კიმ ჩენ ინი შობის გასატარებლად ტურისტებს ჩრდილოეთ კორეაში, “სოციალისტურ ოაზისში“ ეპატიჟება - ქვეყანა ხუთწლიანი ჩაკეტვის შემდეგ, საზღვარს ხსნის
პირველად პანდემიის დასრულების შმედეგ, ჩრდილოეთ კორეა დეკემბერში, საერთაშორისო ტურისტებისთვის საზღვრების გახსნას გეგმავს.
ჩინეთში დაფუძნებულმა ტუროპერატორმა დაადასტურა, რომ ისინი იქნებიან პირველები, ვინც ვიზიტორებს ამ წლის ბოლოს ჩრდილოეთ კორეის საზღვარს გადააკვეთინებს და ქვეყანაში შეიყვანს.
“ჩვენ მივიღეთ დადასტურება ჩვენი ადგილობრივი პარტნიორისგან, რომ ტურიზმი სანგიონგში და დანარჩენ ქვეყანაში ოფიციალურად განახლდება 2024 წლის დეკემბერში“ - წერს Koryo Tours თავის ვებსაიტზე.
- “იდუმალი“ სახელმწიფო იყო მსოფლიოში პირველი, რომელმაც 2020 წლის დასაწყისში, Covid-19-ის გავრცელებისთანახე საზღვარი დახურა.
როდესაც სხვა ქვეყნებმა ნელ-ნელა დაიწყეს საერთაშორისო ვიზიტორების მიღება, ჩრდილოეთ კორეა მხოლოდ ერთეული სახელმწიფოსგან იღებდა დელეგაციებს. როგორც წესი, იყვნენ მოგზაური დიპლომატები ან ტურისტული ჯგუფები რუსეთიდან.
კიდევ ერთმა ტუროპერატორმა სახელად KTG Tours, რომელიც დაფუძნებულია ჩინეთის შენიანგში, დაადასტურა, რომ ტურისტებს შეეძლებათ ეწვიონ ულამაზეს ქალაქ სანგიონგს ამ ზამთარს.
ჩრდილოეთ კორეის ქალაქი ჩინეთთან საზღვრიდან სულ რაღაც ათი მილის დაშორებით მდებარეობს.
“სანგიონგი ადვილად ხელმისაწვდომი იქნება ტურისტებისთვის სახმელეთო გადასასვლელის საშუალებით,“- იტყობინება Koryo Tours-ის წარმომადგენელი.
ქალაქის ხელახალი განვითარება ერთ-ერთი ყველაზე დიდი ეკონომიკური ინიციატივაა, რომელიც კიმ ჩენ ინმა წამოიწყო. ცოტა ხნის წინ, ჩრდილოეთ კორეის ლიდერი თავად ეწვია მთიან ტერიტორიას და დაათვალიერა ახლად აშენებული აპარტამენტები, სასტუმროები და სათხილამურო კურორტი, რომელიც 4000 ოჯახს მიიღებს.
კორეის ცენტრალური საინფორმაციო სააგენტოს ცნობით, კიმმა ქალაქი აღწერა, როგორც “ჩვენი ხალხისა და მსოფლიოს ოაზისი [რომელიც] ტურიზმს რეგიონული განვითარების მთავარ მამოძრავებელ ძალად აქცევს“. მან ასევე ის "სოციალისტურ უტოპიად" მიიჩნია.
ქალაქი ახლოს არის ქვეყნის ყველაზე მაღალ პაეკტუს მთასთან, რომელსაც აქვს უზარმაზარი კულტურული მნიშვნელობა როგორც ჩრდილოეთ, ასევე სამხრეთ კორეელებისთვის.
იხილეთ ასევე: