"ღონისძიების დროს ალამ და მაქსიმმა იჩხუბეს" - რა მოხდა იურმალაში: რუსული მედია პრიმადონას და გალკინის ახალ სკანდალზე წერს

რუსი შოუმენი მაქსიმ გალკინი და მომღერალი ალა პუგაჩოვა სკანდალში გაეხვნენ. ცოტა ხნის წინ წყვილი იურმალაში Laima Vaikule Rendezvous-ის ფესტივალზე იმყოფებოდნენ. ღონისძიების დროს ალამ და მაქსიმმა იჩხუბეს.

• მედიის ინფორმაციით, ერთ საღამოს იურმალაში წვიმა დაიწყო. გალკინმა ქოლგა გაშალა, რომ არ დასველებულიყო. ალამ ქმარს სთხოვა, ქოლგა მასთან უფრო ახლოს მიეტანა, რაზეც კაცმა უარი განაცხადა.

”შენ თავზე ქუდი გახურავს და მე არა, მე სცენაზე უნდა ავიდე”, - უსიამოვნო ტონით უთხრა გალკინმა.

ქმრის სიტყვების მოსმენის შემდეგ პრიმადონა გაჩუმდა და მეუღლისთვის ზედ აღარ შეუხედავს.

შეგახსენებთ, ცოტა ხნის წინ, რუსულ მედიაში გავრცელდა ინფორმაცია, რომ ალა პუგაჩოვა რუსეთში დაბრუნებას და სოლო კონცერტის გამართვას გეგმავს.

კრემლთან დაახლოებული მედიის ცნობით, ეს იქნება ერთკვირიანი ვიზიტი სამშობლოში და კონცერტების სერია აგვისტოს ბოლოს გაიმართება. პუგაჩოვა და მისი გუნდი კონცერტებისთვის ადგილებს უკვე არჩევენ.

თუმცა როგორც გალკინი ჟურნალისტებთან აცხადებს, ინფორმაცია ტყუილია.

"ზღაპარია თავიდან ბოლომდე. საიდან გაუჩნდათ აზრი, რომ ალა რუსეთში მიდის? როგორ მოიფიქრეს ეს?" - განაცხადა გალკინმა.