ირანის მორიგი მუქარა - "სიონისტებს ეს შეცდომა ძვირად დაუჯდებათ - ისინი იმ მდგომარეობაში არ არიან, რომ ირანის წინააღმდეგ ომი დაიწყონ"

სიონისტები იმ მდგომარეობაში არ არიან, რომ ირანის ისლამური რესპუბლიკის წინააღმდეგ ომი დაიწყონ , - ამის შესახებ ირანის საგარეო საქმეთა მინისტრის მოვალეობის შემსრულებელმა, ალი ბაგერმა განაცხადა.

"სიონისტები იმ მდგომარეობაში არ არიან, რომ ირანის ისლამური რესპუბლიკის წინააღმდეგ ომი დაიწყონ. მათ ამისთვის არც შესაძლებლობა აქვთ და არც ძალა“, - განაცხადა ალი ბაგერმა.

მისივე თქმით, ისრაელს დაძაბულობის, ომისა და კონფლიქტის სხვა ქვეყნებში გაფართოება სურს.

• "სიონისტების მიერ თეირანში ჩადენილი ქმედება სტრატეგიული შეცდომა იყო, რადგან მათ ეს ძვირად დაუჯდებათ“, - აღნიშნა ბაგერმა.

შეგახსენებთ, მიუხედავად იმისა, რომ თეირანში „ჰამასის“ ლიდერის, ისმაილ ჰანიეს მკვლელობის შესახებ ისრაელს კომენტარი არ გაუკეთებია, ირანი და „ჰამასი“ ჰანიეს მკვლელობაში ისრაელს ადანაშაულებენ და „ჰეზბოლასთან“ ერთად შურისძიების პირობას დებენ.

წაიკითხეთ ასევე:

• ირანმა შესაძლოა ისრაელზე თავდასხმის გადაწყვეტილებას გადახედოს - აშშ-სა და ირანს შორის მოლაპარაკებების რა დეტალები ხდება ცნობილი?
• "ისრაელმა შეერთებულ შტატებს აცნობა, რომ "ჰამასის“ ლიდერის მკვლელობის უკან ის იდგა" - რას წერს Washington Post-ი