გენო პეტრიაშვილი ოლიმპიური ჩემპიონია - მან ფინალში პრინციპულ მეტოქეს მოუგო
თავისუფალი სტილით მოჭიდავე ქართველი გენო პეტრიაშვილი პარიზის 2024 წლის ოლიმპიადის ოქროს მედლის მფლობელია. ქართველი ფალავანი ფინალში პრინციპულ მეტოქეს ირანელ ამირ ზარეს დაუპირისპირდა და 10:9 მოუგო. ნახევარფინალში კი აზერბაიჯანის სახელით მოასპარეზე გიორგი მეშვილდიშვილი დაამარცხა. ამირ ზარე ტურნირზე პირველ ნომრად არის განთესილი, გენო კი – მეორე ნომრად.
- შეგახსენებთ, გენო პეტრიაშვილს უკვე აქვს ოლიმპიური ვერცხლის (2020 წლის ტოკიოს ოლიმპიური თამაშები) და ბრინჯაოს (2016 წლის რიო-დე-ჟანეიროს ოლიმპიური თამაშები) მედლები.
ამ დროისთვის საქართველოს ოლიმპიადაზე უკვე 2 ოქროს, 2 ვერცხლის და 1 ბრინჯაოს მედალი აქვს.
ძიუდოისტი ლაშა ბექაური ორგზის ოლიმპიური ჩემპიონი გახდა. მან ფინალში იაპონელი სანშირო მურაო დაამარცხა და საქართველოს ნაკრებს პირველი ოქროს მედალი მოუტანა. საქართველოს ნაკრებს პარიზის ოლიმპიადაზე ვერცხლის მედალი მსოფლიოს სამგზის ჩემპიონმა, ტატო გრიგალაშვილმა მოუტანა. ამასთან, ვერცხლის მედალს დაეუფლა ქართველი ძიუდოისტი (100კგ) ილია სულამანიძე. მოკრივე ლაშა გურულმა კი ოლიმპიადაზე ბრინჯაოს მედალი მოიპოვა. ხვალ ველოდებით კიდევ ერთ მედალს. თავისუფალი სტილით მოჭიდავე გივი მაჭარაშვილი ოლიმპიადის ფინალშია და ხვალ 13:00 საათზე ფინალში ბაჰრეინის წარმომადგენელს აჰმედ ტაჟუდინოვს დაუპირისპირდება.
წაიკითხეთ ასევე: