ყოფილი სამხედრო, რომელსაც უყვარს ცეკვა და ცხოველები: როგორია ინტერნეტვარსკვლავად ქცეული თურქი სპორტსმენის ცხოვრება - "ის მარტოხელაა, ჰყავს ქალიშვილი"

პარიზის 2024 წლის ოლიმპიადის ერთ-ერთი ვარსკვლავი იუსუფ დიკეჩია, კაცი, რომელიც ვერცხლის მედალოსანი გახდა. თუმცა, ეს ის არ არის, რისთვისაც ის მსოფლიოში მილიონობით ადამიანმა დაიმახსოვრა. თურქმა სპორტსმენმა მედიის ყურადღება პირველ რიგში, იმიჯის გამო მიიქცია.

დიკეჩი უნიკალური სტილითა და უჩვეულო გარეგნობით მყისიერად გახდა სოციალური მედიის ვარსკვლავი და "მემეების" გმირი.

51 წლის მსროლელი ოლიმპიადაზე დაჭმუჭნული ნაცრისფერი მაისურით გამოვიდა. სროლისას მას არ გამოუყენებია დამატებითი ოპტიკურ მოწყობილობა, მხოლოდ მხედველობის სათვალე ეკეთა, მარცხენა ხელი ჯიბეში ჰქონდა.

იუსუფის მთავარი მიზანი არ ყოფილა მედლის მოგება. მან აღიარა, რომ სურდა ყოფილი მეუღლისთვის დაემტკიცებინა, რომ ის ამის ღირსი იყო.

"შერონ, თუ ამას ხედავ, მე ჩემი ძაღლი მინდა" - თქვა სპორტსმენმა.

ეს ამბავი სოციალურ ქსელში ვირუსულად გავრცელდა, თუმცა როგორც მოგვიანებით აღმოჩნდა, ერთ-ერთი ფანის მიერ დაწერილი ხუმრობა იყო. ამ ამბავში კი სიმართლე მხოლოდ ის არის, რომ ცოლს ნამდვილად გაშორებულია და ცხოვებელები უყვარს, თუმცა მას კატა ჰყავს და არა ძაღლი.

მაყურებელი გულგრილი არ დარჩენილა მისი გამოსვლის მიმართ. სოციალური ქსელი სახალისო კომენტარებით გაივსო: "კაცი, რომელიც მაღაზიაში პურის საყიდლად მიდიოდა და ოლიმპიადაზე მიიწვიეს“ - ხუმრობდნენ მომხმარებლები.

51 წლის იუსუფ დიკეჩმა თურქეთს ვერცხლის მედალი მოუტანა, რითაც თავის ქვეყანას ამ დისციპლინაში ისტორიულად პირველი ჯილდო გადასცა. თურქეთს აქამდე არასოდეს მოუგია ოლიმპიური მედალი სპორტულ სროლაში.

ვინ არის იუსუფ დიკეჩი

დიკეჩი სპორტის ამ სახეობით მას შემდეგ დაკავდა, რაც ჟანდარმერიის გენერალურ სარდლობაში კაპრალად მსახურობდა. ის მარტოხელაა, ჰყავს ქალიშვილი, უყვარს ცეკვა და კატა.

სპორტული კარიერა 2001 წელს დაიწყო, მოიგო ევროპისა და მსოფლიო ჩემპიონატები, ასევე მონაწილეობა მიიღო ხუთ ოლიმპიურ თამაშში (2008, 2012, 2016, 2020, 2024).

იუსუფ დიკეჩი დაიბადა 1973 წლის 1 იანვარს გოქსუნში, თურქეთში, რომელიც მდებარეობს კაჰრამანმარაშის პროვინციაში.

სპორტსმენი მშობლიური ქალაქის ანატოლიის ლიცეუმში ფიზიკური აღზრდისა და სპორტის სკოლაში სწავლობდა და სელჩუკის უნივერსიტეტის მაგისტრის ხარისხი მიიღო.

ტყვიის სროლა

2000-იანი წლებში, იგი არაერთხელ გახდა ცეცხლსასროლი იარაღის ევროპის ჩემპიონატის ვერცხლის მედალოსანი სამხედრო მოსამსახურეებს შორის, ერთი ნაბიჯი დააკლდა გამარჯვებისგან ბალკანეთისა და ხმელთაშუა ზღვის თამაშებზე (ამ უკანასკნელში მან მოახერხა თურქეთის რეკორდის მოხსნა).

თურქეთის ჟანდარმერიის გენერალური სარდლობის სპორტული კლუბის წევრი ოლიმპიურ თამაშებში 2008 წლიდან მონაწილეობს, მაგრამ პირველი ოლიმპიური მედლის მოპოვება მხოლოდ 16 წლის შემდეგ მოახერხა.

2024 წლისთვის მის მიღწევებშია შვიდი ოქროს მედალი ევროპის ჩემპიონატიდან, სამი მსოფლიო თასიდან და ორი მსოფლიო ჩემპიონატიდან, სამი ვერცხლის მედალი მსოფლიო თასიდან და 2 მსოფლიო ჩემპიონატიდან და ევროპის ჩემპიონატიდან. მან ასევე ორჯერ მოიპოვა ბრინჯაო ევროპის ჩემპიონატზე, მსოფლიო ჩემპიონატის ფინალში და მსოფლიო ჩემპიონატზე.

იუსუფ დიკეჩის პირადი ცხოვრება

მსროლელი (სიმაღლე 180 სმ და წონა 79 კგ) არ საუბრობს ღიად პირად ცხოვრებაზე. ინსტაგრამზე ძირითადად აქვეყნებს ფოტოებს შეჯიბრებიდან და ვარჯიშებიდან, ასევე კადრებს კოლეგებთან და მწვრთნელებთან ერთად. უყვარს მოგზაურობა და ჰყავს საყვარელი შინაური ცხოველი - ქარიზმატული კატა.

იუსუფ დიკეჩი ახლა

პარიზის ოლიმპიადა გახდა საიუბილეო, მეხუთე იუსუფ დიკეჩის ბიოგრაფიაში. ოლიმპიადაზე მან და მისმა თანაგუნდელმა შევვალ ილაიდა თარჰანმა მოიპოვეს ვერცხლის მედალი შერეულ გუნდურ შეჯიბრში და ფინალში დამარცხდნენ სერბ მეტოქეებთან.

როდესაც ოლიმპიადის შემდეგ იუსუფს ჰკითხეს, თუ რატომ არ იყენებდა შესაბამის აღჭურვილობას, განაცხადა:

"შეჯიბრებებზე ხანდახან მსაჯები მეკითხებოდნენ აღჭურვილობის შესახებ, რაზეც ვპასუხობდი: "მე არ მჭირდება ეს, რადგან დაბადებული ვარ მსროლელად, რაზეც იცინოდნენ.“

გამარჯვების შემდეგ, თურქულმა მედიამ სპორტსმენის 90 წლის დედასთან, ჰანიფე დიკეჩთან ინტერვიუ გამოაქვეყნა. ქალმა განაცხადა, რომ ის და მისი ქალიშვილი ბედნიერები აირან იუსუფის წარმატებით.

დედამ აღიარა, რომ ტელევიზიით შვილის გამოსვლას უყურა:

"ბედნიერი და ამაყი ვარ. კონკურსის შემდეგ ჩემმა შვილმა დარეკა, ტელეფონზე ვილაპარაკეთ. ბევრი ვერ ვესაუბრე, რადგან ასაკში ვარ. ჩემი ქალიშვილი ელაპარაკა. მე ვამაყობ იუსუფით, დაე, იცოცხლოს ჩვენმა ერმა.“

"ის ისეთივე მშვიდია, როგორც გამოსვლისას იყო..."

ოლიმპიელის და იუკსელ დიკეჩი ამბობს, რომ გული სწყდება, რომ მისმა ძმამ ოქრო ვერ აიღო: "გვიხარია ჩემი ძმის წარმატება. ოქროს მედალი 2 ქულით გამოგვრჩა, მაგრამ ვერცხლის მედალი მაინც მოვიგეთ. გული გვწყდება, რომ ოქროს მედალი ვერ მოვიგეთ".

იუქსელ დიკეჩის თქმით, ის ძმას შეჯიბრების დაწყებამდე და დასრულებისას ესაუბრა. "ის სულ არ ღელავდა, ისეთივე მშვიდი იყო, როგორც შეჯიბრის დროს. მისი გამოსვლისას, მასზე მეტად ვღელავდით. მოუთმენლად ველოდებით, როდის ჩამოვა...“