პარტნიორები:
ავტორი:

"ჯერ კიდევ ვიღვიძებ ჯოჯოხეთური კოშმარისგან" - ამერიკელი ჟურნალისტი, რომელიც პუტინმა რუს პატიმრებში გაცვალა, რუსეთის ციხეში გატარებულ დღეებს იხსენებს

"ჯერ კიდევ ვიღვიძებ ჯოჯოხეთური კოშმარისგან" - ამერიკელი ჟურნალისტი, რომელიც პუტინმა რუს პატიმრებში გაცვალა, რუსეთის ციხეში გატარებულ დღეებს იხსენებს

ჟურნალისტმა ალსუ კურმაშევამ გასულ კვირას პატიმართა გაცვლის დროს, რუსული ციხიდან გათავისუფლება "კოშმარისგან გაღვიძებას" შეადარა.

47 წლის ამერიკის მოქალაქემ CNN-ის ჟურნალისტს, ჯეიკ ტეპერს განუცხადა, რომ “ჯოჯოხეთურ რუსულ ციხეში ყოფნის ცხრა თვის შემდეგ, როდესაც აშშ-ს მიწაზე დაბრუნდა, ახლა ისე ექცევიან, როგორც ადამიანს“.

  • "ჯერ კიდევ ვიღვიძებ იმ კოშმარისგან. შეგრძნება მქონდა, რომ 10 თვის წინ ჩამეძინა და ახლა ვიღვიძებ", - თქვა ორი შვილის დედამ აშშ-ში, ოჯახში დაბრუნების შემდეგ.

აშშ-ს მიერ მხარდაჭერილი ჟურნალისტი რუსეთში, გასული წლის ოქტომბერში დააკავეს და მას შემდეგ, რაც დამნაშავედ ცნეს რუსეთის არმიის შესახებ ცრუ ინფორმაციის გავრცელებაში, 6,5 წლით თავისუფლების აღკვეთა მიუსაჯეს.

თუმცა, ბრალდებები კატეგორიულად უარყვეს მან და მისმა დამსაქმებელმა მედიამ.

კურმაშევა საბოლოოდ გასულ ხუთშაბათს Wall Street Journal-ის რეპორტიორ ევან გერშკოვიჩთან და თანამემამულე ამერიკელ პოლ უელანთან ერთად გაათავისუფლეს. ეს იყო “ცივი ომის“ შემდეგ ყველაზე დიდი პატიმრების გაცვლის პროცესი, რომელიც შედგა.

ჟურნალისტთან საუბრისას კურმაშევამ გაიხსენა, რომ თავდაპირველად “არ იცოდა რა ხდებოდა“. როგორც დაკავებულმა გაიხსენა, ავტობუსშივე იცნო გერშკოვიჩი, მაგრამ მათ საუბარი ვერ შეძლეს.

  • ”ჩვენ უბრალოდ მივესალმეთ ერთმანეთს. ერთმანეთს ფოტოებით ვიცნობდით. პირველად ამერიკულ თვითმფრინავში ვისაუბრეთ, სადაც ანკარაში გადავსხედით. როდესაც აშშ-ს თვითმფრინავში ვიყავი, ნამდვილად მჯეროდა, რომ რაღაც მაგიურის მსგავსი ხდებოდა. ის, რასაც თვეების განმავლობაში ველოდი. თუმცა, სანამ ჩემი ოჯახი არ დავინახე, არ მჯეროდა, რომ თავისუფალი ვიყავი“, - თქვა კურმაშევამ.

რუსეთში დაკავებული კურმაშევა, გერშკოვიჩი და უელანი აშშ-ში ოჯახებთან გასულ კვირას ჩავიდნენ. მათ დახვდნენ პრეზიდენტი ბაიდენი და ვიცე პრეზიდენტი კამალა ჰარისი.

თურქეთის ეროვნული სადაზვერვო ორგანიზაციის (MIT) ცნობით, ანკარაში რუსეთსა და დასავლეთს შორის 26 დაკავებული პირის გაცვლა მოხდა.

მათი ინფორმაციით, ეს რუსეთსა და დასავლეთის ქვეყნებს შორის დაკავებულების “ბოლო დროის ყველაზე მასშტაბური” გაცვლაა, რომლის ფარგლებში 26 დაკავებული გაათავისუფლეს, რომლებიც შვიდი სხვადასხვა ქვეყნის საპატიმროებში იმყოფებოდნენ - აშშ-ში, გერმანიაში, პოლონეთში, სლოვენიაში, ნოერვეგიაში, რუსეთსა და ბელარუსში.

“გაცვლის ოპერაციის ფარგლებში 10 დაკავებული, მათ შორის ორი ბავშვი, რუსეთს გადაეცა, 13 დაკავებული - გერმანიას, სამი დაკავებული - აშშ-ს”, - ნათქვამია განცხადებაში. თურქეთის ეროვნულმა სადაზვერვო სააგენტომ (MIT) განაცხადა, რომ კოორდინაციას უწევს პატიმრების გაცვლას.

იხილეთ ასევე:

ტეგები თემაზე: