მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას ამბობს ოლაფ შოლცი ზელიმხან ხანგოშვილის მკვლელობისთვის ბრალდებულის გათავისუფლებაზე - "არავისთვის არ იყო მარტივი გადაწყვეტილების მიღება"
11:54 / 02-08-2024
გერმანიის კანცლერი ოლაფ შოლცი რუსეთსა და დასავლეთს შორის შემდგარი მასშტაბური გაცვლის შედეგად გათავისუფლებულებს კელნის აეროპორტში დახვდა.
გაკეთებულ განცხადებაში გერმანიის კანცლერმა ყველას, ვინც ჯერ კიდევ რჩება რუსეთის საპატიმროებში, გათავისუფლების გზის პოვნა უსურვა. ამის შესახებ ინფორმაციას Bild ავრცელებს.
როგორც შოლცმა აღნიშნა, ეს მისთვის განსაკუთრებული მომენტია.
"მივიჩნევ, რომ ეს სწორი გადაწყვეტილება იყო. თუ თქვენ რაიმე ეჭვები გქონდათ, მათ გათავისუფლებულებთან საუბრის შემდეგ დაკარგავთ. ჩვენ ვართ საზოგადოება, რომლისთვის თავისუფლების იდეა მნიშვნელოვანია. ჩვენ გაცვლის შედეგად დავაბრუნეთ გერმანიის მოქალაქეები, რომლებიც სხვა შემთხვევაში, საფრთხეში იქნებოდნენ“,- განაცხადა ოლაფ შოლცმა.
შოლცი ზელიმხან ხანგოშვილის მკვლელობისთვის უვადო პატიმრობაში მყოფი ვადიმ კრასიკოვის გათავისუფლების საკითხსაც გამოეხმაურა და მას რთული გადაწყვეტილება უწოდა.
"არავისთვის არ იყო მარტივი გადაწყვეტილების მიღება რამდენიმე წლის განმავლობაში პატიმრობაში მყოფი მკვლელის დეპორტაციის შესახებ, რომელსაც უვადო პატიმრობა ჰქონდა მისჯილი“,- განაცხადა შოლცმა.
გაცვლის პროცესი გერმანიის იუსტიციის მინისტრმა მარკო ბუშმანმაც შეაფასა.
„ეს იყვნენ პუტინის პოლიტპატიმრები. ზოგიერთი მათგანი მხოლოდ იმის გამო იყო დაპატიმრებული, რომ თავის აზრს გამოთქვამდნენ. მათი სიცოცხლე ბეწვზე ეკიდა. გერმანიის ერთ-ერთ მოქალაქეს სიკვდილით დასჯა ემუქრებოდა“,- განაცხადა იუსტიციის მინისტრმა.
ამასთან, მან პუტინისთვის ვადიმ კრასიკოვის გადაცემა ერთ-ერთ ყველაზე ცუდ დათმობად შეაფასა, თუმცა აქვე აღნიშნა, რომ ამ ნაბიჯის გარეშე, ჟურნალისტები, პოლიტიკოსები და სხვა პატიმრები გათავისუფლებულები ვერ იქნებოდნენ.
არსებული ინფორმაციით, გათავისუფლებულ პატიმრებს რამდენიმე დღის განმავლობაში კლინიკაში მოათავსებენ.
ცნობისთვის, რუსეთის მხარისთვის გადაცემულ რუსეთის მოქალაქეებს შორის არიან: არტემ დულცევი (გათავისუფლებული სლოვენიიდან), ანა დულცევა (გათავისუფლებული სლოვენიიდან), მიხაილ მიკუშინი (გათავისუფლებული ნორვეგიიდან), პაველ რუბცოვი (გათავისუფლებული ნორვეგიიდან), რომან სელეზნიოვი (გათავისუფლებული აშშ-დან), ვლადისლავ კლიუშინი (გათავისუფლებული აშშ-დან), და ბერლინში საქართველოს მოქალაქის ზელიმხან ხანგოშვილის მკვლელობისთვის ბრალდებული ვადიმ კრასიკოვი (გათავისუფლებული გერმანიიდან).
გათავისუფლებულ ამერიკელ მოქალაქეებს შორის არიან: რეპორტიორი ევან გერშკოვიჩი, ყოფილი საზღვაო ქვეითი პოლ უილანი, აშშ-ისა და რუსეთის მოქალაქე ჟურნალისტი ალსუ კურმაშევა და დიდი ბრიტანეთისა და რუსეთის მოქალაქე ოპოზიციონერი ვლადიმირ კარა-მურზა, რომელსაც ასევე აშშ-ში მუდმივი ბინადრობა გააჩნია.
გერმანიაში წავლენ 5 გერმანიის მოქალაქე - რიკო კრიგერი, კევინ ლიკი, პარტიკ შობელი, დიტერ ვორონინი და ჰერმან მოიჟესი, და 7 რუსი პოლიტიკური პატიმარი - ილია იაშინი, ლილია ჩანიშევა, ქსენია ფადეევა, ვადიმ ოსტანინი, ანდრეი პივოვაროვი, ოლეგ ორლოვი და საშა სკოჩილენკო.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
