მნიშვნელოვანი ინფორმაცია
29
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პირველი გამოცდა ახალი პრემიერისთვის - ბავშვების მკვლელობის გამო დაწყებული პროტესტი უმართავ ქაოსში გადაიზარდა: რა ხდება ბრიტანეთში (ფოტო/ვიდეო)
12:20 / 06-08-2024
დიდ ბრიტანეთში, ცეკვის გაკვეთილზე ცივი იარაღით მოკლული სამი მცირეწლოვანი გოგონას მკვლელობის გამო დაწყებული არეულობა, დღემდე გრძელდება.
ამ დროისთვის, ქუჩაში გამოსული 400-მდე ადამიანი დააკავეს.
“ველით, რომ ეს რიცხვი ყოველდღიურად გაიზრდება, რადგან პოლიციელები მონაწილეთა იდენტიფიცირებას და დამნაშავეთა დაკავებას განაგრძობენ“, - განაცხადა დიდი ბრიტანეთის ეროვნული პოლიციის მეთაურთა საბჭოს ხელმძღვანელმა, გევინ სტივენსმა.
- გასული კვირის ორშაბათს, ქალაქ საუთპორტში ცეკვის სკოლაში დანით შეიარაღებული პირის თავდასხმის შედეგად, სამი ბავშვი დაიღუპა. სამართალდამცავებმა 17 წლის თავდამსხმელი ბიჭი დააკავეს. პოლიციის ცნობით, დიდ ბრიტანეთში არეულობა მას შემდეგ დაიწყო, რაც სოციალურ ქსელში თავდამსხმელის ვინაობის შესახებ ინფორმაცია გავრცელდა, რომ ის რადიკალი ისლამისტი მიგრანტი იყო.
ქალაქ საუთპორტში მიმდინარე ძალადობრივი არეულობის გამო, დაუნინგ სთრითში საგანგებო რეაგირების შეხვედრის გამართვა იგეგმება.
გამძლეობის ტესტი ახალი პრემიერისთვის
14-წლიანი კონსერვატიული მმართველობის შემდეგ, ხელისუფლებაში “ლეიბორისტული პარტია“ დაბრუნდა. ახალი პრემიერ-მინისტრი კიმ სტარმერი ამომრჩევლებს დაჰპირდა, რომ პოლიტიკაში დააბრუნებდა პატიოსნებას, ხოლო ქვეყანაში მიგრანტთა პრობლემებსაც მოაგვარებდა.
- თუმცა არეულობამ ახალი მთავრობის “თაფლობის თვე“ დროზე ადრე შეწყვიტა. მიუხედავად იმისა, რომ სტარმერი მხოლოდ ერთი თვეა, რაც ხელისუფლებაშია, ოპოზიცია მას უმოქმედობაში უკვე ადანაშაულებს.
მან გუშინ საზოგადოებას სიტყვით მიმართა და მკაცრად დაგმო თავდასხმა როტერჰემში მდებარე სასტუმროზე, სადაც თავშესაფრის მაძიებლები ცხოვრობენ და პირობა დადო, რომ არეულობაში მონაწილე პირებს კანონის მთელი ძალით დაუპირისპირდებიან.
ამასთანავე, პოლიციამ უპასუხა ძალადობრივ სცენებს ტამუორთში, მიდლსბროში, ბოლტონში, ჰალსა და ვეიმუთში. გაერთიანებული სამეფოს პრემიერ-მინისტრმა პირობა დადო, რომ გააკეთებს ყველაფერს, რაც საჭიროა “ამ ავაზაკების მართლმსაჯულების წინაშე წარსადგენად“.
პროტესტი გრძელდება ბირმინგემსა და პლიმუთში
- ქალაქები ქაოსმა მოიცვა - მომრავლდა ძალადობისა და ძარცვის შემთხვევები. მაღაზიები და სუპერმარკეტები დროზე ადრე იხურებიან, რადგან პოლცია მათ დაცვას ვერ ახერხებს.
ოქსფორდის უნივერსიტეტის თანამშრომლები და სტუდენტები გააფრთხილეს, თავი შეიკავონ კარფაქსის კოშკის მიმდებარე ტერიტორიაზე გადაადგილებისგან. ამასთან, ქუჩებში ასობით მუსლიმი გამოვიდა, რომლებიც ეწინააღმდეგებიან ულტრამემარჯვენეების შეკრებას. პოლიცია იძიებს თავდასხმებისა და დარბევის უამრავ საქმეს.
შეგახსენებთ, ორშაბათს, ქალაქ საუთპორტში ცეკვის სკოლაში დანით შეიარაღებული პირის თავდასხმის შედეგად, სამი ბავშვი დაიღუპა. სამართალდამცავებმა 17 წლის თავდამსხმელი ბიჭი დააკავეს.
თავდასხმის შემდეგ დაწყებული პროტესტი გაერთიანებულ სამეფოში უკვე რამდენიმე დღეა გრძელდება და სამართალდამცავებმა დღემდე 150-ზე მეტი ადამიანი დააკავეს.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გამარჯვება პირველივე წუთებზე - ილია თოფურიამ ოლივიერა ნოკაუტში ჩააგდო და ჩემპიონი გახდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
