ტედი რინერმა, რომლის პროვოკაციის გამო გურამ თუშიშვილი ასპარეზობს გამოეთიშა, მესამე ოლიმპიური ოქრო მოიპოვა
პარიზის 2024-ზე ძიუდოისტთა ინდივიდუალური შეჯიბრის ბოლო ბრძოლაში ფრანგმა ტედი რინერმა კარიერაში მესამე ოლიმპიური ოქრო მოიპოვა. ფინალში რინერი კორეის რესპუბლიკის წარმომადგენელს, კიმ მინჯონგს დაუპირისპირდა და 35 წლის ათლეტმა შეხვედრა იპონით მოიგო.
ბრინჯაოს მედლები მოიპოვეს ტაჯიკმა თემურ რახიმოვმა და უზბეკმა ალიშერ იუსუპოვმა.
რინერი მსოფლიო ჩემპიონატის 11-ჯერ და ოლიმპიადის 3-ჯერ მოგების შემდეგ, შეიძლება ითქვას, რომ ყველა დროის საუკეთესო ძიუდოისტია, რომლის თქმითაც ის აქტიურ სპორტს ამ ოლიმპიადის შემდეგ ანებებს თავს.
სამწუხროდ, სწორედ ტედი რინერთან მომხდარი ინციდენტის გამო ქართველი ძიუდოისტი გურამ თუშიშვილი რეპეშაჟში მონაწილეობა ვერ მიიღო. ის ტურნირის მეოთხედფინალში რინერთან დამარცხდა, ტედის პრივოკაციულ ჟესტიკულაციას გურამმა აღელვებით უპასუხა, რაც არ გვაპატიეს და თუშიშვილი ოლიმპიადას გამოეთიშა. ძიუდოს საერთაშორისო ფედერაციის დისციპლინარული კომისიის შეფასებით, ქართველი ძიუდოისტის ქცევა ეწინააღმდეგებოდა ძიუდოს სულისკვეთებას. შედეგად თუშიშვილს, ძიუდოს ნებისმიერ საერთაშორისო შეჯიბრში მონაწილეობა ეკრძალება, სანამ ძიუდოს საერთაშორისო ფედერაციის დისციპლინური კომისია საბოლოო გადაწყვეტილებას არ მიიღებს.
იხილეთ ასევე: