მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკრაინის მიერ განადგურებული რუსეთის 4 აეროდრომი, ბუნკერებში გახიზნული ადგილობრივები და დაცარიელებული ქალაქები: რა შეიცვალა ღამის განმავლობაში?
10:25 / 15-08-2024
უკვე მეცხრე დღეა, რაც რუსეთის კურსკის რეგიონში და მიმდებარედ საბრძოლო მოქმედებები არ წყდება.
6 აგვისტოს, გამთენიისას, უკრაინის შეიარაღებული ძალების 22-ე მექანიზებული ბრიგადის დანაყოფებმა, გაძლიერებულმა სპეცდანიშნულების რაზმებით, ჯავშანტექნიკითა და მობილური საზენიტო-სარაკეტო კომპლექსებით, საკუთარი არტილერიისა და კამიკაძე-დრონების ინტენსიური მხარდაჭერით, რუსეთის ფედერაციის სახელმწიფო საზღვარი კურსკის ოლქის ქალაქ სუჯასთან გადალახეს და ამ დრომდე წარმატებით მიიწევენ წინ.
მას შემდეგ, რაც ცნობილი გახდა, რომ უკრაინა რუსეთის კურსკის რეგიონის 74 დასახლებულ პუნქტს აკონტროლებს, ვითარება ყოველდღიურად იცვლება.
15 აგვისტო - ბოლო ინფორმაცია ცხელი წერტილიდან:
უკრაინის გენშტაბი რუსეთის ოთხ აეროდრომზე თავდასხმას ადასტურებს
“უკრაინის თავდაცვის ძალებისა და მთავარი სადაზვერვო სამმართველოს ქვედანაყოფებმა 14 აგვისტოს ღამით რუსეთის ფედერაციის ვორონეჟის, კურსკის და ნიჟნი ნოვგოროდის ოლქების ტერიტორიაზე ოთხ აეროდრომს შეუტიეს“, - ინფორმაციას უკრაინული მედია ქვეყნის შეიარაღებული ძალების გენერალურ შტაბზე დაყრდნობით ავრცელებს.
გენშტაბის ცნობით, დარტყმა განხორციელდა სამხედრო აეროდრომებზე : “ხალინო“, “სავასლეიკა“, “ბორისოგლებსკი“ და “ბალტიმორი“.
“აღნიშნულ აეროდრომებზე ბაზირებულია არმიის ავიაცია, “სუ-34“ ტიპის გამანადგურებელი ბომბდამშენი, “სუ-35“ გამანადგურებელი და მტრის სხვა სამხედრო თვითმფრინავები“, - აცხადებენ გენშტაბში.
მათი განმარტებით, მთავარი სამიზნე იყო საწვავის და საპოხი მასალების საწყობები და საავიაციო იარაღი. თავდასხმის შედეგები ზუსტდება.
ოპერაციებში მონაწილეობდა უკრაინის შეიარაღებული ძალების საჰაერო ძალების და სპეციალური ოპერაციების ძალების ქვედანაყოფები უკრაინის უსაფრთხოების სამსახურთან და უკრაინის თავდაცვის სამინისტროს მთავარ სადაზვერვო სამმართველოსთან ერთად.
ღამით უკრაინას 3 რაკეტით და 29 თვითმფრინავით შეუტიეს - ჩამოგდებულია ყველა უპილოტო საფრენი აპარატი
უკრაინის შეიარაღებული ძალების საჰაერო ძალების ინფორმაციით, ღამით უკრაინას 3 რაკეტით და 29 თვითმფრინავით შეუტიეს - ჩამოგდებულია ყველა უპილოტო საფრენი აპარატი.
- საჰაერო თავდაცვის ძალებმა და ელექტრონული ომის სისტემებმა თვითმფრინავი ნიკოლაევის, ჩერკასის, კიროვოგრადის, ხერსონის, ზაპოროჟიეს, სუმის, ჩერნიგოვისა და კიევის რეგიონებში ჩამოაგდეს.
რუსეთში კურსკის ოლქის გლუშკოვსკის რაიონის ევაკუაცია მიმდინარეობს
რუსეთის კურსკის ოლქის გუბერნატორის მოვალეობის შემსრულებელმა, ალექსეი სმირნოვმა უკრაინის მოსაზღვრე გლუშკოვსკის რაიონის მცხოვრებთა ევაკუაცია გამოაცხადა. რაიონიდან გამგზავრების პროცესს კოორდინაციას უწევენ სამართალდამცავი უწყებები, სამხედრო პერსონალი, ადგილობრივი ადმინისტრაცია და კურსკის პატრიოტთა ცენტრის წევრები.
ქალაქი სუჯა
TSN-ის კორესპონდენტებმა ცხელ წერტილში მდებარე ქალაქ სუჯას მკვიდრთა მდგომარეობა გადაიღეს. როგორც ჟურნალისტი ნატალია ნაგორნაია იტყობინება, ქალაქი თითქმის გაუკაცრიელებულია.
ფოტოებზე ასევე შეგიძლიათ იხილოთ ადგილობრივი მოსახლეობის მიერ დატოვებული წარწერები, სანამ მათი ევაკუაცია მოხდებდოდა.
უკრაინის შეიარაღებული ძალების შეტევის ფონზე კურსკისა და ბელგოროდის ოლქების სასაზღვრო რაიონების მცხოვრებლები თავიანთ სახლებს ტოვებენ. მანამდე ევაკუაცია გამოცხადდა კურსკის ოლქის ბოლშესოლდაცკის, კორენევსკის რაიონებში. გარდა ამისა, მეზობელი ბელგოროდის ოლქის კრასნოიარუჟსკის რაიონის მცხოვრებლებმა თითქმის მთლიანად დატოვეს ტერიტორია.
კურსკის გუბერნატორის მოვალეობის შემსრულებელმა 12 აგვისტოს განაცხადა, რომ ოლქში 120 ათასზე მეტი ადამიანის ევაკუაცია განხორციელდა.
უკრაინელმა სამხედროებმა კურსკში ბუფერული ზონა შექმნეს
უკრაინის ომბუდსმენის, დმიტრო ლუბინეცის განცხადებით, უკრაინელმა სამხედროებმა თავდაცვის მიზნით კურსკის რეგიონში ბუფერული ზონა შექმნეს.
“შევუერთდი უკრაინის პრეზიდენტის ვოლოდიმირ ზელენსკის სხდომას, რომელზეც კურსკის ოლქში სასტაბილიზაციო ღონისძიებების საკითხები განიხილებოდა. თავდაცვის უფლების რეალიზაციაში, გაეროს ქარტიის 51-ე მუხლთან შესაბამისად, უკრაინას უფლება აქვს არა მხოლოდ თავს იცავდეს, არამედ უნდა იცავდეს ყველა საერთაშორისო კონვენციასა და საერთაშორისო ჰუმანიტარული სამართლის მოთხოვნებს…
ამიტომ ჩვენმა სამხედროებმა თავდაცვის მიზნით კურსკის რეგიონის ტერიტორიაზე “ბუფერული (სანიტარული) ზონა” შექმნეს… “ბუფერულ ზონაში” სურსათის, მედიკამენტებისა და მოსახლეობისთვის ყველა სხვა საჭირო საგნების მიწოდება უნდა იყოს უზრუნველყოფილი”, - წერს ლუბინეცი.
გუშინ, 14 აგვისტოს კი ვითარება უკრაინის პრეზიდენტმა, ვოლოდიმირ ზელენსკიმ შეაფასა. მისი თქმით, “კურსკის რეგიონში კარგი წინსვლაა და უკრაინა სტრატეგიულ მიზანს აღწევს“.
“კარგი წინსვლაა დღეს კურსკის რეგიონში - ვაღწევთ ჩვენს სტრატეგიულ მიზანს. მნიშვნელოვნად შევავსეთ, ასევე, ჩვენი სახელმწიფოს გაცვლითი ფონდი [რუსი ტყვეების რაოდენობა]. მნიშვნელოვანია, რომ უკრაინა წესების დაცვით ომობს და ჰუმანიტარული საჭიროებები, რომლებიც ამ ტერიტორიაზე არსებობს, უნდა დაკმაყოფილდეს”, - განაცხადა ზელენსკიმ.
შეგახსენებთ, უკრაინის შეიარაღებული ძალების შეტევითი ოპერაცია კურსკის ოლქში 6 აგვისტოს დაიწყო. ბრძოლები მიმდინარეობს კორენევსკის, სუჯანსკისა და ბელოვსკის რაიონებში. კურსკის ოლქის გუბერნატორის მოვალეობის შემსრულებელმა ალექსეი სმირნოვმა 12 აგვისტოს განაცხადა, რომ უკრაინის შეიარაღებული ძალები მის რეგიონში 28 დასახლებას აკონტროლებენ. უკრაინის შეიარაღებული ძალების ინფორმაციით კი, მათ 74 დასახლება აიღეს.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
