"ასეთი შიში არასდროს განგვიცდია; ყველაფერი მტვრად იქცა... 24 წლის გოგონა გარდაიცვალა" - პანიკა კურსკში: რას ჰყვებიან ადგილობრივები?

უკვე მეოთხე დღეა, უკრაინის არმიის შეტევა კურსკის რაიონზე გრძელდება. რუსი ოფიციალური პირებისგან ჯერ კიდევ ძალიან მწირი ინფორმაციაა იმის შესახებ, თუ რა ხდება ადგილზე.

BBC ქალაქ სუჯასა და მიმდებარე სოფლების მცხოვრებლებს ესაუბრა.

• როგორ უმკლავდებიან შეჭრას და როგორია მოხალისეს ყოველდღიურობა, რომელიც ხალხს ევაკუაციაში ეხმარება?

კურსკის ოლქის პატარა ქალაქი სუჯა, რუსეთ-უკრაინის საზღვრიდან დაახლოებით 10 კილომეტრში მდებარეობს. მას შემდეგ, რაც რუსეთმა უკრაინაში შეჭრა დაიწყო, ქალაქი რეგულარულად ხვდება ცეცხლისა და თვითმფრინავების თავდასხმების ქვეშ.

მაგრამ სუჯას მცხოვრებლებს არასოდეს გაუგიათ აფეთქებების ისეთი ხმამაღალი ხმები, როგორიც 6 აგვისტოს ღამეს...

"ჩვენი ქალაქი დაბომბეს ყველა შესაძლო გზით... ასეთი შიში არასდროს განგვიცდია", - იხსენებს ადგილობრივი მცხოვრები მარინა (სახელი შეცვლილია) BBC-სთან საუბარში.

მისი თქმით, “დაბომბვა დაახლოებით დილის სამ საათზე დაიწყო - შემდეგ მთელი ოჯახი აბაზანაში დაიმალა და იქ თითქმის სამი საათი იჯდა. როგორც კი ვითარება ცოტა დაწყნარდა, რაც შეგვეძლო ავიღეთ და წავედით“, - ამბობს ის. მარინამ და მისმა ოჯახმა სახლი და სუჯა საკუთარი მანქანით დაახლოებით, დილის ექვსის ნახევარზე დატოვეს:

“იმ მომენტში, ვფიქრობ, ისინი ისროდნენ ახლომდებარე სოფლებში, ხმა ისმოდა, მაგრამ შორს“.

ამბობს, რომ გზის პირას ნახეს დამწვარი მანქანები: “როგორც ჩანს, მათ უპილოტო თვითმფრინავებიდან ესროლეს“.

• უკრაინული შენაერთების შეჭრა კურსკის რეგიონში 6 აგვისტოს ღამით დაიწყო - რეგიონს ჯერ თავს დაესხნენ დრონები (კურსკის გუბერნატორის მოვალეობის შემსრულებლის, ალექსეი სმირნოვის თქმით, გუშინ ჩამოაგდეს 26 თვითმფრინავის ტიპის დრონი). შემდეგ კი ცეცხლი მეზობელ ტერიტორიებს გაუხსნეს.

• "ყველაფერი მტვრად იქცა"

ადგილობრივმა მცხოვრებმა ალინამ (სახელიც შეცვლილია) და მისმა ოჯახმა სუჯა მარინაზე ცოტა გვიან, დილის 9:30 საათზე დატოვეს. იმ დროს, მისი თქმით, გზატკეცილი უკვე ცეცხლის ქვეშ იყო: "ჩვენ გავიარეთ და ხუთი წუთის შემდეგ ამ ადგილზე თავდასხმა მოხდა".

მარინას მსგავსად, ალინას ოჯახმაც ის ღამე უძილოდ გაატარა. დილის შვიდ საათზე ისინი და სხვა ნათესავები შეიკრიბნენ სახლში, ზაოლეშენკას დასახლებაში.

“ჩავალაგეთ ნივთები და ველოდებოდით დამშვიდებას. სუჯას მთელი ცენტრი ღამით დაბომბვის შემდეგ “მტვრად გადაიქცა“,- ამბობს ალინა. ცეცხლი მათ სახლსაც გაუჩნდა, მაგრამ ამ დროს ალინა და მისი ოჯახი იქ არ იმყოფებოდნენ და არავინ დაშავებულა.

“ორი ჭურვი ჩამოვარდა. ერთი სახლს შეეჯახა და, ბუნებრივია, ნახევარი სახლი ააფეთქეს, მეორე კი ღობესთან მოხვდა, ყველაფერი მტვრად იქცა“, - ამბობს ის.

მიუხედავად იმისა, რაც ხდებოდა, ალინას ბებია-ბაბუამ კატეგორიული უარი განაცხადეს ქალაქის დატოვებაზე და დარჩნენ ზაოლეშენკაში. სამშაბათს ჯერ კიდევ იყო მათთან კონტაქტი, მაგრამ ოთხშაბათს კავშირი მთლიანად დაიკარგა.

"ქალაქში ელექტროენერგია არ არის და ვინც რჩება, ტელეფონს ვერ ტენის. გენერატორები ყველას არ აქვს",- განმარტავს ალინა.

სხვა ადგილობრივები სოციალურ ქსელში წერენ, რომ ქალაქი გაზისა და წყლის გარეშე დარჩა. თუ სამშაბათს დილით ჯერ კიდევ შესაძლებელი იყო სუჯადან გასვლა, მოგვიანებით ეს თითქმის შეუძლებელი გახდა.

როგორც ალინა ჰყვება, მეგობრები, რომლებიც ცდილობდნენ დაეტოვებინათ სოფელი კურილოვკა (სუჯადან დაახლოებით 15 წუთის სავალზე), დაბომბვის ქვეშ მოხვდა.

• “სამწუხაროდ, 24 წლის გოგონა გარდაიცვალა, მისი ქმარი და შვილი საავადმყოფოში არიან“.

საუბარია ახალგაზრდა კუზნეცოვის ოჯახზე - არტემ და ნინა კუზნეცოვებმა კურილოვკა შვილ მატვეისთან და ბებიასთან ერთად, ორი მანქანით დატოვეს. როცა ისინი კურილოვკა-გონჩაროვკას გზატკეცილზე, სუჯას შესასვლელთან იმყოფებოდნენ, ბუჩქებიდან დაიწყეს სროლა:

“სროლის ხმა გავიგე - ჩუმი ხმა იყო, თითქოს ვიღაც საჰაერო პისტოლეტიდან ისროდა და არა კალაშნიკოვიდან. მერე მივხვდი, რომ მესროლეს - ერთ-ერთმა ტყვიამ საქარე მინა გატეხა. კარი გავაღე, ის უკვე იწვა და ხიხინებდა. მძიმე სისხლდენა ჰქონდა. ექიმის თქმით, ტყვია გულსა და ფილტვში მოხვდა“, - იხსენებს გარდაცვლილის ქმარი.

არტემის თქმით, მისი ცოლი ორსულად იყო.

რუსული პროპაგანდისტული მედია ნინას მკვლელობაში უკრაინელ სამხედროებს ადანაშაულებენ. ამას აღნიშნავს არტემ კუზნეცოვიც. თუმცა, საომარი მოქმედებების პირობებში BBC ვერ ადგენს, თუ ვინ ესროლა ავტომაგისტრალზე მანქანებს.

მიუხედავად გამოცხადებული ევაკუაციისა, ბევრი ადგილობრივი მაცხოვრებელი იძულებულია დამოუკიდებლად გავიდეს ტერიტორიიდან. ვიღაც ეძებს თავისუფალ ადგილს მანქანაში, რათა გაარიდოს ბავშვი ან ხანში შესული უსაფრთხო ადგილას.

ბოლო მონაცემებით, კურსკის რეგიონში გაიხსნა 21 დროებითი განსახლების ცენტრი. ადგილობრივი ხელისუფლების ინფორმაციით, 7 აგვისტოს საღამოს იქ დაახლოებით 600 ადამიანი იყო განთავსებული.

პუნქტები იხსნება რეგიონის მეზობელ რეგიონებშიც. კურსკში მოსკოვიდან და პეტერბურგიდან ექიმები ჩავიდნენ.

იხილეთ ასევე:

• მძიმე ღამე რუსეთისთვის - უპილოტო საფრენმა აპარატებმა სევასტოპოლს, ბელგოროდს, ლიპეცკს და სხვა რაიონებს დაარტყეს (ფოტო/ვიდეო)