მალე ხელოვნური ინტელექტის ოლიმპიადაც? - რობოტმა მაგიდის ჩოგბურთში ადამიანების დამარცხება შეძლო (ვიდეო)
ვიდრე ხელოვნური ინტელექტი სამყაროს დაიპყრობს, როგორც ჩანს, მანამდე კაცობრიობას მაგიდის ჩოგბურთში დაამარცხებს. Google-მა წარადგინა რობოტი, რომელსაც მაგიდის ჩოგბურთის თამაში სამოყვარულო დონეზე შეუძლია.
მართალია, სისტემა ჯერ ვერ შეეჯიბრება პროფესიონალებს, თუმცა რობოტი ამ მხრივ სულ უფრო ვითარდება.
“აქამდე მსგავსი არაფერი მომხდარა“, - აღნიშნავს პორტალი TechRadar.
- DeepMind Robotics-ის გუნდი იყო ისტორიაში პირველი, რომელმაც რობოტს ჩოგბურთის თამაში ადამიანის დონეზე ასწავლა. ეს მნიშვნელოვანი მიღწევაა მთელი ინდუსტრიისთვის.
რობოტმა მოახერხა ყველა დამწყები მოთამაშის დამარცხება და ასევე დაამარცხა მოყვარულთა 55%. ჯამში 29 მატჩი გაიმართა. შემთხვევათა 45%-ში გამარჯვება რობოტს ერგო.
რობოტს ავარჯიშებდნენ, რომ ფოკუსირება მოახდინა დარტყმის თითოეულ კონკრეტულ ტიპზე. ტრენინგი ინტეგრირებული იყო მაღალი დონის ალგორითმთან, რომელიც ირჩევს შესაბამის დარტყმას თითოეულ კონკრეტულ სიტუაციაში.
მკვლევარები უკვე მუშაობენ სისტემის გაუმჯობესებაზე.
გარდა ამისა, რობოტს აქვს უნარი, შეისწავლოს მოწინააღმდეგის სტრატეგიები, გააანალიზოს მისი ძლიერი და სუსტი მხარეები.
აღსანიშნავია, რომ 2024 წლის ბოლოსთვის OpenAI აპირებს გამოუშვას ChatGPT-5, რომელიც გვპირდება რევოლუციას ხელოვნური ინტელექტის სფეროში.