის სამი მძიმედ დაშავებული.
ბორნერმა თქვა, რომ "გადარჩენილებში იყვნენ: პატარა ბავშვი და გემის მფლობელის ცოლი. კიდევ ერთი ბავშვი და იახტის მფლობელი დაკარგულია.
სანაპირო დაცვამ განაცხადა, რომ იახტა 49 მეტრის სიღრმეზე იპოვეს და მყვინთავები ამოწმებენ ნამსხვრევებს.
ახლომდებარე ქალაქ ტერმინი-იმერეზეს პროკურატურამ გამოძიება დაიწყო.
Bayesian- ი იტალიურმა გემთმშენებელმა კომპანია Perini-მა 2008 წელს ააგო და ბოლოს 2020 წელს, ბრიტანულმა კომპანია Camper & Nicholsons-მა გადააკეთა.
გემს აქვს მოპოვებული რამდენიმე ჯილდო დიზაინისთვის. მასზე მდებარე ექვს კაბინაში შესაძლებელი იყო 12-მდე სტუმრის განთავსება, 10-კაციან ეკიპაჟთან ერთად.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
