მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ოთხშაბათი, მთვარის ოცდამეცხრე დღე დაიწყება 03:36-ზე, მთვარის პირველი დღე დაიწყება 14:31-ზე, მთვარე კირჩხიბში იქნება 07:45-დან – დაიცავით მარხვა, გმართებთ თავშეკავება. შუადღემდე არაფერი ახალი და მნიშვნელოვანი არ გააკეთოთ, დაასრულეთ ის, რაც ადრე დაიწყეთ. გაუფრთხილდით სახლს და ოჯახს, გაასუფთავეთ და მოაწესრიგეთ თქვენი სახლი. ახალმთვარეობაზე არ ღირს მნიშვნელოვანი საქმეების დაწყება. ის, რაც დღეს დაიგეგმება, მოგვიანებით წარმატებით განხორციელდება. ნუ გადატვირთავთ თავს ფიზიკურად და ემოციურად. ნაკლები ილაპარაკეთ. ახალმთვარეობიდან ერთი საათის განმავლობაში შეიმუშავეთ ერთი თვის ბიზნესგეგმის შემუშავება. მოძებნეთ ახალი გზები იდეების განსახორციელებლად. არ არის რეკომენდებული რაიმეს ყიდვა-გაყიდვა. სერიოზული გადაწყვეტილებების მიღება და მოლაპარაკება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“რუსულმა ხელისუფლებამ უბრალოდ მიატოვა თანამოქალაქეები“- როგორ ცხოვრობს ცხელ წერტილში ჩარჩენილი მოსახლეობა: უახლესი ინფორმაცია კურსკის ოლქიდან (ფოტო/ვიდეო)
11:42 / 18-08-2024
“კურსკის რეგიონში ოპერაცია სწორედ ისე გრძელდება, როგორც იგეგმებოდა, ჩვენი იქ ყოფნის პლაცდარმი სულ უფრო ძლიერდება,“ - ამის შესახებ უკრაინის პრეზიდენტმა გუშინ, 17 აგვისტოს ვიდეომიმართვაში განაცხადა, როდესაც უკრაინული ძალების რუსეთის ტერიტორიაზე შეჭრის შესახებ საუბრობდა.
“უკრაინელების სიმამაცე დიდ რაღაცებს შვება. სხვა ჩვენს პოზიციებს ვამყარებთ. ჩვენი [კურსკის ოლქში] ყოფნის პლაცდარმი სულ უფრო ძლიერდება.
მადლობა მინდა გადავუხადო ყოველ მებრძოლს, რომელიც ამას უზრუნველყოფს: ყველა ჯარისკაცს, სერჟანტსა და მეთაურს. ასევე მადლობა ყოველ ქვედანაყოფს, რომელიც ჩვენს გაცვლით ფონდს ავსებს ახალი რუსი სამხედრო ტყვეების ხარჯზე. ეს აახლოებს ჩვენი სამხედროების, ჩვენი სამოქალაქო პირების რუსული ტყვეობიდან გათავისუფლებას. გვახსოვს ყველა, ვინც სახლში უნდა დავაბრუნოთ", - განაცხადა ზელენსკიმ.
- უკრაინის შეიარაღებული ძალების მთავარსარდალის, ალექსანდრ სირსკის განცხადებით, “უკრაინულმა ძალებმა კურსკის ოლქში პოზიციები გაიმყარეს“. მისივე თქმით, ამჟამად უკრაინელი სამხედროები კურსკში 82 დასახლებას აკონტროლებენ.
თუმცა, რუსეთის საგარეო საქმეთა სამინისტროს პრესსპიკერი, მარია ზახაროვა უკრაინას მშვიდობიანი მოსახლეობის მკვლელობაში ადანაშაულებს.
“პირველად, კურსკის ოლქს ცეცხლი დასავლური წარმოების სარაკეტო გამშვები დანადგარების, სავარაუდოდ, ამერიკული HIMARS-ებით გაუხსნეს“, - განაცხადა ზახაროვამ. მისივე თქმით, სარაკეტო დარტყმის შედეგად, მოხალისეები დაიღუპნენ, რომლებიც მშვიდობიანი მოსახლეობის ევაკუაციას ცდილობდნენ.
კურსკის ოლქში, მდინარე სეიმის დაბომბვის შესახებ ინფორმაცია ოლქის გუბერნატორის მრჩეველმა გუშინ გაავრცელა.
ვითარება კურსკის რეგიონში
კურსკის რეგიონში მიმდინარე ბრძოლების შედეგების ამსახველი ვიდეოები უკრაინულ ტელეგრამარხებზე ვრცელდება.
კადრებში ჩანს, როგორ ცხოვრობს ადგილობრივი მოსახლეობა. მათ წყლის შეგროვებაში და საკვების მიღებაში უკრაინელი ჯარისკაცები ეხმარებიან. კურსკის რაიონში ერთ-ერთმა ჯარისკაცმა მოზარდი გამოკვება. მშვიდობიანი მოსახლეობა კი წყნარად აგროვებს სასმელ წყალს წყლის ტანკერიდან...
“რუსულმა ხელისუფლებამ უბრალოდ მიატოვა თანამოქალაქეები“, - წერენ ტელეგრამარხებზე.
ასე გამოიყურება ახლა ქალაქი სუჯა - უდიდესი რუსული ქალაქი, რომელიც უკრაინის შეიარაღებული ძალების კონტროლის ქვეშ მოექცა.
“მაცხოვრებლების უმეტესობა წავიდა, მაგრამ ასობით მოსახლეო ადგილზე მაინც რჩება“, - წერს DW.
მათ დაბომბვის დროს თავის შეფარება ბუნკერებში უწევთ.
უკრაინის, ჩერნიგოვის რაიონში ადგილობრივები ბოსტნებთან გამაფრთხილებელ ნიშნევს დგამენ, წარწერით "ფრთხილად, დანაღმულია“...
უახლესი ინფორმაცია
18 აგვისტოს მონაცემებით, უკრაინის საჰაერო ძალებმა ღამით 5 რაკეტა და 8 “შაჰედი“ დრონი ჩამოაგდეს.
უკრაინის საჰაერო ძალების ცნობით, კვირას ღამით ჩამოაგდეს 2 ბალისტიკური და 3 საკრუიზო რაკეტა, ასევე რუსების მიერ გაშვებული 8 დრონი. მთლიანობაში, რუსეთმა უკრაინის მიმართულებით 16 რაკეტა და უპილოტო თვითმფრინავი გაისროლეს.
უპილოტო საფრენმა აპარატებმა როსტოვის ოლქში ნავთობის საწყობს ცეცხლი წაუკიდეს.
- უკრაინის შეიარაღებულმა ძალებმა მდინარე სეიმზე მეორე ხიდი დააზიანეს
რუსული და უკრაინული ტელეგრამის არხები მდინარე სეიმზე კიდევ ერთი ხიდის დაზიანების შესახებ - გლუშკოვსკის რაიონის სოფელ ზვანნოეში იუწყებიან. გამოქვეყნებული ფოტოებიდან ჩანს, რომ ზვანნოის ხიდის გზაზე სერიოზული ხვრელია.
პარასკევს, 16 აგვისტოს, ცნობილი გახდა, რომ მაღალსაჰაერო სარაკეტო თავდასხმებისა და საჰაერო ბომბის შედეგად, სოფელ გლუშკოვოში ხიდის ღობე მთლიანად განადგურდა.
იხილეთ ასევე:
- განადგურებულია რუსული ხიდი, რომელსაც კრემლი ჯარისკაცების მოსამარაგებლად იყენებდა: დაიღუპნენ მოხალისეები - უკრაინის წინსვლა გრძელდება
- 200 000-ზე მეტი ევაკუირებული, განადგურებული ინფრასტრუქტურა და გამქრალი რუსული დროშები - ფოტოები ქალაქებიდან, რომლის ნაწილს უკვე უკრაინა აკონტროლებს
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
