ყაჩაღობა ზუგდიდის მუნიციპალიტეტში - სოფელ ნაწულუკუში ერთ-ერთ ოჯახს თავს რამდენიმე ადამიანი დაესხა
ზუგდიდის მუნიციპალიტეტის სოფელ ნაწულუკუში გვიან ღამით ყაჩაღობა მოხდა. არსებული ინფორმაციით, რამდენიმე დაუდგენელი პირი ერთ-ერთი ადგილობრივის საცხოვრებელ სახლში შეიჭრა. მეზობლების ინფორმაციით, ნაცემია ოჯახის მამაკაცი, რომელიც სხვადასხვა სახის დაზიანებით კლინიკაში გადაიყვანეს. მათივე თქმით, დაზარალებულის სახლიდან წაღებულია მობილური ტელეფონი და გარკვეული რაოდენობის თანხა.
როგორც "ინტერპრესნიუსს“ შსს-ში განუცხადეს, მომხდარზე გამოძიება სსკ-ის 179-ე მუხლით მიმდინარეობს, რაც ყაჩაღობას გულისხმობს.