რას ნიშნავს კედლებზე შესრულებული 9 ნახატი - 9 დღეში... - იდუმალი ბენკსის ახალი პროექტი მორიგი თავსატეხი აღმოჩნდა
იდუმალმა გრაფიტის ლეგენდამ, მილიონერმა ბენკსიმ ცოტა ხნის წინ ლონდონში ნახატების სერია დაასრულა.
9 დღის განმავლობაში, ყოველდღიურად, ქალაქის კედლებზე ცხოველების 9 ნახატი ჩნდებოდა... ბევრი ვარაუდი არსებობს, იმის შესახებ, თუ რა აზრი ჩადო აქტივისტმა მასში.
- ბოლო, მეცხრე ნამუშევარი ლონდონის ზოოპარკის კარიბჭეზე გამოჩნდა. გრაფიტზე გამოსახულია გორილა, რომელიც სწევს რკინის ფარდას, რათა ფრინველები გაათავისუფლოს, ხოლო დანარჩენი ცხოველები შიგნიდან უყურებიან.
თუმცა, თხის, სპილოების, მაიმუნების, მგლის, პელიკანების, კატის და თევზის სურათები 5 აგვისტოდან ყოველ დილით ჩნდება ლონდონში.
სურათებს, როგორც ჩანს, ღამით ხატავდა, ხოლო მის ავტორობას ბენკსი სოციალურ ქსელში მათი გამოქვეყნებით ადასტურებდა.
BBC რადიო სერიალის The Banksy Story-ის წამყვანი ჯეიმს პიკი, ამბობს, რომ ამ ნახატების აზრი ნაკლებად აშკარაა, ვიდრე მისი ზოგიერთი წინა ნამუშევარი.
“მის შემოქმედებაში ხშირად არის უფრო მკაფიო, უფრო პირდაპირი გზავნილი. იქნებ ამჯერად მას უნდა, რომ ჩვენ თვითონ გამოვიცნოთ?“ - ამბობს პიკი.
გთავაზობთ ფოტოებს:
