შოტლანდიაში, აბერდინის სანაპიროსთან პირველი მსოფლიო ომისას დაღუპული ხომალდის ნამსხვრევები იპოვეს - 8 წუთზე ნაკლებ დროში ჩაძირული გემის ისტორია

შოტალნდიაში, აბერდინის სანაპიროსთან აღმოჩენილი ნამსხვრევები, სავარაუდოდ, პირველი მსოფლიო ომის დროს ჩაძირულ ბრიტანულ ხომალდს, HMS Hawke-ს ეკუთვნის.

იგი 1914 წლის ოქტომბერში გერმანული წყალქვეშა ნავის თავდასხმის შედეგად დაიღუპა. ჩაძირვის დროს გემზე 500 ადამიანი იმყოფებოდა. ისტორიული წყაროების თანახმად, აფეთქების შემდეგ გემს ცეცხლი გაუჩნდა და 8 წუთზე ნაკლებ დროში წავიდა ფსკრისკენ. ტრაგედიის შემდეგ, მხოლოდ 70 მეზღვაური გადარჩა.

სტივ მორტიმერმა, მყვინთავმა, განუცხადა BBC Scotland-ს, რომ HMS Hawke-ის ადგილმდებარეობის პოვნა დიდი შრომა დასჭირდა.

ნამსხვრევები Lost in Waters Deep ჯგუფმა იპოვა - კომპანია შოტლანდიის წყლებში ომის დროს ჩაძირულ გემებს ეძებს. HMS Hawke, 387 ფუტი (118 მ) სიგრძისა და 60 ფუტი (18 მ) სიგანის ედგარის კლასის კრეისერი, ოკეანეში პირველად 1891 წელს გაუშვეს.

1911 წელს ის ძლიერ დაზიანდა სოლენტში, RMS Olympic-თან შეჯახებისას.