მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გაიცანით "ევა" - დნმ-ის შემგროვებელი რობოტი თევზი, რომელიც მსოფლიო ოკეანის შესასწავლად შექმნეს
16:38 / 13-08-2024
ზღვიდან დაახლოებით 400 კილომეტრის დაშორებით, შვეიცარიაში, ციურიხის ინჟინერიის სტუდენტები უახლესი რობოტების შექმნაზე მუშაობენ. ინოვაციამ შეიძლება, მსოფლიო ოკეანის შესწავლის საშუალებები შეცვალოს.
რობოტი თევზი "ევა" თავისი სილიკონის კუდის ქნევით ცურავს, რომელიც შიგნით დამალული ტუმბოებით მუშაობს. ციურიხის ტბის ცივ წყალში “ევა” თავისუფლად გადაადგილდება და მის მუშაობას ჯგუფი - SURF-eDNA ტესტავს. სტუდენტების ხელმძღვანელობით შექმნილმა ჯგუფმა ბოლო ორი წლის განმავლობაში რბილი რობოტი თევზები შექმნა, მათ შორის “ევა” უახლესია.
"ევასთვის” თევზის სახის მიცემით, შეგვიძლია, შევაღწიოთ ეკოსისტემაში, რომელსაც ვიკვლევთ", - განუცხადა CNN-ს მაგისტრატურის სტუდენტმა, დენის ბაუმანმა და დასძინა, რომ ბიომიმეტური დიზაინი უნდა დაეხმაროს სხვა თევზებს, მისი არსებობით არ შეშინდნენ, - ჩვენ შეგვიძლია შევერიოთ და შევეწყოთ ეკოსისტემას”.
“ევას” მსგავსება თევზთან მისი ერთადერთი სარგებელი არ არის. ავტონომიური წყალქვეშა სატრანსპორტო საშუალება (AUV) ასევე აღჭურვილია კამერით წყალქვეშა გადაღებისთვის და ექოლოკატორით, რომელიც ალგორითმთან ერთად, საშუალებას აძლევს მას, თავიდან აიცილოს დაბრკოლებები.
ცურვის დროს AUV-ს ასევე შეუძლია, გარემოდან დნმ-ის შესაგროვებლად ფილტრი გამოიყენოს, რომელიც eDNA-ს სახელითაა ცნობილი. გაშიფვრისთვის eDNA-ს ნაწილაკები შეიძლება ლაბორატორიაში გაიგზავნოს, რათა განისაზღვროს, რომელი სახეობები ცხოვრობენ წყალსატევში.
"ყველა ცხოველი, რომელიც გარემოშია, თავის დნმ-ს ტოვებს, ასე რომ, გარშემო არსებობს არაერთი დნმ, რომლის მოპოვებაც შეგვიძლია”, - აღნიშნა CNN-თან ციურიხის პოსტდოქტორანტურის მკვლევარმა, მარტინა ლუთიმ.
სტუდენტებს იმედი აქვთ, რომ "ევა" შეძლებს, მეცნიერებს ოკეანეებისა და მათი ბინადრების შესახებ უფრო დეტალური სურათი მისცეს. მიუხედავად იმისა, რომ ის ჩვენი პლანეტის 70%-ზე მეტს ფარავს, ბევრი რამ, რაც ზედაპირის ქვეშაა, კვლავ საიდუმლოდ რჩება.
AUV-ისა და დისტანციურად მართვადი სატრანსპორტო საშუალებების მსგავსი ინსტრუმენტები სულ უფრო ხშირად გამოიყენება ოკეანის შესასწავლად და წყალქვეშა გარემოს შესახებ მეტი ინფორმაციის მისაღებად. მაგალითად, კალიფორნიაში დაარსებულმა სტარტაპმა, Aquaai-მ გამოიგონა დრონები, რომლებიც კლოუნთევზებს ჰგვანან და შეუძლიათ, შეაგროვონ ისეთი ინფორმაცია, როგორიცაა ჟანგბადის, მარილიანობისა და pH დონეების განსაზღვრა წყალსატევებში; გასულ წელს, როვერმა 8,300 მეტრის სიღრმეზე ყველაზე ღრმად მოცურავე თევზიც გადაიღო.
უფრო განვითარებული ინსტრუმენტები, რომლებიც გარემოს უფრო დეტალურად შესწავლის საშუალებას იძლევა, შეიძლება, არსებითი მნიშვნელობის იყოს ოკეანეების უკეთ დასაცავად, იმ დროს, როდესაც სიცოცხლე ოკეანეში უპრეცედენტო საფრთხის წინაშე დგას კლიმატის ცვლილების, გადაჭარბებული თევზჭერისა და სხვა სახის ზემოქმედების გამო.
"გვინდა, შევქმნათ სანდო ინსტრუმენტი ბიოლოგებისთვის... იქნებ, შევძლოთ სხვადასხვა სახეობის გადაშენების თავიდან აცილება", - აღნიშნა ბაუმანმა. წყარო
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
