სპორტსმენი, რომელსაც ოლიმპიური ოცნების ასრულებაში ხელი საკუთარმა სხეულმა შეუშალა - ინტერნეტვარსკვლავად ქცეული ფრანგი დუმილს არღვევს
წლევანდელ პარიზის ოლიმპიადაზე კიდევ ერთი სპორტსმენი, რომელიც მსოფლიოს ყურადღების ცენტრში მოექცა - ფრანგი ჭოკით მხტომი ენტონი ამირატია.
21 წლის ამირატი 5.70 მეტრის დაძლევას ცდილობდა, როდესაც მისი პენისი ბარიერს გამოედო და სწორედ ასეთი ფორმით დამარცხდა.
ინტერნეტში გავრცელდა კადრები, სადაც ჩანს, რომ იმედგაცრუებული სპორტსმენი გაბრაზებული ტოვებს მოედანს. თუმცა, სწორედ ამ შემთხვევის გამო გახდა ის ინტერნეტ ვარსკვლავი.
- "მან წააგო, თუმცა ყველაზე დიდი გამარჯვებულია...
- ძმამ ყველა ქალის გული მოინადირა...
- სანუკვარი ოცნების ასრულებას ხელი საკუთრმა პენისმა შეუშალა“ - წერენ ხუმრობით სოციალური ქსელის მომხმარებლები.
სპორტსმენი მარცხის შემდეგ დუმილს ინარჩუნებდა. თუმცა ცოტა ხნის წინ TikTok- ზე სახალისო ვიდეო გაავრცელა და მომხდარს თავადაც იუმორით გამოეხმაურა.
ის ბუფეტში, ჩაფიქრებული სახით საკვებს მიირთმევს:
"როდესაც შეფუთვით უფრო მეტ ხმაურს იწვევ, ვიდრე წარმოდგენით“, - წერია აღწერაში.
თუმცა, როგორც ამირატმა ცოტა ხნის წინ საფრანგეთის მძლეოსნობის ფედერაციას განუცხადა, მომხდარის გამო ის ძალიან წუხს.
"ეს დიდი იმედგაცრუებაა. ხტომა დამაკლდა. ფიზიკურად 100 პროცენტით მზად ვიყავი, მაგრამ... პირობები ძალიან კარგი იყო. პირველად დავიწყე კონკურსი ყოველგვარი სტრესის გარეშე“, - განაცხადა მან.
ფრანგ ჭოკით მხტომს, ხმაურიან შემთხვევამდე ორი სიმაღლე ჰქონდა მოხსნილი. საბოლოოდ, მან A ჯგუფში 5.60 სიმაღლით მე-12 ადგილი დაიკავა.
იხილეთ ასევე:
- მსოფლიოს ახალი "ქრაში", ზედმეტსახელად "ზვიგენი" - ვინ არის რეკორდსმენი მოცურავე, რომელიც გარეგნობის გამო სუპერ პოპულარული გახდა
- "თურქეთმა ოლიმპიადაზე "ჰითმენი" გაგზავნა?" - როგორ იქცა 51 წლის მსროლელი ოლიმპიადის ვარსკვლავად და რას წერს მასზე ილონ მასკი?
- როცა პოლიტიკოსები "იბუტებიან", მაგრამ ხალხი - არა - ჩრდილოეთ და სამხრეთ კორეელი სპორტსმენების მეგობრული "სელფის" ისტორია (ვიდეო)