მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"3000-ზე მეტი შეტყობინება მივიღე, შოკირებული და ბედნიერი ვარ... გამარჯვების შემდეგ ღიმილით მითხრა, ასეთი რა გამაჩინეო" - ინტერვიუ ლაშა ბექაურის დედასთან
15:28 / 01-08-2024
"მე მებრძოლი ხალხის ქვეყნიდან ვარ ძმაო, 300 არაგველი იცი?" - ლაშა ბექაურმა გამარჯვების შემდეგ ამ სიტყვებით მიმართა ევროსპორტის ჟურნალისტს. ლაშა ბექაური ორგზის ოლიმპიური ჩემპიონია. მან ოლიმპიადაზე, საქართველოს ნაკრებს პირველი ოქროს მედალი მოუტანა. ნახევარფინალში ესპანეთის სახელით მოასპარეზე ტატო მოსახლიშვილის დამარცხების შემდეგ, ბექაური ფინალში ტურნირის ერთ-ერთ უმთავრეს ფავორიტს, იაპონელ სანშირო მურაოს დაუპირისპირდა.
23 წლის ქართველ ძიუდოისტს ნახევარფინალისკენ მიმავალ გზაზე კორეელ მეტოქესთან მოუწია ურთიერთობის გარკვევა, თუმცა საამისოდ დიდი დრო არ დასჭირვებია - შემდეგ ეტაპზე გასასვლელად სულ წუთნახევარი დასჭირდა. ტოკიოს ოლიმპიური თამაშების ჩემპიონმა ნახევარფინალური ბარიერი მეტოქის - ესპანეთის სახელით მოასპარეზე ტრისტან მოსახლიშვილის სამი გაფრთხილების შემდეგ გადალახა.
გადამწყვეტ შეხვედრაში ქართველს მეტოქეობას უწევდა მსოფლიო ჩემპიონატის ბრინჯაოს მედლის მფლობელი, იაპონელი მურაო სანშირო. ეს იყო დრამატული შეხვედრა, სადაც პირველი ვაზარი იაპონელმა მოიპოვა. ბექაურმა ჯერ გაათანაბრა ანგარიში, ბრძოლის მიწურულს კი კიდევ ერთი ვაზარი აიღო და იპონით გაიმარჯვა. ლაშა ბექაური დამოუკიდებელი ქართული სპორტის ისტორიაში გახდა მეათე ოლიმპიური ჩემპიონი, ძიუდოში კი მეშვიდეა, ვინც კვარცხლბეკის პირველ საფეხურზე ავიდა. საბჭოთა კავშირის და გაერთიანებული გუნდის სახელით საქართველოს სპორტსმენთა შედეგების გათვალისწინებით, ბექაურის მიერ პარიზში მოპოვებული ოქროს მედალი 42-ეა.
ლაშა ბექაურის ოჯახი სპეციალურად ჩავიდა საგულშემატკივროდ პარიზში და მართლა დიდია მათი ემოციები დღეს. მთელი საქართველო ულოცავს ლაშას ამ დიდ გამარჯვებას და ამ დრომდე არ შეწყვეტილა მესიჯები და ზარები მის მშობლებთან.
AMBEBI.GE ლაშას დედას, ვიკა წიკლაურს ტელეფონით ესაუბრა:
- ვიკა, გილოცავთ შვილის ამ დიდ გამარჯვებას. მთელი საქართველო ზეიმობს ლაშასთან ერთად და ოვაციები არ წყდება. იქნებ გვიამბოთ, თქვენი ემოციები როგორია?
- საოცარი ემოციებია, 3000-ზე მეტი სმს შეტყობინება მივიღე ამ მოკლე დროში, ყველა გახარებულია და ძალიან გახარებულები, ძალიან ბედნიერები ვართ ჩვენც. ძალიან მიჭირს ახლა საუბარი, მართლა ისეთ ემოციებში ვარ. მე პირადად არც მიყურებია ამ თამაშისთვის, ვერ შევძელი ყურება, დაბლა ვიყავი დაჩოქილი და ვლოცულობდი, სხვა არაფერი დამინახავს. რომ დასრულდა და ლაშა გადმოხტა, მერე ამოვყავი მეც თავი. ეს იყო საოცარი ემოციები. როგორ უნდა გადმოსცე ადამიანმა ეს ყველაფერი. სიტყვებით ვერ გადმოსცემ, ჯერ ისევ შოკირებული ვარ, ძალიან ბედნიერი ვარ და სულ თვალწინ წარმომიდგა როგორ გაახარა ლაშამ ამ გამარჯვებით მთელი საქართველო. მე აქედან ვერ ვხედავდი საქართველოში რა ემოციები იყო, მაგრამ ბედნიერი ვარ, რომ ჩემს ქვეყანას ვხედავ ასე გახარებულს. ახლა ილია სულამანიძე და თუშიშვილიც გაგვახარებენ, ახლა მათ უნდა ვუგულშემატკივროთ ყველამ და დადებითი ემოციები გავუშვათ მათკენ.
- როგორ ემზადებოდა ლაშა ამ ოლიმპიადისთვის?
- ფაქტობრივად, ვერ ვნახულობდი ლაშას. თვეში ერთხელაც კი, სულ მოირბენდა და გარბოდა, გაცილებაში ვიყავი. სად ეცალათ ჩვენთვის, სულ შეკრებებზე იყვნენ ბიჭები. ყველანი ძალიან მონდომებით ემზადებოდნენ, ყველა მაქსიმალურად კარგ ფორმაში იყო. აქ წამოსვლამდე ბორჯომში ჩავაკითხეთ. ამ ბიჭებს რომ ვუყურებდი, ყველას თვალებში ოქრო ბრწყინავდა, ისეთი ემოციებით იყვნენ. ოლიმპიადას 4 წელიწადში ერთხელ დიდი მომზადება სჭირდება, რადგან ყველა რჩეული სპორტსმენი გამოდის. იაპონელების არის ეს სპორტი და მათ სხვანაირი მიდგომა აქვთ, არ ღლიან სპორტსმენებს, ჩვენმა ბიჭებმა კი ამ ოლიმპიადამდე მსოფლიო ჩემპიონატში მიიღეს მონაწილეობა და ოქროს მედლებით დაბრუნდნენ. გიორგი სარდალაშვილი და ტატო გრიგალაშვილი მსოფლიოზე იყვნენ და ასეთ მოკლე დროში კიდევ ამხელა დონის ჩემპიონატში მიიღეს მონაწილეობა. ხომ ვიცით, რა შრომის ფასად მოდის ეს ყველაფერი.
- თურმე პირველი შემთხვევაა, ზედიზედ ორგზის ევროპის ჩემპიონის ტიტულის მოპოვება, ეს თქვენმა შვილმა შეძლო და ორმაგად გასახარია...
- დიახ, არ მომხდარა, რომ ორჯერ ზედიზედ ოქრო აეღოს ოლიმპიადაზე ვინმეს, ასეთი შედეგი არავის აქვს, ეს ლაშამ შეძლო და ამით მართლა დიდი ისტორია დაიწერა.
- გამარჯვების შემდეგ რომ ნახეთ თქვენი შვილი, რა გითხრათ?
- ღიმილით მითხრა, ასეთი რა გამაჩინეო და მეფერებდა. ძალიან საყვარელია, ძალიან კარგი ახალგაზრდაა. ჩვენ მთელი ოჯახი ვართ ჩამოსულები საგულშემატკივროდ. გუშინ ძალიან გვიან მოვედით სახლში და იმდენი წერილი და იმდენი ზარი შემოვიდა, რომ გაოგნებული ვარ. ყველას მინდა მოვეფერო და მადლობა ვუთხრა ასეთი გულშემატკივრობისთვის და ამ დიდი სიხარულის გაზიარებისთვის. არ ვაჭარბებ, ისეთ ემოციებში ვიყავი, თამაშისთვის მართლა არ მიყურებია. თბილისში რომ ჩავალ, მერე იქ ვუყურებ ფინალს. ფრანგები არ აჩვენებენ, არ გადმოსცემენ სხვა ქვეყნების წარმომადგენლების თამაშებს. აქ ბევრი ქართველი ცხოვრობს, რომლებმაც ვერ შეძლეს დასწრება და მათ არ მიეცათ ტელევიზიით ამის ნახვის შესაძლებლობა. ბილეთები ისეთი ძვირი ღირდა, სულ გადამყიდველებს ჰქონდათ. ჩვენ რომ გვხედავდნენ ქართული დროშით, ჩვენთან ერთად იღებდნენ სურათებს. ისე უყვართ ქართველები. რა იცოდნენ, ჩვენ ლაშა ბექაურის მშობლები რომ ვიყავით, მაგრამ ფინალის დროს ისინიც ლაშას გულშემატკივრობდნენ და ისმოდა, ბექაური, ბექაური. რომ ხედავდნენ ქართულ დროშას, ფოტოებს იღებდნენ ჩვენთან ერთად. გამარჯვების მერე იძახდნენ - ბექაური, ბექაური, მაგრები ხართ, ეს ისმოდა და ამას რომ ისმენ, ძალიან ბედნიერი ხარ მშობელი.
ლაშა საოცარი შვილია. მართლა ძალიან გაგვახარა, მომეწონა მისი ემოციური ინტერვიუ, როცა ინტერვიუში თქვა - იცი, სამასი არაგველის ქვეყნიდან ვარო. ორი ქართველი რომ შეხვდა ერთმანეთს, ისეთი განცდა იყო, მახარაშვილი ფილმში რომ ამბობს, აქ რამ მოგიყვანა, შენ დალოცვილოო. ბევრი წერდა, ხვიჩა და გოჩა ხომ გახსოვთო. მართლა ძალიან ძლიერი ემოციები იყო. ახლა დაველოდებით ილიას და თუშიშვილის გამოსვლას. გვჯერა, რომ ისინიც გაგვახარებენ ქართველ გულშემატკივარებს. უნდა ვუქომაგოთ, თორემ ფრანგებმა გადაგვიარეს. საოცრად გულშემატკივრობდნენ თავიანთ წარმომადგენლებს. რომ დამარცხდა ფრანგი, ყველაფერი დაამტვრიეს. ბოლოს ფრანგებიც კი ისე მოიხიბლნენ ლაშათი, რომ ბოლოს ისინიც გულშემატკივრობდნენ ფინალში.
- ლაშასთან თქვენი შეხვედრა როგორი იყო?
- ოლიმპიურ სოფელში ჩვენ ვინ შეგვიშვებს. რომ გაიმარჯვა, ამის შემდეგ შეიყვანეს შემოწმებაზე დოპინგ ცენტრში. იქ ყველა სპორტსმენს ამოწმებენ და დიდხანს ველოდებოდით. შემდეგ დაახლოებით ერთი საათი ვიყავით ერთად, მოვეფერეთ ერთმანეთს. მამამისი და მისი დიალოგი იყო საოცრება. გელას ხმა არ აქვს საერთოდ. ისე უყვიროდა ლაშას. საქართველო გელოდება მამი, ყვიროდა და ღვთისმშობლის ხატს აჩვენებდა. ყველა უღებდა ამ დროს ფოტოებს. მე და გელა ვიღაცის ადგილზე დავჯექით წინ. გელა თვითონ სპორტსმენია და დარბაზიდან ეუბნებოდა, როგორ უნდა ეჭიდავა. მამის რჩევები ესმოდა ტატამზე მყოფ ლაშას და დადგა ეს ბედნიერი წუთებიც, მან კიდევ ერთხელ გაგვახარა ყველა. ახლობლებმა გვითხრეს, გელას რომ გავხედეთ, ვტიროდითო. საქართველო შენ გელოდება მამი, ჩვენი ქვეყნისთვის მამა, ჩვენი ქვეყანა გაახარე მამიი, იძახდა გელა, არაამქვეყნიური ემოციებია ამ დროს. პირველი ოქროს მედალი რომ აიღო, მაშინ ხელიც დაზიანებული ჰქონდა და ახლა ეს მეორე დიდი ოლიმპიური გამარჯვებაა. უბედნიერესი დედა ვარ და ვტირივარ ამ სიხარულისგან.
- ვიკა, როგორც ვიცით, ერთი თვის წინ ლაშამ მანქანა გაჩუქათ, ხშირად განებივრებთ სიურპრიზებით?
- კი, მანქანა მაჩუქა, უყვარს სიურპრიზები. საოცრად კარგი შვილია ლაშა. განსაკუთრებული და განსხვავებული. უყვარს დედიკოს და მამიკოს, ოჯახის წევრების გახარება. დებიც აქ არიან ჩვენთან ერთად, ვგულშემატკივრობთ მთელი ოჯახი. ჩვენ მშობლებს გვაქვს ჩვენი რიტუალი. მართლმადიდებლები ვართ და ყოველი ასეთი მნიშვნელოვანი შეჯიბრის წინ მონასტრებს და ტაძრებს მოვილოცავთ ხოლმე, ახლაც წამოსვლამდე მოვილოცეთ რამდენიმე ტაძარი, ხატი სულ თან დაგვაქვს. ღვთისმშობლის მოულოდნელი სიხარულის ხატი და გავიხარეთ ამ შედეგით.
- როგორც ამბობენ, ლაშა შეყვარებულია და გამოჩნდა თქვენი სარძლოს ფოტოები, იცნობთ მას?
- ლაშას პირადზე არ უყვარს საუბარი, ამიტომ ამ კითხვაზე პასუხისგან თავს შევიკავებ.
წაიკითხეთ ასევე:
- ჩემპიონს გამარჯვება, ერთ-ერთმა პირველმა, შეყვარებულმა მიულოცა: ვინ არის ლაშა ბექაურის რჩეული, რომელიც გუშინ საჯაროდ გამოჩნდა - ფოტო და ვიდეოკადრები
- 24 წლის ასაკში ლეგენდად ქცეული არხილოსკალოელი ბიჭი, ლაშას ოლიმპიური დაბადების დღე და გამარჯვების ამსახველი ფოტორეპორტაჟი
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ასეთები უნდა ვაპიაროთ და არა სამარცხვინო ბომონდები.
ვულოცავთ რირსეულ გამარჯვებას ლაშას ოჯახს და მთელ საქართველოს ოღონდაც თავს ნუ გადაგვაჭამთ რააააააააა თავმდაბლობას უფრო დიდი ფასი აქვს....