3 სპოილერი, რომელიც “გადამწვარი ხიდების“ ლიმიტირებული გამოცემის შეძენამდე უნდა გაიგო

წიგნის კითხვა სიურპრიზს ჰგავს: არასოდეს იცი როგორ განვითარდება მოვლენები, როგორ იმოქმედებს შენზე მოულოდნელობები და ემოციური მომენტები. ზოგს არ უყვარს სპოილერების გაგება წიგნის წაკითხვამდე, ზოგს კი პირიქით, ურჩევნია რაღაც დოზით ინფორმირებული იყოს და უფრო მეტი ყურადღება გაამახვილოს ნაწარმოების საკვანძო მომენტებზე.

სპოილერი გვეხმარება ნაწარმოების ძირითადი პუნქტებისა და თემების გაგებაში, რაც ხელს უწყობს ტექსტის უფრო ღრმა აღქმასა და ანალიზს. საბოლოო ჯამში, სპოილერების ცოდნამ შეიძლება გააუმჯობესოს ნაწარმოების სიამოვნება მათთვის, ვინც აფასებს პროგნოზებს და სიცხადეს ამბის თხრობაში.

თუ სიურპრიზით აღსავსე წიგნები გიყვართ, თქვენთვის საინტერესო იქნება ნათია ჯაგოდნიშვილის ბესტსელერი - "გადამწვარი ხიდები", რომელიც ახალი, ლიმიტირებული გამოცემით ბრუნდება. წიგნის სპეციალური ვერსია მხოლოდ palitra.ge-ზე იქნება ხელმისაწვდომი და უნიკალურ სიურპრიზსაც შეიცავს.

“გადამწვარი ხიდები" ახალგაზრდა კაცის უცნაურ ბედისწერაზე გვიყვება. ეს ამბავი დიდ და ამაღელვებელ სიყვარულზეა... 10-წლიანი პატიმრობის შემდეგ გეგა ცეცხლაძის თავისუფლება ასეთია: თავისუფალია საყვარელი საქმისგან, საყვარელი ქალისგან, უფლებებისგან, იმედებისგან, ოცნებებისგან... ტვირთად აკიდებული წარსულით შუა გზაზე ბედის ანაბარად მიტოვებულს საკუთარი სიცოცხლის გამართლების ერთი მიზეზიც კი აღარ დარჩენია... და როცა წასასვლელიც არსაით აქვს, საქმეში კვლავ ბედისწერა ერევა! ბედისწერამ კი დანდობა არ იცისო და... გეგა ანას შეახვედრა! ახლა შეუძლებელი შესაძლებელი უნდა გახდეს; ახლა სიმართლე უნდა ითქვას და, როცა უკვე უკან დასახევი გზაც აღარ არის, უნდა ადგე და... ყველა ხიდი გადაწვა!

• 3 სპოილერი “გადამწვარი ხიდების“ საკოლექციო გამოცემაზე, რომელიც უნდა იცოდე:

სპოილერი#1

“გადამწვარი ხიდების“ ლიმიტირებულ გამოცემაში შესულია სპეციალური, ბონუსეპიზოდი, რომელიც საგანგებოდ ამ გამოცემისთვის დაიწერა. ბონუს ეპიზოდი კიდევ უფრო კარგად გვიყვება გეგა ცეცხლაძის ცხოვრებაში ყველაზე მნიშვნელოვანი და საბედისწერო ღამის დეტალებს.

ბონუსეპიზოდი ახალ პერსპექტივას სთავაზობს მკითხველს, რაც წიგნის ძირითად სიუჟეტს კიდევ უფრო ამდიდრებს და საინტერესოა მათთვისაც, ვინც წიგნში განვითარებულ ისტორიას კარგად იცნობს.

სპოილერი#2

ბონუს ეპიზოდში მკითხველი გაიცნობს გიორგი ნიჟარაძეს, პერსონაჟს, რომელიც შეეწირა საბედისწერო ღამეს და გაიგებს მისი თვალით დანახული ღამის დეტალებს. გაიგებს, იყო თუ არა ეს ყველაფერი შემთხვევითობა, რა და როგორ მოხდა სინამდვილეში და როგორ გადაიკვეთა გიორგი ნიჟარაძისა და გეგა ცეცხლაძის გზები.

სპოილერი#3

ბონუს ეპიზოდში მკითხველი კიდევ ერთხელ დარწმუნდება იმაშიც, რომ ცხოვრებაში არაფერი ხდება შემთხვევით და ზოგჯერ ჩვენი გზები წინასწარ არის განსაზღვრული. შესაძლოა, წლების შემდეგ ვხვდებოდეთ ადამიანს, გვეგონოს რომ ეს პირველად ხდება, თუმცა აღმოჩნდეს, რომ ჩვენი გზები აქამდე არაერთხელ გადაკვეთილა და თანაც, საკმაოდ სერიოზულად და მნიშვნელოვნად.

ნათია ჯაგოდნიშვილის მკითხველს ასევე შესაძლებლობა მიეცემა ონლაინ შეიძინოს აქსესუარები წიგნის თემატიკით: დაპრინტული ჩანთა და ჭიქა, რომელზეც გაცხელებისას ილუსტრაცია გამოჩნდება.

R