“ახლო აღმოსავლეთში დაძაბულობა მწვავდება და უცნობი მასშტაბის ომის ზღვარზე აყენებს“ - ჯოზეფ ბორელი
“ახლო აღმოსავლეთში დაძაბულობა მწვავდება, რაც მას უცნობი მასშტაბის ომის ზღვარზე აყენებს“, - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი სოციალურ პლატფორმა X-ზე წერს.
“ჩვენ ყველამ უნდა ავიცილოთ თავიდან მორიგი კატასტროფა. წინსვლის გზა ძირითადად კონსენსუალურია: ცეცხლის შეწყვეტა ღაზაში, ახლავე. ყველამ, ვინც ესკალაციის გზას ადგას, პასუხი უნდა აგოს“, - აცხადებს ბორელი.
შეგახსენებთ, ახლო აღმოსავლეთის რეგიონში დაძაბულობა ბეირუთში “ჰეზბოლას“ მეთაურის, ფუად შუკრისა და თეირანში “ჰამასის“ ლიდერის, ისმაილ ჰანიეს მკვლელობის შემდეგ გაიზარდა. ირანი და “ჰამასი“ ჰანიეს მკვლელობაში ისრაელს ადანაშაულებენ და “ჰეზბოლასთან“ ერთად შურისძიების პირობას დებენ.
იხილეთ ასევე: