ჩინელმა მეცნიერებმა მთვარის აქამდე შეუსწავლელ ნიადაგში წყლის მოლეკულები აღმოაჩინეს - რას ცვლის უახლესი კვლევა კაცობრიობისთვის
მას შემდეგ, რაც ჩინელმა მეცნიერებმა მთვარიდან დაბრუნებული ჩინური ზონდის, Chang'e-5 -ის მიერ ჩამოტანილი ნიადაგის ნიმუშები გააანალიზეს, გასაოცარი აღმოჩენის შესახებ განაცხადეს. მათი თქმით, კვლევის შედეგად, მთავრის ნიადაგში მინერალებთან ერთად წყლის მოლეკულებიც აღმოაჩინეს.
როგორც მეცნიერები ამბობენ, “ეს უკანასკნელი აღმოჩენა არის პირველი შემთხვევა, როდესაც წყალი მისი მოლეკულური ფორმით- H2O, ფიზიკურ ნიმუშებში იქნა ნაპოვნი - და, რაც მთავარია, ის ამოღებულია მთვარის ნაწილიდან, სადაც ადრე ეგონათ, რომ წყალი ამ ფორმით ვერ იარსებებდა.“
- მკვლევრებმა ყურადღებით დაათვალიერეს ჩინეთის Chang'e-5 ზონდის მიერ შეგროვებული ნიმუშები, რომელიც მთვარის ზედაპირზე 2020 წელს დაეშვა და აღმოაჩინეს "პრიზმული, ფირფიტის მსგავსი გამჭვირვალე კრისტალი" - " უცნობი მთვარის მინერალი“, რომელსაც უწოდეს ULM-1.
კვლევის შედეგები ჟურნალში Nature Astronomy 16 ივლისს გამოქვეყნდა.
კვლევის მიხედვით, ULM-1 კრისტალი (ქიმიური ფორმულით (NH4)MgCl3·6H2O) ამიაკის ნაჭრებით, რომლებიც სტაბილურად ინარჩუნებენ H2O მოლეკულებს მთვარეზე, დაახლოებით 41% წყლისგან შედგება.
ჩინეთი ისწრაფვის, რომ დომინანტური კოსმოსური ძალა გახდეს - მათი მიზანი მთვარეზე კვლევითი ბაზის აშენებაა.
ჰონკონგის უნივერსიტეტის პლანეტარული გეოლოგის იუკი ციანის თქმით, არსებობს სამი სახის წყალი, რომელიც შეიძლება მთვარეზე არსებობდეს.
არსებობს წყლის მოლეკულების, ნაერთი, რომელსაც ჩვენ ვიცნობთ როგორც H2O - მისი გაყინული ფორმა. თუმცა, ასევე არსებობს წყლის ახლო ნათესავი - მოლეკულური ნაერთი, რომელსაც ეწოდება ჰიდროქსილი.
- ჩინეთის Chang'e-5 ზონდის მიერ მოპოვებული ნიმუშები მოვიდა მთვარის შუა განედიდან, 43,1 გრადუსის განედზე - ტერიტორია, რომელიც ჩვეულებრივ “არასტაბილურია მოლეკულური წყლისთვის“. ნიმუშებში ამონიუმი აღმოაჩინეს, რომელიც წყლის მოლეკულების სტაბილიზატორის როლს ასრულებდა.
ეს მექანიზმი ასევე ადასტურებს NASA-ს 2020 წლის დასკვნებს, როდესაც მისმა SOFIA ტელესკოპმა დააფიქსირა წყლის კვალი მთვარის ზედაპირზე.
”ვფიქრობ, ახალ აღმოჩენას აქვს დიდი პოტენციალი, ჩვენ შეგვიძლია მოლეკულური წყლის ამოღება პირდაპირ მთვარის ნიადაგიდან. ვფიქრობ, ეს არის ახალი მექანიზმი, რათა მოლეკულური წყალი მთვარის ზედაპირზე სტაბილური გახდეს,” - თქვა ციანმა.
იხილეთ ასევე: