მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ისრაელელ ჯარისკაცში გაცვლილი ტყვე, "ტოპ ტერორისტი"... - ვინ არის “ჰამასის“ ახალი ლიდერი, იაჰია სინვარი
11:09 / 07-08-2024
ცოტა ხნის წინ მოკლული "ჰამასის" ლიდერის, ისმაილ ჰანიეს ნაცვლად დაჯგუფების პოლიტბიუროს ახალი ხელმძღვანელი იაჰია სინვარი გახდა. ფაქტს უკვე გამოეხმაურა ისრაელის ხელისუფლება და მისი გადაყენება მოითხოვა.
“ისლამური წინააღმდეგობის მოძრაობა “ჰამასი“ აცხადებს, რომ იაჰია სინვარი მოძრაობის პოლიტიკური ფრთის ხელმძღვანელად აირჩიეს “, - ნათქვამია ჯგუფის განცხადებაში სამშაბათს.
სინვარი ღაზას სექტორში დაჯგუფების ლიდერი 2017 წლიდან არის, მანამდე ის სამჯერ იმყოფებოდა ისრაელის ციხეში. ბოლოს კი უვადო პატიმრობა ჰქონდა შეფარდებული, თუმცა გათავისუფლება მხოლოდ იმის გამო მოახერხა, რომ იყო ერთ-ერთი იმ ათასი ტყვედან, რომლებიც ისრაელმა ისრაელელი ჯარისკაცის გილად შალიტის სანაცვლოდ გაათავისუფლა.
მრავალი ანალიტიკოსის აზრით, სინვარი გასული წლის 7 ოქტომბერს ისრაელზე კოორდინირებული თავდასხმების სერიის მთავარი ორგანიზატორი და სტრატეგი იყო, როდესაც დაახლოებით 1200 ადამიანი დაიღუპა.
მისი ზუსტი ადგილმდებარეობა უცნობია, მაგრამ გავრცელებულია მოსაზრება, რომ ის, სავარაუდოდ, კვლავ იმ სექტორში იმალება, სადაც ისრაელის ჯარები მე-11 თვეა იბრძვიან.
სიახლეს გამოეხმაურა ისრაელის საგარეო საქმეთა მინისტრი:
- "ტოპ ტერორისტის იაჰია სინვარის დანიშვნა “ჰამასის“ ახალ ლიდერად, კიდევ ერთი დამაჯერებელი მიზეზია იმისა, რომ რაც შეიძლება მალე უნდა მოისპოს ეს ბოროტი ორგანიზაცია“, - დაწერა მან სოციალურ მედია X-ში.
"სასტიკი, ცბიერი და გამჭრიახი" – ვინ არის “ჰამასის“ ახალი ლიდერი იაჰია სინვარი?
იაჰია სინვარი 1962 წელს ღაზას სექტორში დაიბადა. ის არის ჰამასის უსაფრთხოების სამსახურის დამფუძნებელი, რომელიც ცნობილია როგორც Majd. ფრთა მართავს შიდა უსაფრთხოების საკითხებს, იძიებს ეჭვმიტანილ ისრაელის აგენტებსა და თვალყურს ადევნებს ისრაელის დაზვერვის, უსაფრთხოების სამსახურის ოფიცრებს. სინვარი სამჯერ დააკავეს. 1988 წელს მესამე დაპატიმრების შემდეგ მას მიესაჯა ოთხი უვადო პატიმრობა.
თუმცა, ის იყო 1027 პალესტინელ და ისრაელელ არაბ პატიმარს შორის, რომელიც ისრაელმა ტყვედ მყოფი ისრაელელი ჯარისკაცის სანაცვლოდ გაათავისუფლა.
2015 წლის სექტემბერში შეერთებულმა შტატებმა სინვარის სახელი “საერთაშორისო ტერორისტების“ შავ სიაში შეიტანა. სინვარი 2017 წელს დაინიშნა ჯგუფის პოლიტიკური ბიუროს ხელმძღვანელად ღაზას სექტორში.
განათლება
61 წლის სინვარი, საყოველთაოდ ცნობილი როგორც აბუ იბრაჰიმი, დაიბადა ხან იუნის ლტოლვილთა ბანაკში ღაზას სექტორის სამხრეთ ნაწილში. მისი მშობლები წარმოშობით აშკელონიდან იყვნენ.
ის სწავლობდა ხან იუნის ვაჟთა საშუალო სკოლაში და მოგვიანებით დაამთავრა ღაზას ისლამური უნივერსიტეტი არაბული ენის ბაკალავრის ხარისხით.
ისრაელელებმა სინვარი პირველად 1982 წელს 19 წლის ასაკში “ისლამური საქმიანობისთვის“ დააკავეს, ხოლო მეორედ 1985 წელს. დაახლოებით ამ პერიოდში მან მოიპოვა ჰამასის დამფუძნებლის შეიხ აჰმედ იასინის ნდობა.
1987 წელს ჰამასის დაარსებიდან ორი წლის შემდეგ მან შექმნა შიდა უსაფრთხოების ორგანიზაცია ალ-მაჯდი - მაშინ მხოლოდ 25 წლის იყო. მოგვიანებით მისი ყოფილი თანამებრძოლები აცხადებდნენ, რომ ორგანიზაცია ალ-მაჯდი ისრაელთან თანამშრომლობაში იყო ეჭვმიტანილი. სინვარს კი უამრავი ადამიანი სასტიკად ჰყავდა მოკლული.
სასტიკი დისციპლინა
როდესაც სინვარი ღაზაში დაბრუნდა, იგი მაშინვე მიიღეს ლიდერად. ეს დიდწილად განპირობებული იყო მისი, როგორც “ჰამასის“ დამაარსებლის პრესტიჟით, რომელმაც თავისი ცხოვრების ამდენი წელი ისრაელის ციხეებში გაატარა.
- “ხალხს ეშინოდა მისი - ბოლოს და ბოლოს, ეს არის ადამიანი, ვინც საკუთარი ხელით კლავდა ხალხს. ის იყო ძალიან მოძალადე, აგრესიული და ამავე დროს ქარიზმატული“, - წერს bbc.
2013 წელს აირჩიეს ჰამასის პოლიტბიუროს წევრად ღაზას სექტორში, 2017 წელს კი მისი ხელმძღვანელი გახდა.
ისრაელის თავდაცვისა და უსაფრთხოების მრავალი ოფიციალური პირი თვლის, რომ სინვარის ციხიდან გათავისუფლება, როგორც ტყვეთა გაცვლის ნაწილი, საბედისწერო შეცდომა იყო.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
