მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკრაინელ ბავშვებს ქართველი საზოგადოების მხარდაჭერა სჭირდებათ
16:16 / 05-08-2024
"ძვირფასო მეგობრებო, გვჭირდება თქვენი მხარდაჭერა! გადავწყვიტეთ, ომში დაღუპული მეომრების შვილები, რეაბილიტაციის მიზნით, დედებთან ერთად დავასვენოთ საქართველოში. მათ შორის იქნებიან ომში დაინვალიდებული პატარებიც. მგზავრობის ხარჯებს, საქართველოსკენ და უკან, გადავიხდით ჩვენ. ჩვენი თხოვნაა დააბინაოთ და გამოკვებოთ ბავშვები. მივმართავთ სასტუმროს მფლობელებს, სამთავრობო და არასამთავრობო ორგანიზაციებს, კერძო პირებს, ოჯახებს და ყველას, ვინც გულგრილი არაა, მხარი დაგვიჭიროს, რათა გავუადვილოთ პატარებს ფსიქოლოგიური რეაბილიტაციის პროცესი. მჯერა, რომ ჩემი სამშობლო 10-14 დღით გამიბედნიერებს დაჩაგრულ პატარა უკრაინელებს. წინასწარ გიხდით მადლობას. ძალა ერთობაშია!“ - ეს პოსტი სოციალურ ქსელში გამოაქვეყნა გაგა კიკნაძემ, რომელიც უკრაინაში საემიგრაციო სამსახურის პრესსამსახურის უფროსია. ambebi.ge უფრო მეტის გასაგებად გაგა კიკნაძეს დაუკავშირდა.
- ჩემი სტატუსის მიზანი ის გახლავთ, რომ გვინდა, დავეხმაროთ იმ ჯარისკაცების შვილებს, რომლებიც ომში დაიღუპნენ. სურვილი გვაქვს, ბავშვები გარემოს შესაცვლელად, 10-14 დღით საქართველოში გავუშვათ. ამისთვის ვეძებთ პარტნიორებს, ადამიანებს, ვინც ამ იდეის განხორციელებაში დაგვეხმარება. მათ შორის, შესაძლოა, იყვნენ დაინვალიდებული ბავშვებიც. პატარები გვინდა, გამოვუშვათ დედებთან ერთად. ჩვენი მხრიდან შევძლებთ საკუთარ თავზე ავიღოთ მათი მგზავრობის, დოკუმენტების მოგვარების, მინდობილობის, დაზღვევის საკითხები, რაც ამისთვის საჭიროა. მოხარული ვიქნებით, თუ მიმღები მხარე ამ ადამიანების მიღებას, დაბინავებას და კვებას შეძლებს.
- რა რაოდენობის ბავშვზეა აქ ლაპარაკი და უკვე იცით მათი ვინაობა?
- ამ ეტაპზე ვადგენთ სიებს და ბავშვებს მშობლებთან ერთად გასაუბრებას ვუტარებთ. ყველას შევხვდებით, დაველაპარაკებით და მათ საქართველოში ასე გამოვუშვებთ. ამ ყველაფერზე პასუხისმგებელი ჩვენ ვიქნებით. შეიძლება 100 ბავშვი იყოს ან 100-ზე მეტი. როგორც გითხარით, ჯერჯერობით განცხადებების მიღების და გასაუბრების პროცესში ვართ.
- როდისთვის გინდათ, მათი საქართველოში გამომგზავრება?
- აგვისტოზე პრეტენზია არ გვაქვს, რადგან ვიცით, რომ აგვისტო ცხელი სეზონია. სავარაუდოდ, სექტემბერ-ოქტომბერში, როდესაც შედარებით ჩაცხრება საკურორტო სეზონი, სასტუმროებსა თუ დასასვენებელ სახლებში ადგილები შედარებით გათავისუფლდება. ერთი ვარიანტი ის არის, რომ ბავშვები მშობლებთან ერთად გამოვუშვათ, მეორე თუ მშობლებისთვის საშუალება არ გამოიძებნება, ბავშვები გარკვეულ ჯგუფებად დავყოთ და ისინი ხელმძღვანელებთან ერთად გამოვუშვათ - ალბათ ჯგუფზე 2-3 ადამიანი იქნება. თუმცა იმ პატარებს, რომლებსაც ინვალიდობა ექნებათ, მათ დედებს ვერ დავაცილებთ. საერთოდ, აქ ლაპარაკია 9-დან 14 წლამდე ბავშვებზე. ვიმეორებ, ჩვენი მთავარი მიზანია, ამ ბავშვების დასვენება, გარემოს შეცვლა და სახალხო დიპლომატია. ისინი საქართველოში რომ ჩამოვლენ, იმაზე შემდეგ ხომ ყველგან ილაპარაკებენ, საქართველომ როგორ მიიღო, როგორი თანადგომა და მეგობრობა გაუწია. ამასთანავე, ეს ინტეგრაციაც იქნება, - ქართველი და უკრაინელი თანატოლები ერთმანეთს გაიცნობენ.
- სად გინდათ, რომ დაასვენოთ?
- შეიძლება ზღვა, ან - მთა იყოს - ბორჯომი, ბაკურიანი, ნუნისი - ნებისმიერი ადგილი. რაც მთავარია, ფეშენებელურ სიტუაციებს არ ვითხოვთ. მთავარია იყოს ადგილი, სადაც ფსიქოლოგიურად განტვირთვას შეძლებენ.
- საქართველოში ადგილობრივ მთავრობასთან, რომელიმე პარტიასთან, არასამთავრობო ორგანიზაციასთან ხომ არ გქონიათ კომუნიკაცია?
- კონტაქტი გვქონდა პარტია "ლელოს“ წარმომადგენლებთან. რაც ომი დაიწყო, მათ რაღაც პროგრამა ჰქონდათ, უკრაინიდან ბავშვები ჩამოჰყავდათ და საქართველოში ასვენებდნენ. წელს ჯერ არცერთი ასეთი ღონისძიება არ ჩაუტარებიათ. მოკლედ, მათ ველაპარაკეთ და მზად არიან საკუთარ თავზე აიღონ ამ პროექტის გარკვეული ნაწილი. ამდენად, მათთვის უარი არ გვითქვამს და ალბათ მათთან ვითანამშრომლებთ. თუმცა დამატებით, კიდევ ვეძებთ სხვა საშუალებებს, რომ რაც შეიძლება ბევრი ბავშვის გამოშვება შევძლოთ. მხარდაჭერა გვჭირდება.
P.S. სტატიის გამოქვეყნებამდე, გაგა კიკნაძემ გაგვაგებინა, რომ გამოჩნდნენ ადამიანები, ვინც კვებას და ბავშვთა გასართობ პროგრამებს უზრუნველყოფენ. ახლა მხოლოდ მათთვის საცხოვრებელის გამოძებნაა საჭირო. უკრაინელ ბავშვებს ქართველი საზოგადოების მხარდაჭრა სჭირდებათ.
მსურველებმა დარეკეთ ნომერზე: +38 093 157 11 45
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
