გავრცელდა ვიდეო, რომელშიც ჩანს განადგურებული რუსული სამხედრო კოლონა და სამხედროების ცხედრებით სავსე მანქანები - რა ხდება ცნობილი?
წუხელ ინტერნეტში გამოჩნდა ვიდეო, რომელიც რუსულ სამხედრო კოლონაზე თავდასხმის შედეგებს ასახავს.
სააგენტო BBC ადასტურებს, რომ ვიდეო გადაღებულია კურსკის ოლქის ქალაქ რილსკთან.
კონკრეტულად, ერთ ვიდეოში ჩანს ცეცხლის სვეტი, მოგვიანებით კი მეორე ვიდეოც გამოჩნდა, რომელშიც, სავარაუდოდ, იგივე რუსული სამხედრო ტექნიკაა ნაჩვენები, რომელსაც ცეცხლი ეკიდა. კადრები უმძიმესია, სატვირთო მანქანების უკანა ნაწილში ათობით სამხედროს ცხედარი ჩანს.
ვიდეოდან დაღუპულთა რაოდენობის დადგენა შეუძლებელია. "მინიმუმ "კამაზისა" და "ურალის" ტიპის" 14 მანქანა მოხვდა ცეცხლის ქვეშ, ქვეითებთან ერთად," - წერს "ტელეგრამარხი" "მნიშვნელოვანი ისტორიები".
<blockquote class="twitter-tweet"><p lang="en" dir="ltr">🔥 Detailed video of a Russian military column near Rylsk which was targeted tonight. Dozens of Russian soldiers were killed during the transportation. <a href="https://t.co/gFNPNABAAS">https://t.co/gFNPNABAAS</a> <a href="https://t.co/ICwIPMhR72">pic.twitter.com/ICwIPMhR72</a></p>— Special Kherson Cat 🐈🇺🇦 (@bayraktar_1love) <a href="https://twitter.com/bayraktar_1love/status/1821804091112354156?ref_src=twsrc%5Etfw">August 9, 2024</a></blockquote> <script async src="https://platform.twitter.com/widgets.js" charset="utf-8"></script>"3-4 ასეული - თითქმის მთელი ბატალიონი განადგურდა. კოლონის მიხედვით თუ ვიმსჯელებთ, სამხედოების, დაახლოებით, ნახევარი გარდაცვლილია. ეს არის ერთ-ერთი ყველაზე სისხლიანი და მასობრივი დარტყმა (სავარაუდოდ, HIMARS - ით) მთელი ომის განმავლობაში“, - წერს სამხედრო ექსპერტი იან მატვეევი.
BBC Verify-ის გუნდმა დაადასტურა, რომ კოლონის ვიდეო გადაღებულია კურსკის რაიონში, ქალაქ რილსკის მახლობლად. BBC - ის რუსული სამსახურის ინფორმაციით, დადასტურებულია ვიდეოს ავთენტურობაც.
"ვიდეო გადაღებულია E38 გზატკეცილზე, სოფელ ოქტაბრსკოეში, ქალაქ რილსკის გარეუბანში. ამ ადგილიდან, სადაც კოლონა განადგურდა, უკრაინის შეიარაღებული ძალების უახლოეს ცნობილ პოზიციებამდე, კორენევოს რეგიონული ცენტრის აღმოსავლეთით, დაახლოებით 30 კილომეტრია, უკრაინის საზღვრამდე კი 35 კილომეტრია. ზუსტად არ არის ცნობილი რუსული არმიის რომელ ქვედანაყოფს ეკუთვნოდა ეს კოლონა. "სამხედრო კორესპონდენტის" ანასტასია კაშევაროვას ცნობით, მანქანები ეკუთვნოდა 44-ე არმიის კორპუსს, ლენინგრადის სამხედრო ოლქის ახალ დანაყოფს, რომელიც შეიქმნა 2024 წელს ლენინგრადის რეგიონის ქალაქ ლუგაში", - წერს "მედუზა".
უკრაინა, როგორც ზოგადად კურსკის მიმართულებით სპეცოპრეციაზე, ასევე ამ თავდასხმაზე ოფიციალურად არაფერს ამბობს.
იხილეთ ასევე: