"ისრაელზე თავდასხმა განხორციელდება" - რა გზავნილი მიიღო ისრაელმა ირანისგან
უნგრეთის საგარეო საქმეთა მინისტრმა, პიტერ სიიარტომ ისრაელელ კოლეგას, ისრაელ კაცს გადასცა გზავნილი ირანის საგარეო საქმეთა მოქმედი მინისტრისგან, ალი ბაღერისგან, რომ ირანმა ისრაელზე თავდასხმის გადაწყვეტილება მიიღო, - ინფორმაციას The Jerusalem Post-ი ავრცელებს.
"ირანმა გვაცნობა, რომ აპირებს ისრაელზე თავდასხმას“, - განაცხადა კაცმა და დასძინა, რომ "მსოფლიომ უნდა მოითხოვოს ფასი ირანისგან ნებისმიერი აგრესიული ქმედებისთვის, რომელსაც ის განახორციელებს“.
სიიარტომ, თავის მხრივ, "ფეისბუქზე“ დაადასტურა, რომ ისრაელისა და ირანის საგარეო საქმეთა მინისტრებს ტელეფონით ესაუბრა.
"უნგრეთის პოზიცია ნათელია: არ შეგვიძლია დავუშვათ, რომ ისრაელმა კიდევ ერთი ტერორისტული თავდასხმა განიცადოს, მაგრამ, ამავე დროს, ყველაფერი უნდა გავაკეთოთ იმისათვის, რომ არ დავუშვათ დიდი რეგიონული ომის დაწყება“, - განაცხადა სიიარტომ.